தொப்பை விழுவதற்கான முக்கிய காரணங்கள்... இவை தான்..!!

தொப்பை கொழுப்பு மிகவும் ஆபத்தான வகை கொழுப்பு. இது உங்கள் உறுப்புகளைச் சுற்றி குடியேறி இதய நோய், நீரிழிவு மற்றும் பிற தீவிர நோய்களின் அபாயத்தை அதிகரிக்கிறது. உங்கள் இடுப்பு அகலமாக இருந்தால், உங்கள் ஆயுள் ரேகை குறைவாக இருக்கும் என்று சுகாதார நிபுணர்கள் அடிக்கடி கூறுகிறார்கள். நமது உடல் நோயின் கூடாரமாக ஆவதற்கு தொப்பை கொழுப்பும், உடல் பருமனுமே முக்கிய காரணம். நாம் சாப்பிடுவதைத் தவிர, தொப்பை கொழுப்பை அதிகரிப்பதற்கான வாய்ப்புகளை அதிகரிக்கும் அல்லது தொப்பை கொழுப்பை குறைப்பதை தடுக்கும் பல பழக்கங்களும் உள்ளன. ஆனால் நல்ல விஷயம் என்னவென்றால், உங்கள் கெட்ட பழக்கங்களைப் பற்றி அறிந்து அவற்றை மேம்படுத்துவதன் மூலம் பிடிவாதமான தொப்பையை எளிதாகக் குறைக்கலாம்.

1. சாப்பிடும் போது ஏற்படும் கவனச் சிதறல்கள்

நீங்கள் சாப்பிடும் போது உங்கள் ஸ்மார்ட்போனை ஸ்க்ரோல் செய்வதற்குப் பதிலாக, உங்கள் உணவில் கவனம் செலுத்துங்கள் மற்றும் சுவைகளை அனுபவிக்கவும். உண்ணும் போது எவ்வளவு கவனத்துடன் இருக்கிறீர்களோ, அவ்வளவுக்கு அதிகமாக சாப்பிடும் வாய்ப்பு குறையும். அதனால்தான் உங்கள் உணவில் கவனம் செலுத்துங்கள், உணவை கவனமாக மென்று சாப்பிடுங்கள். இதனை கடைபிடித்தால் உங்கள் வயிறு உங்களுக்கு நன்றி சொல்லும்.

2. அவசரமாக  சாப்பிடுவது

நீங்கள் வயிறு நிரம்பியுள்ளீர்கள் என்ற செய்தியை உங்கள் வயிற்றில் இருந்து பெற உங்கள் மூளைக்கு சுமார் 20 நிமிடங்கள் ஆகும். நீங்கள் அவசரம் அவசரமாக சாப்பிட்டால், உங்கள் உடலுக்குத் தேவையானதை விட அதிகமாக சாப்பிடுவீர்கள். மெதுவாக சாப்பிடுபவர்கள் குறைவான கலோரிகளை உட்கொள்வதோடு, உடல் எடை அதிகரிப்பையும் தடுக்கிறார்கள்.

3. தூக்கமின்மை

ஒரு ஆய்வில், இரவில் 5 மணி நேரத்திற்கும் குறைவாக தூங்கும் 40 வயதுக்குட்பட்ட பெரியவர்கள் அதிக தூக்கம் பெறுபவர்களை விட அதிக தொப்பையை பெற்றுள்ளனர் என தெரியவந்துள்ளது.  உங்களுக்கு தூக்கமின்மை இருந்தால், உடனே அதனை நிவர்த்தி செய்து கொள்ளவும், இரவில் 8 மணி நேரத்திற்கும் மேலாக தூங்குவது உடல் பருமனையும் தொப்பையும் குறைக்க உதவும் 

4. தாமதமாக சாப்பிடுதல்

சுகாதார நிபுணர்களின் கூற்றுப்படி, நாளின் உங்கள் கடைசி உணவை இரவு 7 மணிக்குள் முடிக்க வேண்டும். உங்கள் உணவு வயிற்றில் ஜீரணம் ஆவதற்கு நேரம் எடுக்கும் மற்றும் இரவில் தாமதமாக சாப்பிடும் போது, ​​உங்கள் செரிமான அமைப்பு உணவை ஜீரணிக்க மிகவும் போராட வேண்டியிருக்கும். கூடுதலாக, நீங்கள் எவ்வளவு நேரம் உணவை தாமதப்படுத்துகிறீர்களோ, அதிலிருந்து கிடைக்கும் கலோரிகளை பயன்படுத்த உங்கள் உடல்  கிடைக்கும் மணிநேரம் குறைவாக இருக்கும். இதன் விளைவாக உங்கள் எடை அதிகரிக்கிறது.

5.  மைதா உணவுகள்

வெள்ளை ரொட்டி மற்றும் பிற பதப்படுத்தப்பட்ட உணவுகளில் பயன்படுத்தப்படும் சுத்திகரிக்கப்பட்ட தானியங்களிலிருந்து மெதுவாக ஜீரணிக்கக்கூடிய நார்ச்சத்து அகற்றப்பட்டது, எனவே உங்கள் உடல் அதை வேகமாக ஜீரணிக்கிறது. இது உங்கள் இரத்த சர்க்கரையை அதிகரிக்கச் செய்கிறது. காலப்போக்கில், இது உங்கள் எடையை அதிகரிக்கும். அதற்கு பதிலாக முழு தானிய கார்போஹைட்ரேட்டுகளை தேர்வு செய்யவும்.

மேலும் படிக்க | தொப்பையை கரைக்கணுமா.. இந்த ‘7’ விதிகளை கடைபிடியுங்க.... அதுவே போதும்!

பொறுப்புத் துறப்பு: இந்தக் கட்டுரை பொதுவான தகவலுக்காக மட்டுமே. இது எந்த வகையிலும் எந்த மருந்துக்கும் அல்லது சிகிச்சைக்கும் மாற்றாக இருக்க முடியாது. மேலும் விவரங்களுக்கு எப்போதும் உங்கள் மருத்துவரை அணுகவும்.

மேலும் படிக்க | ஆர்வ கோளறுல வெந்நீர் அதிகம் குடிக்காதீங்க... கிட்னி காலியாகிவிடும்...!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ