வந்தே பாரத் மிஷனின் இரண்டாம் கட்ட முடிவில், வெளிநாட்டில் சிக்கித் தவிக்கும் ஒரு லட்சம் இந்தியர்கள் நாடு திரும்புவார்கள் என்று MEA வட்டாரங்கள் தெரிவித்துள்ளன.
பயணத்தின் இரண்டாம் கட்டம் ஜூன் 13 அன்று முடிவடையும் நிலையில் இந்த தகவல் வெளியாகியுள்ளது.
COVID-19 தொற்றுநோய்க்கு மத்தியில் நாடு திரும்புவதற்காக சுமார் 3,08,200 இந்தியர்கள் பதிவு செய்துள்ளனர். சிக்கித் தவிக்கும் இந்தியர்களைத் திரும்பக் கொண்டுவருவதற்காக இந்திய கடற்படை, இலங்கை, மாலத்தீவு மற்றும் ஈரானுக்கு பயணம் மேற்கொள்ளும் எனவும் தெரிகிறது. அண்மையில் 5000 இந்தியர்கள் அண்டை நாடான நேபாளம் மற்றும் பங்களாதேஷின் நில எல்லைகள் வழியாக நாடு திரும்பினர் என்பது குறிப்பிடத்தக்கது.
COVID-19 தொடர்பான பயணக் கட்டுப்பாடுகள் காரணமாக வெளிநாடுகளில் சிக்கித் தவிக்கும் குடிமக்களுக்கான பாரிய திருப்பி அனுப்பும் திட்டமான வந்தே பாரத் மிஷனின் இரண்டாம் கட்டத்திற்காக கடந்த வாரம், மேற்கு ஆசிய நாடுகளுக்கு மேலும் 141 விமானங்களை அனுப்பிவைக்க அரசாங்கம் முடிவு செய்தது.
மேற்கு ஆசிய நாடுகளில் சிக்கித் தவிக்கும் குடிமக்களிடமிருந்து அதிகரித்த தேவை மற்றும் திரும்பி வரும் இந்தியர்களுக்கு மாநிலங்களில் போதுமான தனிமைப்படுத்தப்பட்ட வசதிகள் கிடைப்பதால் இந்த விமானங்கள் சேர்க்கப்பட்டன என வட்டாரங்கள் தெரிவிக்கின்றன. வந்தே பாரத் மிஷனின் கீழ் இதுவரை இயக்கப்பட்ட அனைத்து விமானங்களையும் போலவே, இரண்டாவது கட்டமாக முன்னுரிமை நாட்டிற்கு திரும்புவதற்கான சரியான காரணங்களுடன் இந்திய நாட்டினருக்கும் வழங்கப்படும்.
திருப்பி அனுப்பும் திட்டத்தின் இரண்டாம் கட்டம் மே 16-ஆம் தேதி தொடங்கி ஜூன் 13-வரை தொடரும். அனுப்பப்படும் கிட்டத்தட்ட அனைத்து விமானங்களும் அரசு நடத்தும் ஏர் இந்தியா மற்றும் அதன் துணை நிறுவனமான ஏர் இந்தியா எக்ஸ்பிரஸ் மூலமாகவே இருக்கும்.
தனியார் விமான நிறுவனங்களும் வந்தே பாரத் மிஷனின் மூன்றாம் கட்டத்தில் சேர்க்கப்பட வாய்ப்புள்ளது எனவும் தெரிவிக்கப்பட்டுள்ளது.
