கோழிக்கோடு: தாமரச்சேரி கணவாயில் நேரிட்ட விபத்து ஒன்றில், வாலிபர் பரிதாபமாக உயிரிழந்த நிலையில், தாமரச்சேரி கணவாயில் விபத்து நடந்த காட்சிகள் வெளியாகின.
நண்பர்களுடன் விடுமுறைக்காக வயநாட்டுக்குச் சென்ற மலப்புரம் வண்டூரைச் சேர்ந்த அபினவ் என்ற வாலிபர் சம்பவ இடத்திலேயே உயிரிழந்தார். இந்த விபத்து இம்மாதம் 16ம் தேதி நேரிட்டுள்ளது. கேரளா கோழிக்கோட்டில் உள்ள தாமரச்சேரி கணவாயின் ஏழாவது வளைவின் மேற்பகுதியில் இந்த விபத்து நேரிட்டுள்ளது. இந்த விபத்தை அபினவ் பைக்கில் பின்னால் வந்த பைக்கின் நண்பர் ஒருவர் கேமராவில் படம் பிடித்துள்ளார்.
பைக்கில் பின்னால் சென்ற நண்பன் வீடியோவில் தாங்கள் பயணத்தை பதிவு செய்ய எண்ணி, கேமராவை ஆன் செய்து படம் பிடித்துக் கொண்டிருந்த போது, இந்த அதிர்ச்சிகரமான விபத்து பதிவாகியுள்ளது.
மேலும் படிக்க | மானை இறுக்கும் மலைப்பாம்பு; சிக்கித் தவிக்கும் மான்... ஆனால்... நடந்தது என்ன..!!
வீடியோவை கீழே காணலாம்:
ஏழாவது வளைவின் உச்சியில், வலதுபுறத்தில் வனப்பகுதியில் இருந்து ஒரு பாறை விழுந்து சாலையில் மோதியது. அப்போது அபினவ் சென்ற பைக் மீது கல் மோதியதில் பைக் சாலையை விட்டு விலகி சென்று பள்ளத்தில் கவிழ்ந்தது.
அபினவ் உடன் பைக்கில் சென்ற அனீஷும் பலத்த காயம் அடைந்தார். அபினவ் மருத்துவமனைக்கு கொண்டு செல்லப்பட்டார். ஆனால் அவரது உயிரைக் காப்பாற்ற முடியவில்லை.
தேசிய நெடுஞ்சாலைத்துறை அதிகாரிகள் கணவாய்க்கு வந்து ஆய்வு செய்தனர். அந்த வழியாக செல்லும் லாரிகளில் அதிக பாரம் ஏற்றிச் சென்றதால் விபத்து ஏற்பட்டதாக அப்பகுதி மக்கள் தெரிவிக்கின்றனர். இதுபோன்ற வாகனங்களின் அதிக அதிர்வுகளால் வனப்பகுதியில் உள்ள பாறைகள் அசைவதாக அப்பகுதி மக்கள் தெரிவிக்கின்றனர்.
அதிக எடை கொண்ட வாகனங்களை ஆய்வு செய்யுமாறு வலியுறுத்தியும் அதிகாரிகள் கண்டுகொள்வதில்லை என அப்பகுதி மக்கள் புகார் தெரிவிக்கின்றனர்.
மேலும் படிக்க | Viral Video: ‘முட்டை இட’ கடற்கரைக்கு படையெடுக்கும் லட்சக்கணக்கான கடல் ஆமைகள்..!!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
