குஜராத் மாநிலத்தில் எதிரே வந்த லாரியின் மீது கார் மோதி விபத்துக்குள்ளானதில் ஒரே குடும்பத்தை சேர்ந்த 8 பேர் பரிதாபமாக உயிரிழந்தனர்.
குஜராத் மாநிலம், மோர்பி மாவட்டத்தில் அமைந்துள்ள ராஜ்கோட்-மோர்பி தேசிய நெடுஞ்சாலையில் தங்காரா எனும் பகுதியில் எதிரே வந்த லாரியின் மீது சொகுசு கார் மோதி விபத்துக்குள்ளானது. வேகமாக வந்த லாரி மீது மோதியதால் கார் தீப்பிடித்து எரிய தொடங்கியது.
இதையடுத்து, காரில் பயணித்த ஒரே குடும்பத்தை சேர்ந்த 8 பேர் சம்பவ இடத்திலேயே உடல் கருகி உயிரிழந்தனர். மேலும், ஒருவர் படுகாயங்களுடன் உயிருக்கு ஆபத்தான நிலையில் மருத்துவமனையில் சிகிச்சைக்காக அனுமதிக்கப்பட்டுள்ளார்.
8 dead & 1 injured after car caught fire following collision with truck on Rajkot-Morbi Highway near Morbi district's Tankara town. Karanraj Veghela, DCP, Zone-2, Rajkot says, 'all deceased are from the same family, injured is currently undergoing treatment.' #Gujarat (17.7.18) pic.twitter.com/Z2iKtQNaFs
— ANI (@ANI) July 17, 2018
தகவல் அறிந்ததும் சம்பவ இடத்துக்கு வந்த போலீசார் உயிரிழந்தவர்களின் உடல்களை மீட்டு பிரேத பரிசோதனை செய்ய மருத்துவமனைக்கு அனுப்பி வைத்தனர். மேலும், இந்த விபத்து குறித்து காவல்துறையினர் வழக்குப் பதிவு செய்து விசாரணை நடத்தி வருகின்றனர்.
