புது தில்லி: தீபாவளிக்கு முன்னதாக, பணியாளர் வருங்கால வைப்பு நிதியின் (EPFO) 6 கோடி பயனாளிகளுக்கு மகிழ்ச்சியைத் தரும் வகையில், 2020-21 ஆம் ஆண்டிற்கான வருங்கால வைப்பு நிதி (PF) டெபாசிட்டுகளுக்கு 8.5 சதவீத வட்டி விகிதத்திற்கு நிதி அமைச்சகம் வெள்ளிக்கிழமை ஒப்புதல் அளித்துள்ளது.
EPFO விரைவில் பயனாளிகளின் கணக்கில் இந்த தொகையை வரவு வைக்கும். மார்ச் 2021 இல், EPFO உச்ச முடிவெடுக்கும் அமைப்பான மத்திய அறங்காவலர் குழு, ஸ்ரீநகரில் நடந்த கூட்டத்தில் 2020-21 ஆம் ஆண்டிற்கான வட்டி விகிதத்தை 8.5 சதவீதமாக நிர்ணயிக்க முடிவு செய்தது நினைவிருக்கலாம்.
"மத்திய அறங்காவலர் குழு (CBT) 2020-21 நிதியாண்டிற்கான உறுப்பினர்களின் கணக்குகளில் EPF தொகையில் 8.50 சதவீத வருடாந்திர வட்டி விகிதத்தை வரவு வைக்க பரிந்துரைத்தது," என்று தொழிலாளர் அமைச்சக அறிக்கை தெரிவித்துள்ளது.
ALSO READ: EPFO New Rule: இனி ஒரு மணி நேரத்தில் பிஎஃப் கணக்கிலிருந்து 1 லட்சம் ரூபாய் பெறலாம்
நடைமுறையின்படி, வட்டி விகிதம் (Interest Rate) குறித்த CBT முடிவு நிதி அமைச்சகத்தின் ஒப்புதலுக்குப் பிறகு அமலுக்கு வரும். நிதி அமைச்சகத்தின் ஒப்புதலைப் பெற்ற பிறகு, இந்த நிதியாண்டிற்கான 8.5 சதவீத வட்டி விகிதம் EPFO சந்தாதாரர்களுக்கு (EPFO Subscribers) வரவு வைக்கப்படும்.
வட்டி விகிதம் அரசாங்க அதிகாரப்பூர்வ குறிப்பில் அதிகாரப்பூர்வமாக அறிவிக்கப்படும், அதைத் தொடர்ந்து EPFO வட்டி விகிதத்தின் தொகை சந்தாதாரர்களின் கணக்கில் வரவு வைக்கப்படும்.
ஒவ்வொரு ஆண்டும் CBT ஆல் அறிவிக்கப்படும் EPFO இன் உறுதியான நிலையான வருமான அணுகுமுறை, வரி விலக்குகளுடன் சேர்ந்து முதலீட்டாளர்களுக்கு ஒரு கவர்ச்சிகரமான தேர்வாக அமைகிறது. இதன் மூலம் வருங்கால வைப்பு நிதி, ஓய்வூதியம் மற்றும் காப்பீட்டுத் திட்டங்கள் ஆகிய வடிவங்களில் பணியாளர்களுக்கு வலுவான சமூக பாதுகாப்பு கிடைக்கிறது.
ALSO READ: EPF-ல் பெரிய மாற்றம்: இனி ஊழியர்களிடம் இருக்கும் 2 PF கணக்குகள், விவரம் இதோ
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
