Forbes: ఫోర్బ్స్ 2024 సంవత్సరానికి గానూ ప్రపంచంలోని అత్యంత శక్తివంతమైన మహిళల జాబితాను విడుదల చేసింది. ఈ జాబితాలో పరిశ్రమ, వినోదం, రాజకీయ, సామాజిక సేవ, విధాన రూపకర్తల పేర్లు ఉన్నాయి. ఫోర్బ్స్ ఈ 21వ జాబితాలో తమ తమ రంగాల్లో విశేష కృషి చేసిన ముగ్గురు భారతీయ మహిళల పేర్లు కూడా ఉన్నాయి. ఈ జాబితాలో ఎవరెవరు ఉన్నారో చూద్దాం.
నిర్మలా సీతారామన్:
ఫోర్బ్స్ అత్యంత శక్తివంతమైన జాబితాలో భారత ఆర్థిక మంత్రి నిర్మలా సీతారామన్ 28వ స్థానంలో నిలిచారు. నిర్మలా సీతారామన్ 2019 మేలో కేంద్ర ఆర్థిక మంత్రిగా బాధ్యతలు స్వీకరించారు. అప్పటి నుండి ఈ ముఖ్యమైన పదవిని నిర్వహిస్తున్నారు. భారతదేశం వేగవంతమైన ఆర్థిక వృద్ధిని కొనసాగించే బాధ్యత నిర్మలా సీతారామన్‌పై ఉంది. ఆమె నాయకత్వంలో, భారతదేశం ఐదు ట్రిలియన్ డాలర్ల ఆర్థిక వ్యవస్థగా మారే మార్గంలో ఉంది. నిర్మలా సీతారామన్ మహిళా సాధికారత గురించి గళం విప్పారు. రాజకీయాల్లోకి రాకముందు, సీతారామన్ బ్రిటన్ అగ్రికల్చరల్ ఇంజనీర్స్ అసోసియేషన్, BBC వరల్డ్‌తో సంబంధాలు ఉన్నాయి.
దిగ్గజ ఐటీ కంపెనీ హెచ్‌సిఎల్ టెక్నాలజీస్ చైర్‌పర్సన్, హెచ్‌సిఎల్ కార్పొరేషన్ సిఇఒ రోష్ణి నాడార్:
మల్హోత్రా ఫోర్బ్స్ అత్యంత శక్తివంతమైన మహిళల జాబితాలో 81వ స్థానంలో నిలిచారు. రోష్ని నాడార్ $12 బిలియన్ల కంపెనీ వ్యూహాత్మక నిర్ణయాలు తీసుకుంటారు. రోష్ని నాడార్ మల్హోత్రా కూడా శివ్ నాడార్ ఫౌండేషన్ ట్రస్టీ, దాని ద్వారా విద్యా రంగంలో పనిచేస్తున్నారు. రోష్ని నాడార్ ప్రకృతి పరిరక్షణ కోసం పనిచేసే ది హాబిటాటస్ ట్రస్ట్‌ని స్థాపించారు.
Also Read: Home Loan: సీనియర్ సిటిజన్లు హోంలోన్ తీసుకోవచ్చా? అయితే ఈ విషయాలు గుర్తుంచుకోవాల్సిందే
కిరణ్ మజుందార్ షా:
ఫోర్బ్స్ అత్యంత శక్తివంతమైన మహిళల జాబితాలో కిరణ్ మజుందార్ షా 82వ స్థానంలో నిలిచారు. కిరణ్ మజుందార్ బయోటెక్ కంపెనీ బయోకాన్ వ్యవస్థాపకుటలు, చైర్‌పర్సన్. బయోకాన్ నేడు US ఆసియాలోని వివిధ మార్కెట్లతో సహా ప్రపంచవ్యాప్తంగా విస్తరించింది. కిరణ్ మజుందార్ షా భారతదేశంలోని అత్యంత విజయవంతమైన పారిశ్రామికవేత్తలలో ఒకరు. 2019లో, కిరణ్ మజుందార్, ఆమె భర్త జాన్ షా గ్లాస్గో విశ్వవిద్యాలయంలో క్యాన్సర్ పరిశోధన కోసం $7.5 మిలియన్లు విరాళంగా ఇచ్చారు. షా కంపెనీ కరోనా వైరస్‌కు యాంటీబాడీ థెరపీపై కూడా పనిచేస్తోంది.
Also Read: Hyderabad Real Estate: హైదరాబాద్ శివారులో ఓ కుగ్రామం..ఇప్పుడు రియల్ హాట్ ప్రాపర్టీ
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
