'பீஸ்ட்' படத்தை தொடர்ந்து வம்சி பைடிப்பள்ளி இயக்கத்தில் உருவாகும் 'தளபதி 66' படத்தில் நடிகர் விஜய் பிசியாக இருந்து வருகிறார். பட குழுவினர் கடந்த மாதம் ஹைதராபாத்தில் 'தளபதி 66' படத்தின் முதற்கட்ட படப்பிடிப்பை முடித்துள்ளனர். அடுத்ததாக விஜய்யின் கோரிக்கைப்படி அடுத்தகட்ட படப்பிடிப்பு பணிகளை மேற்கொள்ள படக்குழு சென்னை விரைந்தது. அதன்படி தற்போது தமிழ்-தெலுங்கு என இருமொழிகளில் உருவாகும் இந்த படத்தின் படப்பிடிப்பை படக்குழுவினர் சென்னையில் தொடங்கியுள்ளனர். அந்த படப்பிடிப்பு தளத்தில் இருந்து பிடிஎஸ் புகைப்படங்கள் மற்றும் வீடியோக்கள் சில இணையத்தில் வெளியாகியுள்ளன.
மேலும் படிக்க | விக்ரம் படத்தின் டெலிடெட் சீன்ஸ் எப்போது வெளியாகும்? லோகேஷ் பதில்!
அதில் தளபதி விஜய் படப்பிடிப்பில் அவருடன் இணைந்து கதாநாயகியாக நடிக்கும் ராஷ்மிகா மந்தனாவுடன் காணப்படுகிறார், அதோடு அவர்களுடன் அந்த படப்பிடிப்பு தளத்தில் ஒரு பிரபலமான மூத்த நடிகையும் காணப்படுகிறார். இணையத்தில் லீக்கான புகைப்படத்தில் விஜய் நீல நிற டி-ஷர்ட்டும், அதன் மேல் வெளிர் பழுப்பு நிற சட்டையும் அணிந்திருக்கிறார், மேலும் அதில் அவருக்கு அருகில் பிரபல நடிகை குஷ்புவும் இருக்கிறார். குஷ்பூ இப்படத்தில் நடிப்பது குறித்து இதுவரையில் எந்த செய்தியும் வெளியாகாத நிலையில் இது தொடர்பான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
இப்படத்தின் படப்பிடிப்புக்காக சென்னையில் உள்ள ஒரு பிலிம் சிட்டியில் பிரமாண்டமான செட் அமைக்கப்பட்டு உள்ளது. அடுத்த இரண்டு வாரங்களுக்கு இந்த பகுதியில் அடுத்தகட்ட படப்பிடிப்பு நடத்தப்படும். உணர்ச்சிகரமான குடும்ப திரைப்படமான இதில் சரத்குமார், பிரபு, பிரகாஷ் ராஜ், ஷாம், ஸ்ரீகாந்த், ஜெயசுதா, சங்கீதா, யோகி பாபு, சம்யுக்தா மற்றும் பலர் நடித்துள்ளனர். 'தளபதி 66' படத்தின் மூலம் தமன் முதன்முறையாக விஜய்க்கு இசையமைக்க, படத்திற்கு கார்த்திக் பழனி ஒளிப்பதிவு செய்கிறார். சில தகவல்களின்படி சரத்குமார் விஜய்யின் தந்தையாகவும், ஸ்ரீகாந்த் மற்றும் ஷாம் விஜய்யின் சகோதரர்களாகவும் நடிப்பார்கள் என்று கூறப்படுகிறது. மேலும் இந்த படம் 2023 பொங்கல் திரையரங்குகளில் வெளியாகும் என்று கூறப்பட்டுள்ளது.
#RashmikaMandannat sets for #Thalapathy66 in Egatoor, #Chennai.#Beast #Thalapathy67 pic.twitter.com/tdtkwN5ckV
— Santhosh Kumar (@Santhos07920360) June 9, 2022
மேலும் படிக்க | இப்படி ஒரு டீட்டெயிலிங்கா... லோகேஷ் கனகராஜை புகழும் ரசிகர்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
