எகிப்து News

எகிப்தில் மசூதி மீது தீவிரவாதிகள் நடத்திய தாக்குதலில் 235 பேர் பலியாகினர். மேலும் இந்த தாக்குதலில் 100-க்கும் மேற்பட்டோர் காயமடைந்தனர்.

எகிப்தின் கடலோர நகரமான அலெக்ஸாண்ட்ரியாவுக்கு அருகே இரண்டு ரயில்கள் மோதியதால், இதுவரை 44 பேர் பலியாகி உள்ளனர். 180 பேர் காயம் அடைந்துள்ளனர்.  தற்போது மீட்புப் பிரிவினர் மற்றும் பாதுகாப்புப் படையினர் முழு வீச்சில் மீட்பு பணிகள் மேற்கொண்டு வருகின்றனர். மீட்கப்பட்டவர்கள் அருகில் உள்ள மருத்துவமனையில் சேர்க்கப் படுகின்றனர். இறப்பு எண்ணிக்கை அதிகரிக்கக்கூடும் என்றும்,  இரண்டு ரயில்களின் குப்பைகள் அகற்றப்பட்ட பிறகு இறப்பை குறித்து இறுதி எண்ணிக்கை அறிவிக்கப்படும் என எகிப்திய அமைச்சரவை அறிக்கையில் தெரிவிக்கப் பட்டுள்ளன. 

எகிப்து நாட்டில் முன்னாள் அதிபர் முஹம்மது மோர்சி பதவி நீக்கம் செய்யப்பட்ட பின்னர் பல பகுதிகளில் இஸ்லாமிய தீவிரவாதிகளின் வன்முறையாக மாறியுள்ளது.  குறிப்பாக, செங்கடல் மற்றும் மத்திய தரைக்கடலுக்கு இடையில் உள்ள சிமாய் தீபகற்பம் பகுதியில் இந்த தீவிரவாதிகளின் ஆதிக்கம் மேலோங்கியுள்ளது. இந்நிலையில், இப்பகுதியில் பதுங்கியுள்ள அதிபயங்கர தீவிரவாதிகளை வேட்டையாடும் நடவடிக்கைகளில் ராணுவம் மற்றும் விமானப்படையினர் தீவிரமாக ஈடுபட்டு வருகின்றனர்.  கடந்த நான்கு நாட்களாக தொடர்ந்து நடைபெற்ற தாக்குதல்களில் 28  அதிபயங்கர தீவிரவாதிகள் சுட்டுக் கொல்லப்பட்டனர்.

கத்தார் நாட்டுடனான தூதரக உறவை துண்டிப்பதாக சவுதி அரேபியா, பக்ரைன், எகிப்து மற்றும் ஐக்கிய அரபு நாடுகள் அறிவித்துள்ளன.  பயங்கரவாதத்துக்கு ஆதரவாக செயல்படுவதாக கூறி தூதரக உறவை துண்டிப்பதாக தெரிவித்துள்ளன. அத்துடன் கத்தார் நாட்டின் விமானங்கள், கப்பல்களுக்கும் தடை விதிக்கப்பட்டுள்ளது. இதையடுத்து, சவுதி அரேபியாவுக்கான அனைத்து விமானங்களையும் நிறுத்திவிட்டாதாக கத்தார் ஏர்வேஸ் நிறுவனம் அறிவித்துள்ளது. இத்தகவலை தனது அதிகாரப்பூர்வ இணையதளத்தில் இன்று வெளியிட்டுள்ளது.

சவுதி அரேபியா அண்டைய நாடான கத்தாருடன் தூதரக உறவுகளை நிறுத்திக் கொண்டது, தேசத்தை பயங்கரவாதத்தில் இருந்து காப்பாற்றிக் கொள்ள கத்தாருடனான எல்லையை மூடியது என சவுதி செய்தி நிறுவனம் வெளியிட்டு உள்ள செய்தியில் தெரிவிக்கப்பட்டு உள்ளது.  கடந்த சில ஆண்டுகளாக கத்தார் அதிகாரிகளால் நடத்தப்பட்ட வன்முறை காரணமாக இந்த தீர்க்கமான முடிவு எடுக்கப்படுவதாக சவுதியின் அறிக்கையில் தெரிவிக்கப்பட்டுள்ளது. மேலும் ஐக்கிய அரபு எமிரெட்சும் கத்தார் உடனான உறவை துண்டிப்பதாக அறிவித்து உள்ளது.

எகிப்தில் ‘கோப்டிக்’ கிறிஸ்தவர்கள் சென்ற பேருந்தை அடையாளம் தெரியாத தீவிரவாதிகள் துப்பாக்கிகளால் சுட்டதில் 23 பேர் சம்பவ இடத்திலேயே உயிரிழந்தனர். எகிப்தின் தலைநகர் கெய்ரோவுக்கு சுமார் 220 கிலோமீற்றர் தொலைவில் உள்ள மின்யா மாகாணத்தில் மிகவும் பழமையான பாரம்பரிய இனத்தவர்களான ‘கோப்டிக்’ கிறிஸ்தவர்கள் அதிகமாக வாழ்ந்து வருகின்றனர். இந்த குருகுலத்திலிருந்து சில கோப்டிக் கிறிஸ்தவர்கள் ஒரு பேருந்தில் பயணம் செய்தனர். அப்பொழுது அந்த பேருந்தை அடையாளம் தெரியாத தீவிரவாதிகள் வழிமறித்து  துப்பாக்கிகளால் சுட்டனர். 

மும்பை மருத்துவமனையில் சிகிச்சை பெற்று வரும் உலகின் மிகவும் குண்டான பெண்ணின் உடல் எடை குறையவில்லை என்றும் டாக்டர் தவறான தகவலை கூறுகிறார் என குண்டு பெண்ணின் சகோதரி தகவல் ஒன்று வெளியிட்டுள்ளார்.  எகிப்து நாட்டை சேர்ந்த இமான் அகமது என்ற பெண் உலகிலேயே குண்டான பெணாக கருதப்படுபவர். இவர் தன் உடல் எடையை குறைக்கு மும்பையில் உள்ள மருத்துவமனையில் சிகிச்சை பெற்று வருகிறார்.  கடந்த பிப்ரவரி 11-ம் தேதி சிறப்பு விமானம் மூலம் இவர் மும்பைக்கு வந்தார். பின்னர் மருத்துவமனையில் அனுமதிக்கப்பட்ட போது 500 கிலோ எடை இருந்தார்.