Mercy Killing:
సరికొత్త కథతో తెలుగు ప్రేక్షకుల ముందుకి రానున్న సినిమా మెర్సీ కిల్లింగ్. సాయి కుమార్, పార్వతీశం, ఐశ్వర్య, హారిక ప్రధాన పాత్రల్లో రానున్న ఈ చిత్రాన్ని
సాయి సిద్ధార్ద్ మూవీ మేకర్స్ బ్యానర్ పై ప్రొడక్షన్ నెంబర్ 1 గా ఎక్కిస్తున్నారు. సిద్ధార్ద్ హరియల, మాధవి తాలబత్తుల నిర్మిస్తున్న ఈ సినిమాకు శ్రీమతి వేదుల బాల కామేశ్వరి సమర్పిస్తున్నారు.
సూరపల్లి వెంకటరమణ దర్శకత్వంలో రానున్న ఈ చిత్రానికి జి.అమర్ సినిమాటోగ్రాఫి అందిస్తుండగా ఎం.ఎల్.రాజా అద్భుతమైన సంగీతం అందిస్తున్నారు. ఈ చిత్రం త్వరలోనే విడుదల కాబోతున్న సందర్భంగా తాజాగా ఈ సినిమా ఫస్ట్ లుక్, మోషన్ పోస్టర్ ను ప్రముఖ దర్శకుడు పూరీ జగన్నాథ్ తనయుడు, టాలీవుడ్ యువ హీరో ఆకాష్ పూరి విడుదల చేశారు.
ఈ ఫస్ట్ లుక్, మోషన్ పోస్టర్ సినిమా ప్రేక్షకులను ఆకట్టుకోవడమే కాకుండా ఈ చిత్రంపై అంచనాలను కూడా పెంచుతోంది. ఈ సందర్భంగా ఈ సినిమా మోషన్ పోస్టర్ లాంచ్ ఈవెంట్ లో పాల్గొన్న ఆకాష్ పూరి మాట్లాడుతూ…’మెర్సి కిల్లింగ్ టైటిల్ వింటేనే నాకు చాలా ఇంట్రెస్ట్ కలిగింది ఈ సినిమా టైటిల్ ఆసక్తికరంగా ఉంది, మొషన్ పోస్టర్ లో కాన్సెప్ట్ బాగుంది, ఇలాంటి కాన్సెప్ట్ తో వస్తోన్న చిత్రాలు తప్పకుండా విజయం సాధించాలని కోరుకుంటున్నాను. మంచి ప్రొడక్షన్ వాల్యూస్ తో రాబోతున్న ఈ చిత్రం హైదరాబాద్, కాకినాడ, ఉప్పాడ, అరకు వంటి అందమైన లొకేషన్స్ లో చిత్రీకరించడం జరిగింది. ఈ సినిమా వచ్చేనెల ఏప్రిల్ లో ప్రేక్షకుల ముందుకు రాబోతోంది. ఈ సినిమా మంచి సక్సెస్ అవ్వాలని మనస్ఫూర్తిగా కోరుకుంటున్నాను’ అని తెలియజేశారు.
భారత రాజ్యాంగంలోని ఆర్టికల్ 21 ఆధారంగా తెరకెక్కిన సినిమా మెర్సీ కిల్లింగ్. ఈ సినిమాలో ఆర్టికల్ 21 గురించి ఎంతో చక్కగా చెప్పబోతున్నారు దర్శకుడు.
స్వేచ్ఛ అనే అనాధ బాలిక తనకు న్యాయం జరగాలంటూ ఈ కథ ప్రారంభం అవుతుందని దర్శకుడు వెంకటరమణ ఎస్ ఈ ఈవెంట్ సందర్భంగా తెలియజేశారు.
సాయి కుమార్, పార్వతీశం, ఐశ్వర్య, బేబీ హారిక, రామరాజు,ఆనంద్ చక్రపాణి, ఘర్షణ శ్రీనివాస్, షేకింగ్ శేషు, ఎఫ్.ఎం.బాబాయ్, రంగస్థలం లక్ష్మీ, ల్యాబ్ శరత్, సూర్య, హేమ సుందర్, వీరభద్రం, ప్రమీల రాణి తదితరులు నటిస్తున్న ఈ సినిమాకు ఎడిటర్ గా కపిల్ బల్ల వ్యవహరిస్తుండగా వై నరేష్ కుమార్ మాటలు అందించారు.
Also Read: TamiliSai: "బాధగా ఉంది.. కానీ తప్పడం లేదు": రాజ్‌భవన్‌ ఖాళీ చేసిన తమిళిసై
Also Read: Kavitha: కవిత అరెస్ట్‌పై ప్రధాని మోదీ సంచలన వ్యాఖ్యలు.. ఘాటెక్కిన రాజకీయం
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
