புதுடெல்லி: தற்போது ODI கிரிக்கெட் தரவரிசையில் உலகின் நம்பர் 2 அணியாக உள்ளது இந்திய கிரிக்கெட் அணி. 2023 ஆசியக் கோப்பையை இலங்கை இந்திய கிரிக்கெட் அணியை வீழ்த்தி வெற்றி பெற்றால், ஒரு நாள் கிரிக்கெட் போட்டிகளில் மட்டுமல்ல, அனைத்து வடிவங்களிலும் உலகின் நம்பர் 1 அணியாக இந்தியா மாறும். இந்த வாய்ப்பை நழுவ விட்டுவிடக்கூடாது என இந்திய அணி முனைப்பாக இருக்கிறது.
கிரிக்கெட் அணி தரவரிசை
இந்திய கிரிக்கெட் அணி அனைத்து வடிவங்களிலும் உலகின் நம்பர் 1 அணியாக மாற பொன்னான வாய்ப்பு உள்ளது. மென் இன் ப்ளூ அணி தற்போது நம்பர் 1 டெஸ்ட் மற்றும் T20I அணிகள் மற்றும் ODI தரவரிசையில் 2வது இடத்தில் உள்ளது. இந்த தரவரிசையில் பாகிஸ்தான் 3வது இடத்திலும், ஆஸ்திரேலியா முதலிடத்திலும் உள்ளன.
தரவரிசையில் முதலிடத்தில் ஆஸ்திரேலிய ஆடவர் அணி
ஆஸ்திரேலியா தற்போது 3061 புள்ளிகள் மற்றும் 118 தரவரிசைகளுடன் முதலிடத்தில் உள்ளது. இந்தியா 4516 புள்ளிகளுடன் 116 புள்ளிகளுடன் இரண்டாம் இடத்தில் உள்ளது. இந்த நிலையில், 2023 ஆசியக் கோப்பை இறுதிப்போட்டியில், இந்திய அணி இலங்கையை வீழ்த்தி வெற்றி பெற்றால், உலகின் நம்பர் 1 அணியாக மாறும் வாய்ப்பு இந்திய ஆடவர் கிரிக்கெட் அணிக்கு கிடைக்கும்
மேலும் படிக்க | இலங்கையை எதிர்த்த பாகிஸ்தான் ஆசிய கோப்பை போட்டிகள்
இலங்கைக்கு எதிராக இந்திய அணி
இலங்கை உலகின் 8வது இடத்தில் இருக்கும் ஆனால் இந்த போட்டியில் இதுவரை விளையாடியதில்லை. இலங்கை அணியில் வனிந்து ஹசரங்க மற்றும் துஷ்மந்த சமீர போன்ற பல முக்கிய வீரர்கள் இல்லை. இலங்கையுடனான சூப்பர் 4 சுற்றில் இந்தியா, இலங்கை அணியை 41 ரன்கள் வித்தியாசத்தில் வெற்றி பெற்றது.
இலங்கையின் 20 வயதான தினுத் வெல்லலகே, இந்தப் போட்டியில் எந்த வகையிலும் சிறப்பாக செயல்படவில்லை . அவரது குறுகிய ODI வாழ்க்கையில், வெல்லலகே ஏற்கனவே விராட் கோலி, ரோஹித் சர்மா, ஹர்திக் பாண்டியா, பாபர் அசாம் மற்றும் KL ராகுல் ஆகியோரின் விக்கெட்டுகளை பெற்றுள்ளார்.
இந்தியாவை வெறும் 213 ரன்களுக்கு ஆட்டமிழக்கச் செய்ததில் வெள்ளலகே திறம்பட செயல்பட்டார். அதேபோல, பேட்டிங் செய்வதிலும் சோடை போகாமல், 46 பந்துகளில் 42 ரன்கள் எடுத்தார்.
குசல் மெண்டிஸும் பாகிஸ்தானுக்கு எதிரான அரையிறுதியில் 91 ரன்களை விளாசினார். இலங்கை வீரர்கள், ஒரே அணியாக ஒன்றிணைந்து விளையாடுகிறார்கள் என்பதை கவனத்தில் கொள்ள வேண்டும். அவர்கள் ஒற்றை சக்தியாக இணைந்து எதிரணியை நிலைகுலைய வைக்கின்றனர். இப்படிப்பட்ட ஒற்றுமையான அணி, எப்போதும் எதிரணிக்கு சவாலாக இருக்கும் என்பதால், அவர்களை இறுதிப்போட்டியில் வீழ்த்த இந்தியா சிறப்பாக விளையாட வேண்டும்.
அதுமட்டுமல்ல, இறுதிப் போட்டியை இலங்கை சொந்த மண்ணில் விளையாடும் என்பதையும் இந்திய அணி மறந்துவிடக் கூடாது. இலங்கை பங்கேற்ற கடைசி இரண்டு சூப்பர் 4 போட்டிகளிலும் மைதானம் உள்ளூர் ரசிகர்களால் நிரம்பி வழிந்தது. டிக்கெட் விலை குறைக்கப்பட்டதால் ஏராளமான ரசிகர்கள் மைதானத்திற்கு வந்து, தங்கள் நாட்டுக் கொடியை அசைத்து வீரர்களை உற்சாகப்படுத்தினார்கள்.
சொந்த மண்ணில், ஆரவாரத்துடன் உற்சாகமூட்டும் கூட்டத்திற்கு முன்னால் விளையாடுவதால், உலக நம்பர் 1 என்ற தரவரிசையை பிடிக்க போராடும் இந்திய அணிக்கு எதிராக சிறப்பாகச் செயல்பட இலங்கை உத்வேகத்துடன் இயங்கும். அத்த்துடன், சொந்த மண்ணில் நடைபெறும் ஆசியக்கோப்பை போட்டியில், நடப்பு சாம்பியன் பட்டத்தை தக்க வைக்கவேண்டும் என்பதற்காக அந்த அணி தீவிரமாக முயற்சி செய்யும்.
மேலும் படிக்க | ஆசியக் கோப்பை இறுதியில் இலங்கை! இந்தியாவுடன் மோதும் வாய்ப்பை இழந்த பாகிஸ்தான் அணி
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
