குருபெயர்ச்சியால் உருவாகும் கஜலக்ஷ்மி ராஜயோகம்: நவகிரகங்களில் தேவகுரு வியாழன் அனைவருக்கும் அனுகூலமான கிரகமாக கருதப்படுகிறார். திருமண வாழ்க்கை, நல்ல அதிர்ஷ்டம், கல்வி, குழந்தைகள், செழிப்பு ஆகியவற்றின் காரணியாக குரு பகவான் கருதப்படுகிறார். ஒருவரது ஜாதகத்தில் குரு வலுவான நிலையில் இருந்தால், அது அந்த நபருக்கு அனைத்து பணிகளிலும் வெற்றியை தருகிறது. ஜோதிட சாஸ்திரப்படி தேவகுரு வியாழன் தற்போது மீன ராசியில் இருக்கிறார்.
புத்தாண்டு பிறந்த பிறகு, ஏப்ரல் 22, 2023 அன்று, வியாழன் வக்ர நிவர்த்தியாகி நேரடி இயக்கத்தில் மேஷத்தில் அமர்வார். மேஷ ராசியில் வியாழன் நுழைவதால் கஜலக்ஷ்மி ராஜயோகம் உருவாகப் போகிறது. இந்த மாற்றத்தின் தாக்கம் அனைத்து ராசிகளிலும் தெரியும். இருப்பினும், குருவிம் இந்த மாற்றம் சில ராசிகளில் பல பெரிய நல்ல பலன்களை அள்ளித்தரும். பல ராசிக்காரர்களின் உறங்கிக்கொண்டிருக்கும் அதிர்ஷ்டம் விழித்துக்கொள்ளும். 2023 புத்தாண்டில் கஜலஷ்மி ராஜயோகத்தின் பலன்களால் எந்தெந்த ராசிக்காரர்களுக்கு பண பலன்களும் முன்னேற்றமும் கிடைக்கும் என்பதை இந்த பதிவில் தெரிந்துக்கொள்ளலாம்.
மிதுனம்
மிதுன ராசிக்காரர்கள் புத்தாண்டில் இரட்டிப்பு பலன்களைப் பெறப் போகிறார்கள். ஒருபுறம், இவர்களுக்கு சனி தசையிலிருந்து விடுதலை கிடைக்கும். மறுபுறம், வியாழன் ராசி மாற்றத்தால் உருவாகும் கஜலக்ஷ்மி ராஜயோகம் இவர்களுக்கு செல்வச் செழிப்பையும் மகிழ்ச்சியையும் தரும். அனைத்து பணிகளிலும் அதிர்ஷ்டம் உங்களுடன் இருக்கும். பழைய முதலீடுகள் மூலம் நல்ல லாபம் கிடைக்கும். உத்தியோகத்தில் பெரும் பணம் சம்பாதிப்பதோடு, வருமானமும் அதிகரிக்கும். காதல் உறவை திருமணம் வரை கொண்டு செல்வதில் வெற்றி பெறுவீர்கள்.
மேலும் படிக்க | தினசரி ராசிபலன்: இன்று இந்த ராசிக்காரர்களுக்கு எச்சரிக்கை!
மேஷம்
புத்தாண்டில் மேஷ ராசிக்காரர்கள் வியாழன் சஞ்சாரத்தால் உருவாகும் கஜலக்ஷ்மி ராஜயோகத்தால் பொருளாதார ரீதியாக அதிக லாபம் அடைவார்கள். அவர்கள் தங்கள் வாழ்க்கையில் வெற்றியின் புதிய பரிமாணங்களைக் காண்பார்கள். உத்தியோகத்தில் பதவி உயர்வுக்கான வலுவான வாய்ப்புகள் உள்ளன. இதனால் வருமானம் அதிகரிக்கும். குழந்தை தரப்பில் இருந்து நல்ல செய்தி கிடைக்கும். இந்த யோகத்தால் தொழிலதிபர்களுக்கு பண பலன்கள் கிடைக்கும், வியாபாரத்தில் முன்னேற்றம் ஏற்படும். திருமண வாழ்க்கையில் மகிழ்ச்சியும் அமைதியும் இருக்கும். நீண்ட நாட்களாக நடக்காமல் முடங்கி இருந்த வேலைகள் முடிவடையும்.
தனுசு
2023-ம் ஆண்டு தனுசு ராசிக்காரர்களுக்கு ஏழரை நாட்டு சனியின் தாக்கத்திலிருந்து முக்தி கிடைக்கும். குரு பெயர்ச்சியால் உருவாகும் கஜலட்சுமி ராஜயோகத்தால் இந்த ராசிக்காரர்களுக்கு திடீர் பண லாபம் கிடைக்கும். குறிப்பாக வியாபாரத்தில் சிறப்பான சாதனைகளை படைக்க முடியும். பொருளாதார ரீதியாக பல நன்மைகள் ஏற்படலாம். காதல் வாழ்க்கை சிறப்பாக இருக்கும். நீங்கள் புதிய தொழில் தொடங்க விரும்பினால், இது அதற்கான சாதகமான நேரமாக இருக்கும். திருமணத்திற்கான வலுவான வாய்ப்புகள் உள்ளன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
