ஏசி வாங்கப்போறீங்களா? அப்போ இதையெல்லாம் தெரிஞ்சிக்கோங்க!

கோடை கால வெயிலாலும், நாட்டின் பல பகுதிகளில் வெப்பநிலை 40 டிகிரி செல்சியஸுக்கு மேல் அதிகரித்து வருவதாலும் பலரும் ஏசி-யை வாங்க வேண்டும் என்று ஆர்வமாக இருக்கின்றனர்.  வெயிலின் வெக்கை தாங்க முடியாமல் வீட்டில் புதியதாக ஏசி வாங்கி மாட்ட நினைக்கிறீர்கள் என்றால், ஏசி-யை வாங்குவதற்கு முன்னர் நீங்கள் மனதில் சில விஷயங்களை வைத்துக்கொள்ள வேண்டும்.  ஆன்லைனிலோ அல்லது சில்லறை விற்பனை கடைகளிலோ ஏசி-யை வாங்குவதற்கு முன்னர் நீங்கள் நினைவில் வைத்துக்கொள்ள வேண்டிய சில  முக்கியமான குறிப்புகளை இங்கே பார்க்க்கலாம்.

மேலும் படிக்க | BSNL-ன் அற்புதமான திட்டம்! 100Mbps இணைய வேகம் மற்றும் ஒரு வருடத்திற்கு இலவச OTT..!

1) ஏசி வாங்குவதற்கான சரியான பட்ஜெட்டை வைத்திருப்பது நல்லது.  இது நீங்கள் முன்னுரிமை அளிக்கும் அம்சங்கள் மற்றும் நீங்கள் கைவிடக்கூடிய அம்சங்கள் குறித்து சிறந்த முடிவுகளை எடுக்க உதவும்.

2) ஏசியின் கொள்ளளவு உங்கள் வீட்டின் அறையின் அளவோடு ஒத்துப்போக வேண்டும்.  சிறிய அறைகளுக்கு (சுமார் 100-120 சதுர அடி), 1-டன் ஏசி போதுமானதாக இருக்க வேண்டும், பெரிய அறைகளுக்கு அதிக திறன் கொண்ட ஏசி தேவைப்படுகிறது.

3) சூரிய ஒளியின் தீவிரம் அதிகமாக இருக்கும் மேல் தளத்தில் நீங்கள் வசிக்கிறீர்கள் என்றால், அந்த இடத்தைத் நன்கு குளிர்விக்க உங்களுக்கு அதிக திறன் கொண்ட ஏசி தேவைப்படும்.  அறையில் நீங்கள் சிறந்த குளிர்ச்சியை அனுபவிக்க வேண்டுமென்றால் ஏசி திறன் குறைந்தது 0.5 டன்கள் இருக்க வேண்டும்.

4) வீட்டில் வசிக்கும் நபர்களின் எண்ணிக்கையை கணக்கில் எடுத்துக் கொள்ளுங்கள்.  நெரிசலான அறை கூடுதல் வெப்பச் சுமையை உருவாக்கும் என்பதால் ஏசிக்கு ஒரு பெரிய குளிரூட்டும் அறை தேவைப்படுகிறது.

5) ஸ்பிளிட் மற்றும் விண்டோ ஏசிகள் இரண்டும் பயனுள்ளதாக இருக்கும்.  விண்டோ ஏசிகள் குறைந்த வசதிகளுடன் இருந்தாலும் அவை விலை மலிவானதாக இருக்கும், மறுபுறம் ஸ்பிளிட் ஏசிகள் விலை அதிகம் ஆனால் ஸ்லீப் மோட் மற்றும் டர்போ கூலிங் போன்ற கூடுதல் அம்சங்களை இது வழங்குகிறது. 

6) அலுமினியம் சுருள்களுடன் ஒப்பிடும்போது சிறந்த குளிர்ச்சியையும் செயல்திறனையும் வழங்குவதால், செப்புச் சுருள்களைக் கொண்ட ஏசிகளைத் தேர்ந்தெடுப்பது நல்லது.  காப்பர் காயில் ஏசிகள் பராமரிக்க எளிதானது மற்றும் நீடித்து உழைக்கக்கூடியது.

7) ஏசிகள் வெவ்வேறு நட்சத்திர மதிப்பீடுகளுடன் வருகின்றன.  உங்கள் பட்ஜெட்டிற்குள் குறைந்தபட்சம் 4 அல்லது 5-நட்சத்திர மதிப்பீடுகளைக் கொண்ட ஏசிகளை வாங்குவதை இலக்காகக் கொள்ளுங்கள். இல்லையெனில், 3-ஸ்டார் தரமதிப்பீடு கொண்ட ஏசி குறைந்தபட்சமாக இருக்க வேண்டும்.

8) இன்வெர்ட்டர் ஏசியில் முதலீடு செய்வது பலனளிப்பதாக கருதப்படுகிறது.  ஏனெனில் இது மின்சார நுகர்வை குறைக்கிறது மற்றும் செயல்திறனை அதிகரிக்கிறது. 

9) வைஃபை இயக்கப்பட்ட ஏசி-கள் தான் இப்போது சந்தையில் பிரபலமாக இருந்து வருகிறது, ஆனால் இவற்றின் விலை சற்று அதிகமாகவே இருக்கின்றது.  நீங்கள் குறைந்த பட்ஜெட்டில் ஏசி வாங்க வேண்டுமென்று நினைத்தால் இந்த வகை ஏசி-யை தேர்வு செய்ய வேண்டாம்.  வைஃபை இயக்கப்பட்ட ஐஆர் சென்சார் அல்லது ஸ்மார்ட் பிளக்கைப் பயன்படுத்தி எந்த ஏசியையும் ஸ்மார்ட் ஏசியாக மாற்றலாம், இது ரூ.800 முதல் ரூ.1,200 வரை இருக்கும்.

10) பொதுவாக ஏசி-களில் உள்ளமைக்கப்பட்ட ஹீட்டர்கள் மற்றும் காற்று சுத்திகரிப்பாளர்கள் கட்டாயம் இருக்க வேண்டும் என்கிற அவசியமில்லை.  இந்த அம்சங்கள் ஏசியின் விலையை அதிகரிக்கின்றன, எனவே அவை உங்கள் பட்ஜெட்டுக்குள் பொருந்தினால் மட்டுமே அத்தகைய ஏசி-களை தேர்ந்தெடுங்கள்.

மேலும் படிக்க | வாட்ஸ் அப் சாட்டை லாக் செய்து வைப்பது எப்படி?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ