ஷங்கர் இயக்கத்தில் உருவாகி வரும் இந்தியன் 2 திரைப்படத்தில் நடித்துள்ள பலர், அடுத்தடுத்து உயிரிழந்துள்ளது தமிழ் சினிமா ரசிகர்களிடையே அதிர்ச்சியை ஏற்படுத்தியுள்ளது.
1996ஆம் ஆண்டு வெளியான இந்தியன் படத்தின் இரண்டாம் பாகமாக உருவாகி வருகிறது, இந்தியன் 2 திரைப்படம். இந்த படத்தை லைகா நிறுவனமும் ரெட் ஜெயிண்ட் நிறுவனமும் இணைந்து தயாரிக்கிறது. 2 ஆண்டுகளுக்கு முன்னர் தொடங்கப்பட்ட இந்த படத்தின் பணிகள் தொடர்ந்து நடைப்பெற்று வருகின்றன. இதுவரை படத்தின் போஸ்டர்களும், அவ்வப்போது சில வீடியோக்களும் வெளிவந்துள்ளன. ஆனால் அதை தவிர்த்து படம் குறித்த எந்த அப்டேட்களையும் படக்குழு வெளியிடாமல் உள்ளது.
2020ஆம் ஆண்டு விபத்து-3 பேர் மரணம்..!
இந்தியன் 2 படப்பிடிப்பு ஆரம்பித்ததில் இருந்து பல பிரச்சனைகள் எழுந்தன. இந்தியன் 2 திரைப்படத்தை 2015ஆம் ஆண்டில் இயக்க ஷங்கர் திட்டமிட்டிருந்தார். 2.0 படம் தொடர்பான பணிகளிலும் அவர் பிசியாக இருந்ததால் இந்தியன் 2 படத்தின் வேலைகள் தள்ளிப்போயின. தயாரிப்பாளர்கள், ஆர்ட் டைரக்டர்கள் என பலரும் படத்திற்காக தேர்வு செய்யப்பட்ட பிறகு, சில காரணங்களுக்காக அவர்களில் சிலர் அதிலிருந்து விலகினர்.
2020ஆம் ஆண்டு நடைப்பெற்ற இந்தியன் 2 படப்பிடிப்பின் போது கிரேன் விபத்து ஏற்பட்டு 3 பேர் உயிரிழந்தனர். இந்த விபத்தில் 10க்கும் மேற்பட்டோருக்கு பலத்த காயம் ஏற்பட்டது. இதையடுத்து, இந்தியன் 2 படப்பிடிப்பு தற்காலிகமாக நிறுத்தப்பட்டது.
அடுத்தடுத்து உயிரிழப்பு:
காமெடி நடிகரான விவேக், கடந்த 2021ஆம் ஆண்டு மாரடைப்பு ஏற்பட்டு உயிரிழந்தார். இவர், முதன் முறையாக இந்தியன் 2 படத்தில் கமல்ஹாசனுடன் சேர்ந்து நடித்திருந்தார். ஆனால், படம் முடிவதற்குள் இவர் இறந்து விட்டது ரசிகர்களை அதிர்ச்சிக்குள்ளாக்கியது. இதையடுத்து, இந்தியன் முதல் பாகத்தில் நடித்திருந்த நெடுமுடி வேணு, கொரோனா தொற்று காரணமாக விவேக் இறந்த சில மாதங்களிலேயே உயிரிழந்தார்.
மேலும் படிக்க | இந்தியன் 2 டிஜிட்டல் உரிமை மட்டுமே இத்தனை கோடியா? மாஸ் காட்டிய கமல்!
படப்பிடிப்பில் விபத்து, நடிகர்களின் இறப்பு என அனைத்தையும் கடந்து ஒரு வழியாக இந்த ஆண்டு படத்தின் ஷூட்டிங் மும்முரமாக தொடங்கியது. இதில் காமெடி நடிகர் மனோபாலாவும் நடித்திருந்தார். அவர், கல்லீரல் பிரச்சனை காரணமாக கடந்த மே மாதம் உயிரிழந்தார். இவரையடுத்து, சீரியல் நடிகரும் சினிமா குணச்சித்திர நடிகருமான மாரிமுத்து சமீபத்தில் மாரடைப்பு காரணமாக உயிரிழந்தார். இவரும் இந்தியன் 2 படத்தில் நடித்துள்ளார்.
சபிக்கப்பட்ட படம்..?
இந்தியன் 2 திரைப்படத்தில் பணிபுரிந்துள்ள கலைஞர்களும் நடிகர்களும் உயிரிழந்து வருவதால் நெட்டிசன்கள் சிலர், “இது ஒரு சபிக்கப்பட்ட படம்..” என இணையதளத்தில் கிளப்பி விட்டுள்ளனர். ஆரம்பத்தில் இந்த உயிரிழப்புகளை தற்செயலான சம்பவங்கள் என்று எளிதாக எடுத்துக்கொண்ட சினிமா ரசிகர்கள் தற்போது இதன் மீது தனி கவனம் செலுத்தி வருகின்றனர். படித்த, நன்கு அறிந்த சிலர் கூட இந்தியன் 2 பட நடிகர்களின் தொடர் உயிரிழப்புகளை பார்த்த பிறகு, “ஒரு வேளை இருக்குமோ..” என்று யோசிக்க ஆரம்பித்துள்ளனர். இது குறித்த மீம்ஸ்களும் தகவல்களும் தற்போது இணையதளத்தில் வட்டமடிக்க தொடங்கியுள்ளது.
அடுத்த ஆண்டு வெளியாகுமா..?
இந்தியன் 2 திரைப்படத்தின் படப்பிடிப்பு சென்னையில் தொடங்கி இந்தியாவின் பல்வேறு பகுதிகளில் நடைப்பெற்றது. வெளிநாடுகளிலும் முக்கியமான காட்சிகள் சில படமாக்கப்பட்டன. படம் குறித்த அதிகார்ப்பூர்வ அறிவிப்பின் போது சிங்கிளாக இருந்த காஜல் அகர்வால், தற்போது திருமணம் முடித்து ஒரு குழந்தைக்கு தாயாகவே ஆகி விட்டார். இருப்பினும் படத்தின் வேலைகள் மட்டும் இன்னும் முடியாமல் இருக்கின்றன. அடுத்த வருடத்தில் படம் வெளியாகும் என எதிர்பார்க்கப்படுகிறது.
மேலும் படிக்க | இந்தியன் 2 படத்தில் கமலுக்கு இத்தனை வில்லன்களா? யார் யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
