நார்ச்சத்து, வைட்டமின்கள் மற்றும் தாதுக்கள் இருப்பதால் பழங்கள் நமக்கு நல்லது. நார்ச்சத்து மிகவும் முக்கியமானது, ஏனெனில் இது நம் உடல்கள் சர்க்கரையை மெதுவாக உறிஞ்சி நம்மை முழுதாக உணர வைக்கிறது. அதனால் தான் ஜூஸ் அல்லது ஸ்மூத்திகளை குடிப்பதற்கு பதிலாக முழு பழங்களையும் சாப்பிடுவது நல்லது. ஒருவர் ஒரு நாளில் நிறைய பழங்கள் அல்லது காய்கறி ஜூஸ் குடித்தாலும், அது ஒரு பழத்தை சாப்பிடுவதற்கு சமம். ஒரே ஒரு வகை பழங்களை அதிகம் சாப்பிடுவதை விட, பலவகையான பழங்களை சாப்பிடுவது ரத்தத்தில் உள்ள சர்க்கரையின் அளவை சீராக வைத்துக் கொள்ள சிறந்தது என்று சமீபத்திய ஆய்வுகள் தெரிவிக்கின்றன.
நாம் ஜூஸ் அல்லது ஸ்மூத்திகளை தயாரிக்கும் போது, பெரும்பாலான நார்ச்சத்து பழங்களில் இருந்து வெளியே எடுக்கப்படுகிறது, எனவே நாம் சாப்பிட வேண்டியதை விட அதிகமாக குடிக்கிறோம். இதன் பொருள் நாம் ஒரே நேரத்தில் நிறைய சர்க்கரை மற்றும் கலோரிகளை எடுத்து கொள்கிறோம். அதிக சர்க்கரை சாப்பிடுவதால் உடல் எடை அதிகரிப்பதோடு இதய நோய் மற்றும் நீரிழிவு போன்ற பல்வேறு உடல்நலப் பிரச்சனைகளும் ஏற்படலாம்.
நீரிழிவு இல்லாத மக்கள், பழச்சாறு அல்லது ஸ்மூத்திகளை குடிப்பது பெரிய பாதிப்பை ஏற்படுத்துவதில்லை. ஆனால் ஒரு நாளைக்கு நாம் எவ்வளவு சர்க்கரை சாப்பிடுகிறோம் என்பதில் கவனமாக இருக்க வேண்டும். பெரியவர்கள் ஒரு நாளைக்கு சுமார் 30 கிராம், அதாவது 7 டீஸ்பூன் சர்க்கரை உட்கொள்ளலை எடுக்க முயற்சிக்க வேண்டும். பழச்சாறு குடிப்பதை விட முழுப் பழங்களை சாப்பிடுவது ஆரோக்கியமானது என்றாலும், சில பழங்களை ஜூஸாக மாற்றி குடிப்பது உடலுக்கு அதிக பாதிப்பை ஏற்படுத்துகிறது.
உதாரணமாக, ஆரஞ்சு ஜூஸ் மற்றும் பழ ஸ்மூத்திகள் பிரபலமானவை மற்றும் ஆரோக்கியமானவை என்று கருதப்படுகின்றன. ஆனால் நாம் அவற்றை அதிகமாக குடித்தால், அவை நமது இரத்த சர்க்கரை அளவை அதிகரிக்கலாம். இது நாளடைவில் சர்க்கரை நோய் போன்ற பிரச்சனைகளுக்கு வழிவகுக்கும். கடையில் இருந்து பேக்கேஜ் செய்யப்பட்ட ஆரஞ்சு ஜூஸ் இன்னும் மோசமான தாக்கத்தை ஏற்படுத்தும். ஏனெனில் அவற்றில் அதிகப்படியான சர்க்கரை சேர்க்கப்பட்டு இருக்கும். பழச்சாறு குடிப்பது நமக்கு நல்லது, நம் உடல் ஆரோக்கியமாகவும், ஆற்றலுடனும் இருக்க வேண்டிய முக்கியமான ஊட்டச்சத்துக்கள் உள்ளன. நோய் வராமல் இருக்க பழச்சாறு அருந்துவதை மருத்துவர்கள் அடிக்கடி பரிந்துரைக்கின்றனர். இருப்பினும், சில பழச்சாறுகள் நாம் அதிகமாக குடித்தால் உண்மையில் நமக்கு தீங்கு விளைவிக்கும்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
