Vedha Motion Poster కన్నడ ఇండస్ట్రీ ప్రస్తుతం ఇండియన్ సినిమాను డామినేట్ చేస్తోన్న సంగతి తెలిసిందే. కేజీయఫ్‌, కాంతార, చార్లీ 777 వంటి సినిమాలు బాక్సాఫీస్ వద్ద రికార్డులు క్రియేట్ చేశాయి. ఇలా కన్నడ ఇండస్ట్రీ ఇప్పుడు హాట్ టాపిక్‌గా మారింది. అయితే కన్నడ సూపర్ స్టార్ శివరాజ్‌కుమార్ హీరోగా వచ్చిన వేద సినిమా అక్కడ బ్లాక్ బస్టర్ హిట్ అయింది. శివ రాజ్ కుమార్ కెరీర్‌లో 125వ సినిమా తెరకెక్కించిన ఈ ప్రాజెక్ట్ ఇప్పుడు తెలుగులోకి డబ్ అవబోతోంది.
శివ రాజ్‌కుమార్‌కు ఇది 125వ చిత్రం మాత్రమే కాకుండా.. అతని భార్య గీతా శివ రాజ్‌కుమార్ నేతృత్వంలోని గీతా పిక్చర్స్ అయిన అతని హోమ్ బ్యానర్‌లో ఇది మొదటి వెంచర్‌ అవడం కూడా విశేషమే. కంచి కామాక్షి కలకత్తా క్రియేషన్స్ ద్వారా ఈ సినిమా తెలుగులో రిలీజ్ కానుంది. దీనికి సంబంధించిన టైటిల్, మోషన్ పోస్టర్‌ను ఆవిష్కరించింది చిత్ర బృందం.
ఈ క్రమంలో నిర్మాత వి.ఆర్.కృష్ణ మండపాటి మాట్లాడుతూ.. 'కథ నచ్చి ఈ సినిమాను కొనుక్కున్నాను. ఒక మంచి సినిమాకి ఎప్పుడూ తెలుగు ప్రేక్షకులు బహ్మరథం పడతారు. త్వరలో ఈ సినిమా ప్రీ రిలీజ్ ఈవెంట్ కూడా నిర్వహించనున్నాము. శివ రాజ్ కుమార్ ఫ్యామిలీ కి మన తెలుగులో కూడా ఎంత ఆదరణ ఉందో ప్రత్యేకంగా చెప్పనవసరం లేదు, మనం కూడా శివన్న అని పిలుచుకుంటాం. ఈ ప్రీ రిలీజ్ ఫంక్షన్ కి వాళ్ళు కూడా హాజరవుతారు' అని అన్నాడు.
హర్ష దర్శకత్వం వహించిన ఈ యాక్షన్ డ్రామా చిత్రం కన్నడలో డిసెంబర్ 23న విడుదలై సంచలనం సృష్టించింది. శివన్న, ఘనవి లక్ష్మణ్, అదితి సాగర్, శ్వేత చంగప్ప, ఉమాశ్రీ వంటి వారు ఈ సినిమాలో కీలక పాత్రల్లో కనిపించనున్నారు.
Also Read: Rajinikanth Called : వీర సింహారెడ్డి డైరెక్టర్ కు రజనీకాంత్ ఫోన్.. గాల్లో తేలిపోతున్నాడుగా!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
