மஞ்சள் மற்றும் பச்சை வாழைப்பழங்களை நாம் அனைவரும் அறிவோம், ஆனால் நீங்கள் எப்போதாவது சிவப்பு வாழைப்பழங்களைப் பற்றி கேள்விப்பட்டிருக்கிறீர்களா? ஆம், சிவப்பு நிற வாழைப்பழம் என்று கூறப்படும் செவ்வாழை பற்றி தான் இன்று நாம் காண உள்ளோம். செவ்வாழையில் அதிக அளவு ஊட்டச்சத்துக்கள் உள்ளன. மஞ்சள் வாழைப்பழத்தை விட சிவப்பு வாழைப்பழம் இனிமையானது. செவ்வாழை சாப்பிட எவ்வளவு சுவையாக இருக்கிறதோ, அது ஆரோக்கியத்திற்கும் சமமாக பயனுள்ளதாக கருதப்படுகிறது. சாதாரண வாழைப்பழத்தை விட இதில் பீட்டா கரோட்டின் அதிகம் உள்ளது. பீட்டா கரோட்டின் தமனிகளில் இரத்தம் உறைவதைத் தடுக்கிறது. புற்றுநோய் மற்றும் இதயம் தொடர்பான நோய்களையும் இது தடுக்க உதவுகிறது. எனவே செவ்வாழை சாப்பிடுவதால் உடலுக்கு என்ன நன்மைகள் கிடைக்கும் என்பதை தெரிந்து கொள்வோம்.
நோய் எதிர்ப்பு சக்தியை அதிகரிக்கிறது
வைட்டமின் சி மற்றும் வைட்டமின் பி6 ஆகியவை செவ்வாழையில் ஏராளமாக உள்ளன, எனவே இது நோய் எதிர்ப்பு சக்தியை வலுப்படுத்த உதவுகிறது.
மேலும் படிக்க | கண்களில் ஏற்படும் இந்த 3 மாற்றங்கள் கொலஸ்ட்ரால் அதிகரிப்பதைக் குறிக்கும்
சிறுநீரகக் கற்களைத் தடுக்க உதவும்
செவ்வாழையில் பொட்டாசியம் அதிகமாகக் காணப்படுவதால் சிறுநீரகத்தில் கற்கள் உருவாவதை இது தடுக்கிறது. இது தவிர, இதய நோய்கள் மற்றும் புற்றுநோய் வராமல் பாதுகாக்கிறது. இந்த பழத்தை தினமும் சாப்பிட்டு வந்தால் எலும்புகளும் வலுவடையும்.
நீரிழிவு நோயைக் கட்டுப்படுத்துகிறது
செவ்வாழையில் உள்ள உணவு நார்ச்சத்து, இரத்தத்தில் உள்ள சர்க்கரையின் அளவு திடீரென உயர்வதைக் கட்டுப்படுத்தும். நீரிழிவு நோயாளிகளுக்கு செவ்வாழையை உட்கொள்வது நன்மை பயக்கும். ஜிஐ (கிளைசெமிக் இன்டெக்ஸ்) 51 மஞ்சள் வாழைப்பழத்தில் காணப்படுகிறது, அதே சமயம் செவ்வாழையில் ஜிஐ 45 ஆக உள்ளது, எனவே இது நீரிழிவு நோயைக் கட்டுப்படுத்த உதவுகிறது. ஒரு ஆய்வில், செவ்வாழையில் குறைந்த கிளைசெமிக் எதிர்வினை நீரிழிவு நோயாளிகளுக்கு நன்மை பயக்கும் என்று கண்டறிந்துள்ளது.
இரத்த அழுத்தத்தைக் குறைக்கிறது
செவ்வாழையை தொடர்ந்து உட்கொள்வது உங்கள் இரத்த அழுத்தம் அதிகரிப்பதைத் தடுக்கிறது மற்றும் அதைக் கட்டுப்படுத்த வேலை செய்கிறது. செவ்வாழையில் பொட்டாசியம் அதிகமாக உள்ளது. இது இரத்த அழுத்தத்தை பராமரிப்பதிலும் இதய நோய் அபாயத்தைக் குறைக்க உதவுகிறது.
இதயம் தொடர்பான நோய்களுக்கு சிறந்தது
நெஞ்செரிச்சல் என்ற புகார் இருந்தாலும், செவ்வாழை பழம் சாப்பிடுவது உங்களுக்கு நன்மை பயக்கும். இதனால் இதயம் தொடர்பான நோய்கள் வரும் அபாயம் குறைகிறது.
இரத்த சோகை அபாயம் சரிசெய்யும்
சுகாதார நிபுணர்களின் கூற்றுப்படி, உடலில் வைட்டமின் பி6 இல்லாததால், இரத்த சோகை ஏற்படும் அபாயம் அதிகரிக்கிறது. மறுபுறம், செவ்வாழையில் அதிக வைட்டமின் பி6 இருப்பதால், இந்தப் பிரச்சனையைத் தவிர்க்கலாம். இதனை தொடர்ந்து உட்கொள்வதன் மூலம், உடலில் உள்ள ஹீமோகுளோபின் அளவை அதிகரிக்கலாம்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான நம்பிக்கைகளை அடிப்படையாகக் கொண்டவை. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறவும். ZEE NEWS இதற்கு பொறூப்பேற்காது.)
மேலும் படிக்க | இதய துடிப்பை சீராக்கும் ‘பொட்டாஷியம்’; இந்த அறிகுறிகளை அலட்சியம் செய்யாதீர்கள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
