ஜம்மு-காஷ்மீரின் ஆனந்த்நாக் மாவட்டத்தின் பிஜ்பெகராவில் உள்ள வங்கியில் ஆயுதம் ஏந்திய பயங்கரவாதிகள் கொள்ளையடித்து உள்ளனர்.
பிஜ்பெகராவில் உள்ள வங்கி ஒன்றில் ரூ. 5,39,000-னை பயங்கரவாதிகள் கொள்ளையடித்து உள்ளனர் என தகவல்கள் வெளியாகியுள்ளன.
இதனையடுத்து அப்பகுதியில் பாதுகாப்பு அதிகரிக்கப்பட்டுள்ளது. பயங்கரவாத செயல்களுக்கு கிடைக்கும் நிதியை பாதுகாப்பு முகமைகள் தீவிரமாக முடக்க செயல்பட்டு வருவகின்றன.
காஷ்மீர் மாநிலத்தில் ஏப்ரல் 9-ம் தேதி மற்றும் 12-ம் தேதிகளில் ஸ்ரீநகர், அனந்த்நாக் ஆகிய 2 பாராளுமன்ற தொகுதிகளில் இரண்டு கட்டங்களாக இடைத்தேர்தல் நடைபெறும். வரும் 15-ம் தேதி வாக்கு எண்ணிக்கை நடைபெறும் என தேர்தல் கமிஷன் அறிவித்தது.
இந்நிலையில் பிரிவினைவாதிகள் மக்கள் வாக்களிக்க வேண்டாம் என தீவிரமாக பிரசாரம் செய்து வருகின்றனர். தேர்தலை புறக்கணிக்குமாறு வீடுவீடாக சென்று கைப்பிரதிகளை அளித்தும் சிலரை மிரட்டியும் வருகின்றனர்.
இந்நிலையில், தொகுதியில் உள்ள வாக்குச்சாவடிகளில் அசம்பாவிதங்கள் நடைபெறாமல் இருக்கும் வகையில் அனைத்து பகுதிகளிலும் பாதுகாப்பு ஏற்பாடுகள் பலப்படுத்தப்பட்டுள்ளன.
காஷ்மீர் மாநிலம் அனந்த்நாக் பகுதியில் கடந்த மாதம் ஹிஸ்புல் முஜாகிதீன் இயக்கத்தின் முக்கிய தலைவர் பர்கான் வானி பாதுகாப்பு படையினரால் சுட்டுக்கொல்லப்பட்டனர். இச்சம்பவத்தால் கடந்த மாதம் 9-ம் தேதி முதல் காஷ்மீரில் பிரிவினைவாதிகள் போராட்டத்தில் ஈடுபட்டு வருகின்றனர். இதை தொடர்ந்து ஏற்பட்ட வன்முறையில் இதுவரை 70 பேர் இறந்ததுள்ளனர். 5 ஆயிரத்துக்கும் மேற்பட்டோர் படுகாயம் அடைந்தனர்.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
