அதிகமா எடை ஏறுதா? அதிரடியா குறைக்கலாம்.. இந்த உப்பு பயன்படுத்துங்க போதும்!!

எடை இழப்புக்கு கருப்பு உப்பின் நன்மைகள்: உடல் எடையை குறைக்க நாம் பல வழிகளில் முயற்சி செய்கிறோம். குறிப்பாக தொப்பை வந்துவிட்டால், அதை சரி செய்வது மிக கடினமாகிவிடுகிறது. உடல் எடையை குறைக்க நமது வாழ்க்கை முறையில் மாற்றங்களை கொண்டு வர வேண்டியது மிக அவசியமாகும். எடை அதிகரிப்பதற்கு உங்கள் உணவே முக்கிய காரணமாகும். அன்றாட வாழ்க்கையில் தேவை இல்லாத, ஆரோக்கியமற்ற உணவை சாப்பிடுவது உங்கள் உடலில் தவறான விளைவை ஏற்படுத்துகிறது. எடை அதிகரிப்பால் பல நேரங்களில் பலர் பல சங்கடங்களுக்கு ஆளாவது உண்டு. 

அதிகரிக்கும் எடையை குறைப்பது அனைவருக்கும் பெரிய சவாலாகவே உள்ளது. உடலில் உள்ள கொழுப்பை குறைக்க பல வித முயற்சிகளை எடுக்கிறோம். இயற்கையான வழிகளிலும் நாம் நமது உடல் எடையை குறைக்கலாம். நாம் நமது சமையலறைகளில் பெரும்பாலும் வெள்ளை உப்புடன் கருப்பு உப்பையும் வைத்திருக்கிறோம். இந்த உப்பு உணவின் சுவையை அதிகரிப்பது மட்டுமல்லாமல், பல ஆரோக்கிய நன்மைகளையும் தருகிறது. நீங்கள் தினமும் உங்கள் உணவில் கருப்பு உப்பை சேர்த்து வந்தால், செரிமானம் சீராகி உடல் ஆரோக்கியத்தை பேணுவதில் உதவி கிடைக்கும். 

இது பல நூற்றாண்டுகளாக ஆயுர்வேத மருந்துகளில் பயன்படுத்தப்படுகிறது. கருப்பு உப்பில் இரும்புச்சத்துகளும் தாதுக்களும் அதிக அளவில் காணப்படுகின்றன. இது ஆரோக்கியத்திற்கு மிகவும் நன்மை பயக்கும். இதனால் வயிற்று பிரச்சனைகள் சரியாகும் என கருதப்படுகிறது. அது  மட்டுமல்லாமல், பல ஆரோக்கிய நன்மைகளையும் இது கொண்டுள்ளது. கருப்பு உப்பு உடல் எடையை குறைக்கவும் உதவுகிறது.

மேலும் படிக்க | Belly Fat Burn: செலவே இல்லாம ஜிம்முக்கு போகாமா ஒல்லியாக ஈஸி டெக்னிக் 

உடல் எடையை குறைக்க உதவும்

கருப்பு உப்பு உடல் எடையை குறைக்க உதவுகிறது. அதிக உப்பை உட்கொள்வது உடல் பருமன் அபாயத்தை அதிகரிக்கிறது என்று ஆய்வுகள் காட்டுகின்றன. அத்தகைய சூழ்நிலையில், எடையைக் குறைக்க நீங்கள் கருப்பு உப்பை உட்கொள்ளலாம். இதில் சோடியம் குறைவாக இருப்பதால் உங்கள் எடையை குறைக்க உதவுகிறது.

செரிமான அமைப்பை ஆரோக்கியமாக வைக்கிறது

கருப்பு உப்பு அனைத்து வயிற்று நோய்களுக்கும் ஒரு மருந்தாக பயன்படுகிறது. கறுப்பு உப்பு மலச்சிக்கல், வாயு, வாந்தி, வயிற்றுப்போக்கு மற்றும் செரிமான கோளாறுகளால் ஏற்படும் வாய்வு போன்ற பல நோய்களிலிருந்து விடுபட உதவுகிறது. உடலில் அதிகப்படியான நீரின் காரணமாக கால்களில் ஏற்படும் வீக்கம் மற்றும் வலியை போக்க கருப்பு உப்பு பயனுள்ளதாக இருக்கும்.

இரத்த அழுத்தத்தை கட்டுப்படுத்துகிறது

உயர் இரத்த அழுத்த பிரச்சனை இருப்பவர்கள் கருப்பு உப்பை உட்கொள்ளலாம். கருப்பு உப்பை உட்கொள்வது உடலை புத்துணர்ச்சியுடன் வைத்திருப்பதுடன் இரத்த அழுத்தத்தைக் கட்டுப்படுத்தவும் பயன்படுகிறது. இதில் உள்ள அத்தியாவசிய தாதுக்கள் நோயெதிர்ப்பு மண்டலத்தை பலப்படுத்துகின்றன. மேலும் இது செரிமானம் தொடர்பான நோய்களையும் குணப்படுத்துகிறது.

(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | வாழ்வாங்கு வாழ வைக்கும் வாழைத்தண்டு... சந்தோஷமா சாப்பிடுங்க! 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ