ఆంధ్రప్రదేశ్ గ్రూప్-1 ప్రిలిమినరీ పరీక్షా ఫలితాలు (APPSC Group 1 Results) వచ్చేశాయ్. ఏపీ హైకోర్టు మార్గదర్శకాలకు అనుగుణంగా ఏపీపీఎస్సీ గ్రూప్ 1 పరీక్షా ఫలితాలు (AP Group 1 Prelims Results) విడుదల చేసింది. ఈ మేరకు ఏపీలో నిర్వహించనున్న గ్రూప్-1 మెయిన్స్ పరీక్షకు అర్హత సాధించిన అభ్యర్థుల తాజా జాబితాను ఏపీపీఎస్సీ (APPSC) అధికారిక వెబ్‌సైట్‌ https://psc.ap.gov.in/లో అందుబాటులో ఉంచింది. అభ్యర్థులు ఈ జాబితా పరిశీలించి మెయిన్స్ పరీక్షకు సిద్ధంగా ఉండాలని ఏపీపీఎస్సీ సూచించింది.
కాగా, నవంబర్‌ 2 నుంచి 13 వరకు జరగాల్సిన ఏపీ గ్రూప్ 1 మెయిన్స్ పరీక్షలను ((AP Group-1 Mains Exam)) ఏపీ హైకోర్టు ఆదేశాల మేరకు ఏపీపీఎస్సీ ఇటీవల వాయిదా వేయడం తెలిసిందే. గ్రూప్-1 పరీక్షల తాజాగా షెడ్యూల్‌ను అక్టోబర్ 29న ఖరారు చేయనున్నట్లు ఏపీపీఎస్సీ తెలిపింది. అయితే గ్రూప్ 1 ప్రిలిమినరీ పరీక్షా ఫలితాలను విడుదల చేయడంతో మెయిన్స్ పరీక్షకు అడ్డంకులు దాదాపుగా తొలగిపోయాయి. ఏపీపీఎస్సీ గ్రూప్ 1 మెయిన్స్ పరీక్షలను డిసెంబర్‌ 14 నుంచి 20 వరకు నిర్వహించనున్నట్లు ఏపీపీఎస్సీ రీషెడ్యూల్ చేసింది.
ఏపీపీఎస్సీ గ్రూప్-1 ప్రిలిమ్స్‌ ఫలితాల కోసం క్లిక్ చేయండి
ఏపీలో 169 గ్రూప్ 1 పోస్టులకు గతేడాది స్క్రీనింగ్ టెస్ట్‌ను ఏపీపీఎస్సీ నిర్వహించింది. తొలి కీ తర్వాత మెయిన్స్ పరీక్షకు 1:50 ప్రకారం అభ్యర్థులను ఎంపిక చేసింది. అయితే ‘కీ’లో అభ్యంతరాలు సరిచేసిన తర్వాతే గ్రూప్ 1 మెయిన్స్ పరీక్ష నిర్వహించాలని నష్టపోయిన అభ్యర్థులు హైకోర్టును ఆశ్రయించారు. హైకోర్టు ఆదేశాలతో ఇటీవల ఏపీ గ్రూప్ 1 మెయిన్స్ పరీక్షలను ఏపీపీఎస్సీ వాయిదా వేసింది. తాజాగా రీషెడ్యూల్ విడుదల చేసింది.
- Also Read : AP Grama Sachivalayam 2020 Results: ఏపీ గ్రామ, వార్డు సచివాలయం ఫలితాలు కోసం క్లిక్ చేయండి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్, సామాజికం, .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
