NTR - Hrithik Roshan - War 2: ఎన్టీఆర్.. రాజమౌళి డైరెక్షన్లో వచ్చిన 'ఆర్ఆర్ఆర్' మూవీతో ప్యాన్ ఇండియా (భారత్) స్టార్‌గా సత్తా చాటాడు. ఈ సినిమాలో కొమరం భీమ్ పాత్రలో జూనియర్ పండించిన నటనను ఎవరు మరిచిపోలేదు. ఈ సినిమా తర్వాత కొరటాల శివ దర్శకత్వంలో 'దేవర' మూవీ చేస్తున్నాడు ఎన్టీఆర్. ఈ మూవీ రెండు భాగాలుగా రాబోతుంది. ఈ చిత్రం తర్వాత ఎన్టీఆర్ ప్రశాంత్ నీల్ సినిమా చేయాల్సింది. కానీ నీల్ మాత్రం.. ప్రభాస్‌తో 'సలార్ 2'మూవీ కంప్లీటైన తర్వాత ఎన్టీఆర్ సినిమాను స్టార్ట్ చేయాలనే ప్లాన్‌లో ఉన్నాడు.
మరోవైపు ఎన్టీఆర్ కూడా దేవర మూవీ తర్వాత వెంటనే వార్ 2 స్టార్ట్ చేయాలనే ప్లాన్‌లో ఉన్నాడు. దాంతో పాటు దేవర 2 సినిమా షూటింగ్‌ను ఒకేసారి చేయాలనే ప్లాన్‌లో ఉన్నాడు. ఇప్పటికే సైఫ్ అలీ ఖాన్ గాయం కారణంగా దేవర మూవీ షూటింగ్ ఆలస్యం కానుంది. మరోవైపు హృతిక్ రోషన్.. రీసెంట్‌గా గాయలపాలైయ్యాడు. ఇపుడిపుడే కోలుకుంటున్నాడు. తాజాగా హృతిక్.. వార్ 2 షూటింగ్‌లో నెక్ట్స్ వీక్ నుంచి జాయిన్ కానున్నాడు. అందుకు సంబంధించి కసరత్తులు ప్రారంభించాడు. ఇప్పటికే అయాన్ ముఖర్జీ ఈ సినిమాలో ఎన్టీఆర్, హృతిక్ రోషన్ లేకుండా ఉన్న సీన్స్‌ను చిత్రీకరించాడు. ఇక ఎన్టీఆర్ కూడా ఏప్రిల్ నుంచి రెగ్యులర్ షూటింగ్‌లో జాయిన్ కానున్నాడు. ఆ తర్వాత రెండు షెడ్యూల్స్‌లో ఈ సినిమాను ఎన్టీఆర్ కంప్లీట్ చేయనున్నాడు. యశ్ రాజ్ ఫిల్మ్స్ ఈ సినిమాను భారీ ఎత్తున స్పై యూనివర్స్‌లో భాగంగా తెరకెక్కిస్తోంది.
ఈ సినిమాలో హీరోయిన్‌గా ముందుగా కియారా పేరు వినిపించింది. తాజాగా ఈ సినిమాలో ఆలియా భట్ కథానాయికగా నటించడం దాదాపు కన్ఫామ్ అయిందని చెబుతున్నారు. దీనిపై అఫీషియల్ కన్ఫర్మేషన్ రావాల్సి ఉంది. ఈమె హృతిక్ సరసన నటిస్తుందా.. ? లేకపోతే ఎన్టీఆర్‌కు జోడిగా యాక్ట్ చేస్తుందా అనేది చూడాలి. లేకపోతే ఆలియా, కియారా ఇద్దరు నటిస్తారా అనేది చూడాలి.
మొత్తంగా ఎన్టీఆర్.. ఎలాంటి ఈగోలకు పోకుండా తన తోటి స్టార్ హీరోలతో మల్టీస్టారర్ మూవీస్ చేయడానికి ముందుకు రావడం శుభ పరిణామం. దీంతో పాటు మరో హిందీలో తెరకెక్కనున్న భారీ ప్రాజెక్ట్‌లో ఎన్టీఆర్ భాగం కాబోతున్నట్టు సమాచారం. మరోవైపు అట్లీతో ఓ సినిమా ఉండనే ఉంది. దాంతో పాటు కల్కి ఫేమ్ నాగ్ అశ్విన్‌లతో కూడా ఎన్టీఆర్ చర్చలు జరుపుతున్నాడు. త్వరలో వీళ్లిద్దరితో చేయబోయే సినిమాలను అఫీషియల్‌గా ప్రకటించే అవకాశం ఉంది. దీనిపై త్వరలో అధికారిక ప్రకటన వెలుబడాల్సి ఉంది. అటు హృతికో రోషన్.. రీసెంట్‌గా 'ఫైటర్' మూవీతో పలకరించారు. ఈ మూవీ టాక్ బాగున్నా.. అందుకు తగ్గ వసూళ్లను రాబట్టలేకపోయింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
