వైజాగ్: విశాఖపట్నంలో మరో కొత్త కరోనావైరస్ పాజిటివ్ కేసు (Coronavirus in Vizag) వెలుగుచూసింది. దీంతో ఆంధ్రప్రదేశ్‌లో మొత్తం కరోనావైరస్ పాజిటివ్ కేసుల సంఖ్య (Coronavirus positive cases in AP) 12కు చేరింది. ఈ నెల 17న యూరప్ దేశాల నుంచి వచ్చిన ఓ విద్యార్ధి నుంచి కొత్త వ్యక్తికి కరోనావైరస్ సోకినట్టుగా వైద్యులు గుర్తించారు. ఈ మేరకు ఏపీ వైద్య ఆరోగ్య శాఖ ఈ వివరాలను వెల్లడించింది. కొత్తగా కరోనావైరస్ సోకిన వారి కుటుంబసభ్యుల రక్త నమూనాలను సైతం కోవిడ్ టెస్టుకు (Coronavirus test) పంపించినట్టు తెలుస్తోంది.
ఎక్కడి ప్రజలు అక్కడే ఉంటూ కేంద్రం విధించిన లాక్‌డౌన్‌కి సహకరించాలని.. అప్పుడే కరోనావైరస్ కాంటాక్ట్ కేసులను గుర్తించడానికి వీలుంటుందని ఏపీ సీఎం వైఎస్ జగన్ మోహన్ రెడ్డి ఏపీ వాసులకు విజ్ఞప్తి చేసిన మరునాడే ఈ ఘటన వెలుగుచూడటం గమనార్హం.
దయచేసి ఎక్కడి వారు అక్కడే 3 వారాల పాటు అలాగే ఉండిపోతే కరోనా వైరస్‌ను అదుపు చేయగలమని ముఖ్యమంత్రి శ్రీ వైయస్‌ జగన్ పేర్కొన్నారు. ఏ పరిస్థితిని అయినా ఎదుర్కోవడానికి ప్రభుత్వం పూర్తి స్థాయిలో సన్నద్ధంగా ఉందన్న సీఎం, ఎక్కడికక్కడ వ్యాధి నియంత్రణ చర్యలు చేపడుతోందని చెప్పారు. pic.twitter.com/oNPkysbouJ
— CMO Andhra Pradesh (@AndhraPradeshCM) March 26, 2020
ఇదిలావుంటే దేశవ్యాప్తంగా కరోనావైరస్ పాజిటివ్ కేసుల సంఖ్య 724కు చేరుకుంది. శుక్రవారం సైతం మహారాష్ట్ర, ఏపీ, తెలంగాణ, అండమాన్ నికోబార్ దీవుల్లో పలువురికి కరోనా వైరస్ పాజిటివ్ ఉన్నట్టుగా గుర్తించారు. దేశవ్యాప్తంగా కరోనా మృతుల సంఖ్య 18కి చేరుకోగా ప్రపంచవ్యాప్తంగా ఆ సంఖ్య 23,000 దాటడం ఆందోళన రేకెత్తిస్తోంది. జీ హిందుస్తాన్ తెలుగు టీవీ లైవ్ లింక్ కోసం ఇక్కడ క్లిక్ చేయండి. Watch Zee Hindustan Telugu live here..
