Salaar Movie Teaser Released: పాన్ ఇండియా స్టార్ ప్రభాస్-కేజీఎఫ్ డైరెక్టర్ ప్రశాంత్ నీల్ కాంబోలో తెరకెక్కుతున్న మూవీ సలార్. శ్రుతి హాసన్ హీరోయిన్‌గా నటిస్తుండగా.. హోంబ‌లే ఫిలింస్ బ్యాన‌ర్‌పై విజ‌య్ కిర‌గందూర్ నిర్మిస్తున్నారు. జ‌గ‌ప‌తి బాబు కీరోల్ ప్లే చేస్తుండగా.. మలయాళ స్టార్ హీరో పృథ్వీరాజ్ సుకుమారన్ విల‌న్‌గా యాక్ట్ చేస్తున్నారు. ప్టెంబర్ 28న ప్రపంచవ్యాప్తంగా విడుదలకానున్న ఈ సినిమాపై అభిమానులకు భారీ అంచనాలు నెలకొన్నాయి. ఆదిపురుష్‌ మూవీ నిరాశపర్చడంతో అభిమానుల ఆశలన్నీ సలార్‌పైనే ఉన్నాయి. అభిమానుల అంచనాలను మరింత పెంచేందుకు.. వారి ఉత్సాహాన్ని రెట్టింపు చేసేందుకు సలార్ మూవీ మేకర్స్ టీజర్ రిలీజ్ చేశారు. ప్రభాస్ పవర్ఫుల్ లుక్‌కు ఫ్యాన్స్‌ ఫిదా అవుతున్నారు.
THE MOST VIOLENT MEN... CALLED ONE MAN... THE MOST VIOLENT 🔥
Presenting our next feature #SalaarCeaseFire to the world: https://t.co/AhH86b1cQS#SalaarTeaser #Salaar #Prabhas #PrashanthNeel @PrithviOfficial @shrutihaasan @hombalefilms #VijayKiragandur @IamJagguBhai… pic.twitter.com/Jrvr7jK3zL
— Salaar (@SalaarTheSaga) July 5, 2023
రౌడీల గ్యాంగ్ అంతా చుట్టుముట్టి కాల్చేందుకు ప్రయత్నిస్తుండగా.. టీనూ ఆనంద్ డైలాగ్‌తో టీజర్‌ను స్టార్ట్ చేశారు. "లయన్.. చిరుత.. టైగర్.. ఏనుగు.. వెరీ డేంజరస్.. కానీ, జురాసిక్‌ పార్క్‌లో కాదు.. ఎందుకుంటే ఆ పార్కులో.." అంటూ టీజర్ సాగింది. కేజీఎఫ్ తరహాలోనే హీరో ప్రభాస్ క్యారక్టర్‌ను ప్రశాంత్ నీల్ పవర్‌ఫుల్‌గా డిజైన్ చేసినట్లు అర్థమవుతోంది. రెండు పార్ట్‌లుగా రానున్న సలార్.. పార్ట్‌ 1-సీజ్‌ఫైర్‌ అంటూ టీజర్ చివర్లో మేకర్స్ క్యాప్షన్ ఇచ్చారు. పృథ్వీరాజ్ సుకుమారన్ లుక్‌ కూడా టీజర్‌లో చూపించారు. బ్యాక్‌గ్రౌండ్ మ్యూజిక్ కూడా అదిరిపోయింది.
పవర్ఫుల్ ఫైట్‌కు సంబంధించిన విజువల్స్ టీజర్‌లో చూపించారు. ప్రభాస్ గన్స్ పట్టుకుని కాలుస్తునే.. కత్తులతో విలన్స్‌తో ఫైట్ చేస్తున్నాడు. అంచనాలకు తగినట్లే ప్రభాస్‌కు డైరెక్టర్ ప్రశాంత్ నీల్ భారీ ఎలివేషన్స్ ఇచ్చారు. పిడికిలి బిగించి ప్రభాస్ నిల్చున్న సమయంలో ఫ్యాన్స్‌కు గూస్‌బంప్స్ రావడం మాత్రం పక్కా అని చెప్పొచ్చు. ఇక సలార్ టీజర్ తెల్లవారుజామునే వస్తుండడంతో ఫ్యాన్స్‌కు రాత్రి నిద్ర కూడా పట్టలేదు. ఎప్పుడు 5:12 అవుతుందా..? ఎప్పుడు టీజర్ వస్తుందా..? అని ఎదురుచూశారు. వారి అంచనాలకు తగినట్లే టీజర్ ఉండడంతో హ్యాపీగా ఫీలవుతున్నారు. బ్లాక్‌బస్టర్ హిట్ కొట్టడం పక్కా అంటూ కామెంట్స్‌ చేస్తున్నారు. సలార్ టీజర్ అన్ని రికార్డులను బద్దలు కొట్టే అవకాశం ఉంది.
