PNB rates: పంజాబ్ నేషనల్ బ్యాంక్ (పీఎన్బీ) ఖాతాదారులకు బ్యాడ్ న్యూస్. సేవింగ్స్ ఖాతe డిపాజిట్లపై వడ్డీ రేట్లను తగ్గిస్తూ పీఎన్బీ తాజాగా నిర్ణయం తీసుకుంది. కొత్త వడ్డీ రేట్లు ఫిబ్రవరి 3 నుంచే వర్తిస్తాయని తెలిపింది.
కొత్త వడ్డీ రేట్లు ఇలా..
సేవింగ్స్ ఖాతాలో రూ.10 లక్షల కన్నా తక్కువ మొత్తంలో నిధులు ఉంటే 2.75 శాతం వార్షిక వడ్డీ చెల్లించనుంది పీఎన్బీ. ఇంతకు ముందు ఇది 2.80 శాతంగా ఉండేది.
రూ.10 లక్షల కన్నా ఎక్కువ సేవింగ్స్ బ్యాలెన్స్పై 2.80 శాతం వార్షిక వడ్డీని ఇవ్వనున్నట్లు తెలిపింది పీఎన్బీ. ఇప్పటి రూ.10 లక్షల కన్నా ఎక్కువ డిపాజిట్ ఉంటే.. 2.85 శాతం వార్షిక వడ్డీ లభించేది. రూ.500 కోట్ల వరకు ఇదే వడ్డీ రేటు వర్తిస్తుందని స్పష్టం చేసింది.
రూ.500 కోట్ల డిపాజిట్ మించితే 3.25 శాతం వార్షిక వడ్డీ రేటు వర్తిస్తుందని పీఎన్బీ వెల్లడించింది.
క్యూ3లో పీఎన్బీ జోరు..
ప్రస్తుత ఆర్థిక సంవత్సరం మూడో త్రైమాసిక (అక్టోబర్-డిసెంబర్) కాలంలో పీఎన్బీ రూ.1,126.78 కోట్ల నికర లాభాన్ని గడించింది. క్రితం ఆర్థిక సంవత్సరం ఇదే సమయంలో పీఎన్బీ నికర లాభం రూ.506 కోట్లుగా ఉంది. ఇక చివరి త్రైమాసికంలో మొండి బకాయిలు కూడా స్వల్పంగా తగ్గాయని బ్యాంక్ ఇటీవల ప్రకటించింది.
గత ఏడాది అక్టోబర్-డిసెంబర్ మధ్య పీఎన్బీ రూ.22,026 కోట్ల ఆదాయాన్ని గడిచింది. అంతకు ముందు సంవత్సరం ఈ మొత్తం రూ.23,298.53 కోట్లుగా ఉండటం గమనార్హం.
Also read: RBI Interest Rates: ఆర్బీఐ చివరి త్రైమాసిక సమీక్షలో వడ్డీ రేట్లపై కీలక నిర్ణయం
Also read: Todays Gold Rate: దేశంలోని వివిధ నగరాల్లో ఇవాళ్టి బంగారం ధరల వివరాలివీ
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
