நீர்யானைகளை இந்தியவிற்கு அனுப்ப தயாராகும் கொலம்பியா... காரணம் ‘இது’ தான்!

போதைப்பொருள் கடத்தல்காரர் என்ற பெயர் பெற்ற பாப்லோ எஸ்கோபரின் விலங்கு பண்ணைக்கு அருகில் வசிக்கும் குறைந்தது 70 நீர்யானைகளை இந்தியா மற்றும் மெக்சிகோவிற்கு அனுப்ப கொலம்பியா திட்டமிட்டுள்ளது. நீர்யானைகளின் எண்ணிக்கையை கட்டுப்படுத்தும் நோக்கில் கொலம்பிய அரசாங்கம் இந்த முடிவை எடுத்துள்ளது. பாப்லோ எஸ்கோபார் கொலம்பியாவின் உலகளாவிய பிரபல போதைப்பொருள் கடத்தல்காரர் ஆவார், அவர் 1993 இல் துப்பாக்கிச் சூட்டில் காவல்துறையால் கொல்லப்பட்டார். அவர் 1980 களில் ஆப்பிரிக்காவிலிருந்து நான்கு நீர்யானைகளை சட்டவிரோதமாக இறக்குமதி செய்தார். இதனால் அப்பகுதியில் நீர்யானைகளின் எண்ணிக்கையை வெகுவாக அதிகரித்தது. அன்டியோகியா மாகாணத்தில் அமைந்துள்ள இப்பிராந்தியத்தில் சுமார் 130 நீர்யானைகள் இருப்பதாகவும், அடுத்த எட்டு ஆண்டுகளில் அவற்றின் எண்ணிக்கை 400 ஆக அதிகரிக்கலாம் என்றும் சுற்றுச்சூழல் அமைப்புகள் மதிப்பிட்டுள்ளன.

கொலம்பியாவில் நீர்யானைகளுக்கு இயற்கையான வேட்டை இல்லை

எஸ்கோபாரின் 'ஹசியெண்டா நெப்போல்ஸ் ராஞ்ச்' மற்றும் அப்பகுதியில் உள்ள நீர்யானைகள் 1993 முதல் சுற்றுலாப் பயணிகளை ஈர்க்கும் முக்கிய இடமாக உருவெடுத்துள்ளது. எஸ்கோபரின் மரணத்திற்குப் பிறகு இந்த கால்நடைப் பண்ணை வெறிச்சோடியபோது, ​​உள்ளூர் ஆறுகளில் உள்ள சாதகமான வானிலை நீர்யானைகளின் இனப்பெருக்கத்தை ஊக்குவித்தது, இது அவற்றின் எண்ணிக்கையை வேகமாக அதிகரித்தது. நீர்யானைகளுக்கு கொலம்பியாவில் இயற்கையான இரை இல்லை, மேலும் அவை பல்லுயிர் பெருக்கத்திற்கு அச்சுறுத்தலாக உள்ளன என விஞ்ஞானிகள் எச்சரித்துள்ளனர். ஏனெனில் அவற்றின் கழிவுகள் ஆறுகளின் கட்டமைப்பை மாற்றுகிறது மற்றும் மானடீஸ் மற்றும் கேபிபராஸ் போன்ற விலங்குகளின் இயற்கை வாழ்விடத்தை பாதிக்கிறது.

கொலம்பிய அரசாங்கம் நீர்யானையை நச்சுத்தன்மை வாய்ந்த ஆக்கிரமிப்பு இனமாக கடந்த ஆண்டு அறிவித்தது. ஹிப்போக்களை இந்தியா மற்றும் மெக்சிகோவிற்கு அனுப்பும் திட்டம் ஒரு வருடத்திற்கும் மேலாக செயல்பாட்டில் உள்ளது என்று ஆண்டியோகியா மாகாணத்தின், சுற்றுச்சூழல் அமைச்சகத்தின் விலங்கு பாதுகாப்பு மற்றும் நலத்துறையின் இயக்குனர் லினா மார்சிலா டீ லாஸ் தெரிவித்தார். நீர்யானைகள் பெரிய இரும்புக் கொள்கலன்களில் சிறைபிடிக்கப்பட்டு பின்னர் 150 கிலோமீட்டர் தொலைவில் உள்ள ரியோனிக்ரோ நகரில் உள்ள சர்வதேச விமான நிலையத்திற்கு டிரக் மூலம் கொண்டு செல்லப்படும் என அமைச்சகம் மேலும் கூறியது.

குஜராத்திற்கு 60 நீர்யானைகளை அனுப்ப திட்டம்

நீர் யானைகள் ரியோனிக்ரோவில் இருந்து இந்தியா மற்றும் மெக்சிகோவிற்கு விமானம் மூலம் அனுப்பப்படும் என்று மோரல்ஸ் கூறினார்.  அங்கு சரணாலயங்கள் மற்றும் உயிரியல் பூங்காக்கள் உள்ளன, அவை நீர்யானைகளை தங்கவைக்கவும், பராமரிக்கவும் மற்றும் கட்டுப்படுத்தவும் முடியும். 

இந்தியாவின் குஜராத் ஜாம்நகரில் உள்ள கிரீன்ஸ் விலங்கியல் மீட்பு மற்றும் மறுவாழ்வு இராச்சியத்திற்கு 60 நீர்யானைகளை அனுப்பும் திட்டம் இருப்பதாக மோரல்ஸ் கூறினார். நீர்யானைகளைப் பிடிப்பதற்கான நடவடிக்கை, அவற்றைக் கொண்டு செல்லப் பயன்படுத்தப்படும் இரும்புக் கொள்கலன்கள் மற்றும் அவற்றை விமானம் மூலம் இந்தியாவுக்குக் கொண்டு செல்வதற்கான முழுச் செலவையும் கொலம்பிய அரசு ஏற்கும், என்றார். மேலும் 10 நீர்யானைகள் மற்ற சரணாலயங்களுக்கும், மெக்சிகோவில் உள்ள ஆஸ்டாக் உள்ளிட்ட உயிரியல் பூங்காக்களுக்கும் அனுப்பப்படும் என்று மோரல்ஸ் தெரிவித்தார். ஈக்வடார், பிலிப்பைன்ஸ் மற்றும் போட்ஸ்வானா ஆகிய நாடுகளுக்கும் நீர்யானையை அனுப்ப விருப்பம் தெரிவித்துள்ளதாக ஆண்டியோகியா மாகாண கவர்னர் அலுவலகம் தெரிவித்துள்ளது.

மேலும் படிக்க | Viral Video: சிங்கங்களிடம் சிக்கி தவித்த முதலை! வனத்தில் ஒரு உயிர் போராட்டம்!

மேலும் படிக்க | Viral Video: மயக்கும் நடனத்தால் காதலிக்கு தூது விடும் காட்டுக் கோழி!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ