எடை குறைக்க ஒரு நாளைக்கு எத்தனை கலோரி நல்லது? வயது வாரியான சார்ட் இதோ

எடை குறைப்பு: பல நேரங்களில் உடல் எடையை குறைக்க கடினமாக உழைக்கிறோம். சத்துள்ள பழங்கள், காய்கறிகள், ஆரோக்கியமான பழச்சாறுகளை உட்கொள்கிறோம். ஜிம் சென்று பல வித முயற்சிகளை எடுக்கிறோம், உடற்பயிற்சி செய்கிறோம். எனினும், இப்படி பல வித நடவடிக்கைகளை எடுத்தாலும், உடல் எடை குறைவதில்லை. எனினும் சிறிதளவு ஆரோக்கியமற்ற உணவை உட்கொண்டாலும், நாம் செய்யும் கடின உழைப்பு அனைத்தும் வீணாகிவிடும். 

உடல் எடையை குறைக்க ஒரு நாளைக்கு தேவைப்படும் கலோரிகள்: 

தினசரி நாம் உட்கொள்ளும் கலோரிகளின் அளவை குறைத்தால், அது எடை இழப்புக்கு ஒரு சிறந்த வழியாக இருக்கும். இருப்பினும், ஒவ்வொரு நாளும் நீங்கள் எத்தனை கலோரிகளை சாப்பிட வேண்டும் என்பதைக் கண்டுபிடிப்பது கடினம், ஏனெனில் இது பல காரணிகளைப் பொறுத்தது. உடல் பருமன் என்பது ஒரு நோய் அல்ல, ஆனால் இது அதிக கொழுப்பு, உயர் இரத்த அழுத்தம், மாரடைப்பு, நீரிழிவு நோய், மூன்று நாள நோய் மற்றும் கரோனரி தமனி நோய் போன்ற பல நோய்களின் மூலக் காரணியாக கருதப்படுகிறது. ஆகையால் உடல் எடை அதிகரிப்பதற்கு மிக முக்கியமாக கருதப்படும் தினசரி கலோரி அளவைக் கண்காணிப்பது மிகவும் முக்கியம்.

ஒரு நாளைக்கு சராசரியாக எத்தனை கலோரிகள் உட்கொள்ள வேண்டும்?

ஒரு நாளைக்கு நீங்கள் உட்கொள்ள வேண்டிய கலோரிகளின் எண்ணிக்கை உங்கள் வயது, பாலினம், உயரம், தற்போதைய எடை, செயல்பாட்டு நிலை மற்றும் வளர்சிதை மாற்றம் உள்ளிட்ட பல காரணிகளைப் பொறுத்தது. உடல் எடையை குறைக்க முயற்சிக்கும் போது, ​​வழக்கத்தை விட குறைவான கலோரிகளை உட்கொள்வதன் மூலமோ அல்லது அதிக உடற்பயிற்சி செய்வதன் மூலமோ கலோரிகளை குறைக்க வேண்டியது அவசியம். சிலர் உடல் ரீதியாக சுறுசுறுப்பாக இருந்தும், சிறிது குறைவாக சாப்பிட்டும், இப்படி இரண்டையும் இணைத்து எடையை குறைக்க முயற்சிக்கிறார்கள். 

இருப்பினும், நீங்கள் எடையைக் குறைக்க முயற்சித்தாலும், உங்கள் உடலுக்குத் தேவையான ஊட்டச்சத்துக்களை வழங்குவதற்கு போதுமான கலோரிகளை நீங்கள் உட்கொள்வதை உறுதிப்படுத்துவது முக்கியம். அனைத்து எடை இழப்பு திட்டங்களிலும் மிக முக்கியமான பகுதி நிலைத்தன்மை ஆகும். பல சுகாதார நிபுணர்கள் எடை இழப்பை ஊக்குவிக்க கலோரிகளை குறைக்க பரிந்துரைக்க இதுவே காரணம்.

பொதுவாக, பல உணவியல் வல்லுநர்கள் தினசரி கலோரி உட்கொள்ளலை சுமார் 1,000-1,200 ஆகக் கட்டுப்படுத்த பரிந்துரைக்கின்றனர். இது பெரும்பாலான ஆரோக்கியமான இளைஞர்களுக்கு போதுமானதாக இருப்பதில்லை. உங்கள் கலோரி உட்கொள்ளலை அதிகமாகக் குறைப்பது பல தீவிர பக்க விளைவுகளுக்கு வழிவகுப்பது மட்டுமல்லாமல் ஊட்டச்சத்து குறைபாடுகளின் அபாயத்தையும் அதிகரிக்கிறது. இதன் காரணமாக, வளர்சிதை மாற்ற விகிதத்திலும் மாற்றங்கள் ஏற்படுகின்றன. இது நீண்ட காலத்திற்கு எடையைக் கட்டுப்படுத்துவதை கடினமாக்குகிறது.

மேலும் படிக்க | வேப்பிலையை இப்படி உட்கொண்டால் தொப்பையை வேகமாக குறைக்கலாம்!

பெண்களுக்கான தினசரி கலோரி அட்டவணை:

- 19-30 வயது: 2,000-2,400 கலோரிகள்

- 31-59 வயது: 1,800-2,200 கலோரிகள்

- 60+ வயது:  1,600–2,000 கலோரிகள்

ஆண்களுக்கான தினசரி கலோரி அட்டவணை:

- 19-30 வயது: 2,400-3,000 கலோரிகள்

- 31-59 வயது: 2,200-3,000 கலோரிகள்

- 60+ வயது: 2,000–2,600 கலோரிகள்
 
குழந்தைகளுக்கான தினசரி கலோரி அட்டவணை:

 - 2-4 வயது: ஆண் குழந்தைகள் 1,000-1,600 கலோரிகள், பெண் குழந்தைகள்: 1,000–1,400 கலோரிகள்

- 5-8 வயது:  ஆண் குழந்தைகள் 1,200-2,000 கலோரிகள், பெண் குழந்தைகள்: 1,200–1,800 கலோரிகள்

- 9-13 வயது: ஆண் குழந்தைகள் 1,600-2,600 கலோரிகள், பெண் குழந்தைகள்: 1,400–2,200 கலோரிகள்

- 14-18 வயது: ஆண் குழந்தைகள் 2,000-3,200 கலோரிகள், பெண் குழந்தைகள் 1,800–2,400 கலோரிகள்

(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | சுக்குக்கு மிஞ்சிய மருந்தில்லை என சும்மாவாகவா சொன்னார்கள்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ