Maha Kumbhmela 2025:పుష్య అమావాస్య రోజున పుణ్య స్నానాలు స్నానాలు చేయడానికి ఒక్కసారిగా కోట్లాది భక్తులు ఒకే వైపు రావడంతో మహా కుంభమేళాలో అనుకోకుండా తొక్కిసలాట జరిగింది. భక్తులు తోసుకోవడంతో బారీకేడ్లు విరిగిపోయి తొక్కిసలా చోటు చేసుకుంది. ఈ ఘటన వెనక ఏదైనా కుట్ర కోణం దాగుందా అనే కోణంలో యోగి ఆదిత్యనాథ్ ప్రభుత్వం దర్యాప్తు మొదలు పెట్టింది. మౌనీ అమావాస్య సందర్భంగా ఒకేసారి దాదాపు 10 కోట్లకు పైగా భక్తులు ప్రయాగ్ రాజ్ కు తరలి రావడంతో అనుకోని దుర్ఘటన జరిగింది. పుకార్ల కారణంగా సంగంలో తెల్లవారుజామున 1 గంటలకు తొక్కిసలాట లాంటి పరిస్థితి ఏర్పడింది. వెంటనే అప్రమత్తమైన యోగి సర్కార్ వెంటనే నష్ట నివారణ చర్యలు చేపట్టింది. ఇందులో ఏదైనా ఉగ్రవాద కోణం అంశంలో యూపీ పోలీసులతో పాటు ఎన్ఐఏ దర్యాప్తు మొదలు పెట్టింది.
ఘటన జరిగిన వెంటనే అప్పటికపుడు 50 అంబులెన్స్‌లు & NSG కమెండోలు నిమిషాల్లోనే సంఘటనా స్థలానికి చేరుకుని పరిస్థితిని చక్కబెట్టాయి. గ్రీన్ కారిడార్ వెంటనే పునర్మించారు. అంతేకాదు తొక్కిసలాటలో గాయపడిన వారిని కుంభమేళా వద్ద ఏర్పాటు చేసిన ఆసుపత్రులతో పాటు వివిధ ప్రాంతాల్లో హాస్పిటల్స్ కు తరలించారు.
ప్రయాగ్ రాజ్ లో జరిగిన తొక్కిసలాటపై ప్రధాన మంత్రి నరేంద్ర మోడీజీ గంటలోపు రెండుసార్లు యోగిజీకి ఫోన్ చేసి పరిస్థితిని పర్యవేక్షించారు. అంతేకాదు క్షతగాత్రులకు మెరుగైన చికిత్స అందించమని కోరారు. ఇక కేంద్ర హోం మంత్రి అమిత్ షా యోగికి ఫోన్ చేసి కేంద్రం నుండి అవసరమైన అన్ని సహాయ సహాకారాన్ని అందిస్తామని హామీ ఇచ్చారు.
ఇదీ చదవండి : ప్రస్తుత మార్కెట్ వాల్యూ ప్రకారం నాగార్జున ‘అన్నపూర్ణ స్టూడియో’ మార్కెట్ విలువ ఎంతో తెలుసా..?
ఇదీ చదవండి: గడ్డకట్టే చలిలో నాగ సాదువులు నగ్నంగానే ఎందుకు ఉంటారు.. అసలు రహస్యం అదేనా..!
ఆందోళనకరమైన పరిస్థితిలో కుంభమేళా నిర్వాహకులు చాలా వేగంగా స్పందించి నష్ట నివారణ చర్యలు చేపట్టడంతో తక్కువ ప్రాణ నష్టం జరిగింది. ఈ నేపథ్యంలో భక్తులు భయాందోళనలకు గురికావద్దని భారీ జనసమూహాన్ని నడిపించాలని నిరంతర ప్రకటనలు చేయడంతో నిమిషాల్లోనే తొక్కిసలాట అదుపులోకి తీసుకొచ్చారు.
సున్నితమైన పరిస్థితుల కారణంగా అఖాడాలు అమృత స్నానాన్ని వసంత పంచమికి వాయిదా వేసుకున్నాయి. ప్రస్తుతం ప్రయాగ్ రాజ్ లో పరిస్థితులు పూర్తిగా అదుపులో ఉంది. త్రివేణి సంగమంతో సహా వివిధ ఘాట్ల వద్ద దాదాపు 9 కోట్ల మంది భక్తులు పుణ్యస్నానాలు చేసారు. తొక్కిసలాటలో మృతులు లేదా గాయపడిన వారి సంఖ్యపై త్వరలో వివరాలు ప్రకటిస్తామని ప్రభుత్వం ప్రకటించింది.
ఇదీ చదవండి : చిరంజీవి, కీర్తి సురేష్ తల్లితో రొమాన్స్ చేసిన ఈ సినిమా తెలుసా..! అందులో మెగాస్టార్ విలన్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
