Chiranjeevi on RRR: భారత సినీ పరిశ్రమలో ఇప్పుడు అందరూ చర్చించుకుంటున్న మూవీ.. 'ఆర్ఆర్ఆర్'. బాహుబలి తర్వాత రాజమౌళి తెరకెక్కించిన సినిమా కావడం.. ఎన్టీఆర్, రామ్ చరణ్ల వంటి స్టార్లు హీరోలుగా నటించడం.. వంటివి ఈ సినిమాకు భారీ హైప్ క్రియేట్ చేశాయి.
ఎన్నో అంచనాల నడుమ రూ.500 కోట్ల బడ్జెట్తో రూపొందిన ఈ సినిమా.. కరోనా కారణంగా వాయిదా పడుతూ.. ఎట్టకేలకు మార్చి 25న ప్రేక్షకుల ముందుకు వచ్చింది. ప్రపంచవ్యాప్తంగా 10 వేలకు పైగా స్క్రీన్లలో విడుదలై.. సంచలన విజయాన్ని అందుకుంది.
ఈ సినిమా చూసిన నందమూరి, మెగా అభిమానుల సందడికి హద్దులే లేవంటే అతిశయోక్తికాదు. ఇక ప్రముఖులు సైతం ఈ సినిమాపై పొగడ్తల వర్షం కురిపిస్తున్నారు.
తాజాగా.. 'ఆర్ఆర్ఆర్' మూవీని చూసిన తర్వాత మెగాస్టార్ చిరంజీవి.. పుత్రోత్సాహంతో పొంగిపోయారు. ఒక్క మాటలో సినిమా అదిరి పోయిందన్నారు. ఇక అందులో రామ్ చరణ్ నటన చూసి చాలా గర్వంగా ఉందని కూడా చెప్పుకొచ్చారు. రామ్ చరణ్ ఇంటి వద్ద చిరంజీవి చేసిన ఈ కామెంట్స్కు సంబంధించి ఓ వీడియో ఇప్పుడు ఇంటర్నెట్లో వైరల్ అవుతోంది. తెలుగు చిత్ర పరిశ్రమలో ఎన్నో సూపర్ హిట్ సినిమాలు తీశారు చిరంజీవి. ఇప్పుడు తన కుమారుడు పాన్ ఇండియా స్టార్గా గుర్తింపు తెచ్చుకోవడం కచ్చితంగా గర్వించదగ్గ విషయమేనని నెటిజన్లు అంటున్నారు.
Yesterday With One & Only Boss @KChiruTweets Garu at Charan Babu Residence. Shared Our #RRR Happiness With Boss . pic.twitter.com/Al3CFfBntC
— PraveenkumaRRR (@AlwaysPraveen7) March 26, 2022
ఆర్ఆర్ఆర్ గురించి..
ఆర్ఆర్ఆర్ మూవీలో ఎన్టీఆర్, రామ్ చరణ్లతో పాటు.. ఆలియా భట్, అజయ్ దేవ్గన్ (గెస్ట్ రోల్), శ్రేయా, సముద్రకని సహా పలువురు కీలక పాత్రల్లో నటించారు. ఈ మూవీని డీవీవీ దానయ్య నిర్మించారు. తెలుగులో నిర్మించిన ఈ మూవీని.. తమిళం, కన్నడ, మలయాళం, హిందీ భాషల్లో డబ్ చేశారు. విడుదలైన అన్ని భాషల్లో మంచి విజయాన్ని అందుకుంది ఈ మూవీ.
Also read: Nitin First Look: ఆకట్టుకుంటున్న మాచర్ల నియోజకవర్గం ఫస్ట్‌లుక్
Also read: RRR Movie: 'ఆర్ఆర్ఆర్'పై అల్లు అర్జున్ రియాక్షన్... తారక్, చెర్రీ పెర్ఫామెన్స్‌పై ప్రశంసలు..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
