சமீபத்தில் வெளியாகி இந்திய அளவில் ரசிகர்கள் மத்தியில் நல்ல வரவேற்பினை பெற்றுள்ள படம் சலார் பார்ட் 1-சீஸ் ஃபயர். இந்த படத்தை பிரசாந்த் நீல் இயக்கியுள்ளார்.
சலார் பார்ட் 1-சீஸ் ஃபயர்:
‘பாகுபலி’ நாயகன் பிரபாஸ் ஹீரோவாக நடித்துள்ள படம், சலார். இந்த படம் இரண்டு பாகமாக எடுக்கப்பட்டுள்ளது. இதன் முதல் பாகம் இரு தினங்களுக்கு முன்பு வெளியானது. இந்த படத்தை பிரசாந்த் நீல் இயக்கியிருக்கிறார். இவர், ஏற்கனவே கே.ஜி.எஃப் என்ற படத்தை இயக்கி பான்-இந்திய அளவில் வெற்றி பெற்ற இயக்குநராக மாறினார். சலார் படத்தையும் கே.ஜி.எஃப் பாணியில் இயக்கியிருக்கிறார். அந்த படத்தில் வேலை பார்த்த அதே படக்குழுவினர்தான் சலார் படத்திலும் வேலை பார்த்துள்ளனர். பிரபாஸ் உடன் இணைந்து ஸ்ருதி ஹாசன், பிருத்விராஜ் சுகுமாரன், மைம் கோபி உள்ளிட்ட பலர் நடித்துள்ளனர்.
இந்த படத்தை பெரிய அளவில் கேங்க்ஸ்டர் கதையாக எடுத்துள்ளனர். இப்படம் ரசிகர்கள் மத்தியில் நல்ல வரவேற்பினை பெற்றிருந்தாலும் விமர்கர்கள் மத்தியில் நல்ல பாராட்டுகளை பெறவில்லை.
பிரசாந்த் நீல்:
கன்னட இயக்குநர்களில் மிகவும் பிரபலமான ஒருவராக இருப்பவர், பிரஷாந்த் நீல். இவர், 2014ஆம் ஆண்டில் உக்ரம் என்ற படத்தை இயக்கினார். இதையடுத்து 2018 மற்றும் 2022ஆம் ஆண்டு கே.ஜி.எஃப் முதல் மற்றும் இரண்டாம் பாகங்களை இயக்கியுள்ளார். இந்த இரண்டு படங்களுமே இந்திய அளவில் பெரிய அளவில் ஹிட் அடித்தன.
பிரசாந்த் நீலின் சம்பளம்..
வழக்கமாக படத்தில் நடிக்கும் ஹீரோக்களுக்குத்தான் அதிகமாக சம்பளம் கொடுக்கப்படும். ஆனால் பிரசாந்த் நீல், பெரிய ஹிட் கொடுத்த இயக்குநர் என்பதால் அவருக்கும் சலார் படத்தை இயக்க பல கோடிகளில் சம்பளம் கொடுக்கப்பட்டுள்ளதாக கூறப்படுகிறது. இவருக்கு இப்படத்தை இயக்க ரூ.50 கோடி சம்பளமாக கொடுக்கப்பட்டுள்ளதாம். தமிழில் உள்ள சில முன்னணி நடிகர்களுக்கு கூட இந்த அளவிற்கு சம்பளம் கொடுக்கப்படுவதில்லை என்று கூறப்படுகிறது.
சலார் படத்தின் பட்ஜெட்..
சலார் படம், இந்த வரும் வெளிவந்த பெரிய பட்ஜெட் படங்களுள் ஒன்றாகும். இந்த படத்தில் அதிகமான வி.எஃப்.எக்ஸ் காட்சிகளும், சண்டை காட்சிகளும் இடம் பெற்றுள்ளன. அதே போல இப்படத்தின் கான்ஸார் எனும் நகரையே உருவாக்கியுள்ளனர். இதற்கும் அதிகளவில் செலவாகியுள்ளது. இப்படத்தை எடுக்க சுமார் 400 கோடி செலவாகியுள்ளதாக கூறப்படுகிறது. அதில், நடிகர் பிரபாஸின் சம்பளம் மட்டும் 100 கோடியாம். முக்கிய கதாப்பாத்திரமாக வரும் பிரித்விராஜ்ஜிற்கு 4 கோடி சம்பளமாக கொடுக்கப்பட்டுள்ளதாக கூறப்படுகிறது. ஸ்ருதி ஹாசனுக்கு 8 கோடி சம்பளமாக கொடுக்கப்பட்டுள்ளதாம்.
மேலும் படிக்க | மவுசு குறைந்த மணிரத்னம்.. இவர்களே 2023 ஆண்டின் டாப் 5 தமிழ் இயக்குனர்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
