Nilu Kohli Husband Harminder Singh Kohli Dead: సినీ పరిశ్రమలో తీవ్ర విషాదం నెలకొంది. అనేక టీవీ సీరియల్స్ అలాగే సినిమాలలో పని చేసిన నటి నీలు కోహ్లీ భర్త హర్మిందర్ సింగ్ కోహ్లీ కన్నుమూశారు. ఆయన పూర్తిగా ఆరోగ్యంగా ఉన్నాడు, కానీ మార్చి 24న అంటే నిన్న గురుద్వారా నుండి తిరిగి వచ్చిన తరువాత, బాత్రూమ్కు వెళ్లి అక్కడే కుప్పకూలిపోయాడని తెలుస్తోంది. ఆయన చనిపోయినప్పుడు, సహాయకుడు మాత్రమే ఇంట్లో ఉన్నాడని వెంటనే వైద్య సహాయం కోసం ఆసుపత్రికి తీసుకెళ్లారు కానీ అప్పటికి చాలా ఆలస్యం అయిందని తెలుస్తోంది.
అందుతున్న సమాచారం ప్రకారం, హర్మీందర్‌కు ఎటువంటి తీవ్రమైన అనారోగ్యం లేదు కానీ ఈమధ్యనే మధుమేహం వచ్చిందని అంటున్నారు. ఈ సంఘటన శుక్రవారం మధ్యాహ్నం 1.30 గంటలకు జరిగిందని నీలు కోహ్లీ స్నేహితురాలు వందనా అరోరా వెల్లడించారు. హర్మీందర్ ఉదయం గురుద్వారాకు వెళ్లారని, అక్కడి నుంచి తిరిగి వచ్చిన తర్వాత బాత్రూమ్కు వెళ్లి అక్కడే కుప్పకూలిపోయాడని అన్నారు ఆ సమయంలో మధ్యాహ్న భోజనం వండేందుకు సిద్ధమవుతున్న ఇంట్లో సహాయకుడు మాత్రమే ఉన్నాడని, హర్మీందర్ రావడం చాలా ఆలస్యమవడం చూసి ఎక్కడో నిద్ర పోయి ఉంటాడని అనుకున్నారని ఆమె అన్నారు.
ఇంకా లేట్ కావడంతో హర్మీందర్ ఎక్కడ ఉన్నాడని కనుక్కోవడానికి పడకగదికి వెళ్ళినా అక్కడ కూడా అతను కనిపించలేదు. హర్మీందర్ కనిపించకపోవడంతో బాత్‌రూమ్ వైపు వెళ్లగా పలికి చూసేసరికి హర్మిందర్ అపస్మారక స్థితిలో పడి ఉన్నాడు. అయితే హర్మీందర్ కు ఎలాంటి అనారోగ్యం లేదని, ఆయన సంపూర్ణ ఆరోగ్యంగా ఉన్నారని నీలు స్నేహితురాలు వందన వెల్లడించారు. మధుమేహం ఉన్నప్పటికీ, ఆయన యాక్టివ్ గానే ఉన్నారని ఇలా ఎలా జరిగిందో అర్ధం కాలేదని ఆమె అన్నారు.
ఇక నీలు స్నేహితురాలు వందన చెబుతున్న దాని ప్రకారం, కొడుకు వచ్చిన తర్వాత అంత్యక్రియలు నిర్వహిస్తారు , మార్చి 26 ఆదివారం నాడు హర్మిందర్ అంత్యక్రియలు నిర్వహిస్తారు. ప్రస్తుతం ఆయన కుమారుడు విదేశాల్లో ఉన్నారు, ఆయన వచ్చిన తర్వాత అంత్యక్రియల ప్రక్రియ పూర్తవుతుందని తెలుస్తోంది. నీలు కోహ్లీ టీవీ సీరియల్స్ సహా సినిమాల్లో కూడా నటించారు. ఆమె 1999 చిత్రం దిల్ క్యా కరేలో సహాయక పాత్రలో కనిపించింది. అలాగే ‘జై హనుమాన్‌’ అనే హిందీ సీరియల్‌లోనూ ఆమె నటించారు. 2022లో, ఆమె పీరియాడికల్ డ్రామా చిత్రం జోగిలో కూడా కనిపించింది. వీటన్నింటితో పాటు, నీలు కోహ్లీ హిందీ మీడియం, హౌస్‌ఫుల్ 2 సహా రన్ వంటి సినిమాల్లో కూడా పనిచేశారు.
Also Read; SSMB28 for Sankranthi: ఆగస్టు 11 కష్టమే.. సంక్రాంతి బరిలోకి మహేష్ బాబు?
Also Read: Rashmika Mandanna Alert: నోరు మంచిదైతే ఊరు మంచిదవుద్ది.. రష్మిక జాగ్రత్తగా మాట్లాడకుంటే ఇబ్బందే!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
