IFFK 2022: മൺമറഞ്ഞ ചലച്ചിത്ര പ്രതിഭകളെ മേളയിൽ ആദരിക്കും

തിരുവനന്തപുരം: മൺമറഞ്ഞ ചലച്ചിത്ര പ്രതിഭകൾക്ക് രാജ്യാന്തര ചലച്ചിത്രമേളയിൽ ആദരമൊരുക്കും. സംവിധായകൻ ബുദ്ധദേവ് ദാസ് ഗുപ്‌ത, നടൻ ദിലീപ്കുമാർ, ഇന്ത്യയുടെ വാനമ്പാടി ലതാ മങ്കേഷ്‌കർ, തിരക്കഥാകൃത്ത് കെ.എസ്.സേതുമാധവൻ, നടി കെപിഎസി ലളിത തുടങ്ങി എട്ട് ചലച്ചിത്ര പ്രവർത്തകർക്കാണ് മേളയിൽ ആദരമൊരുക്കുന്നത്. ഡെന്നിസ് ജോസഫ്, മാടമ്പ് കുഞ്ഞുകുട്ടൻ, പി.ബാലചന്ദ്രൻ എന്നിവരുടെ ചിത്രങ്ങളും ഈ വിഭാഗത്തിൽ ഇടംപിടിച്ചിട്ടുണ്ട്.

കെപിഎസി ലളിത, മാടമ്പ് കുഞ്ഞുക്കുട്ടൻ എന്നിവരുടെ ഓർമ്മയ്ക്കായി ജയരാജ് സംവിധാനം ചെയ്ത ശാന്തം എന്ന ചിത്രം ചലച്ചിത്രമേളയിൽ പ്രദർശിപ്പിക്കും. കെ.എസ് സേതുമാധവൻ തിരക്കഥയെഴുതി സംവിധാനം ചെയ്ത മറുപക്കം, പി.ബാലചന്ദ്രന്റെ തിരക്കഥയിൽ പിറന്ന ഇവൻ മേഘരൂപൻ, ഡെന്നിസ് ജോസഫിന്റെ തിരക്കഥയിൽ ജോഷി സംവിധാനം ചെയ്ത ന്യൂഡൽഹി എന്നീ ചിത്രങ്ങളും മേളയിൽ പ്രദർശിപ്പിക്കുന്നുണ്ട്.

ദിലീപ്കുമാർ പ്രധാന കഥാപാത്രത്തെ അവതരിപ്പിച്ചതും  ലതാ മങ്കേഷ്‌കർ പിന്നണി പാടിയതുമായ  മുഗൾ-ഇ-ആസം, ബുദ്ധദേവ് ദാസ് ഗുപ്ത സംവിധാനം ചെയ്ത  നീം അന്നപൂർണ്ണ എന്നിവയും ഈ വിഭാഗത്തിൽ പ്രദർശനത്തിനെത്തും. മാ​ർ​ച്ച് 18ന് കനക്കുന്നിലെ ​നി​ശാ​ഗ​ന്ധി​ ഓപ്പൺ ഓഡിറ്റോറിയത്തിൽ നടക്കുന്ന ചടങ്ങിൽ വൈ​കി​ട്ട് ആറി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മേ​ള ഉ​ദ്ഘാ​ട​നം ചെ​യ്യും. എ​ട്ട് ദി​വ​സം നീണ്ടുനിൽക്കുന്ന മേ​ള​യി​ൽ 15 തിയേറ്ററുകളി​ലാ​യി 173 ചി​ത്ര​ങ്ങ​ൾ പ്ര​ദ​ർ​ശി​പ്പി​ക്കും.

അന്താരാഷ്ട്ര മത്സര വിഭാഗം, ലോക പ്രസിദ്ധ സംവിധായകരുടെ ഏറ്റവും പുതിയ ചിത്രങ്ങൾ ഉള്‍പ്പെടുന്ന ലോകസിനിമാ വിഭാഗം, ഇന്ത്യന്‍ സിനിമ നൗ, മലയാള സിനിമ റ്റുഡേ, ക്ലാസിക്കുകളുടെ വീണ്ടെടുപ്പ് എന്നിവ ഉൾപ്പടെ എഴ് പാക്കേജുകളാണ് മേളയിൽ ഉൾപ്പെടുത്തിയിട്ടുള്ളത്. 2015ൽ തുർക്കിയിലെ ​തെ​ര​ഞ്ഞെ​ടു​പ്പി​നി​ടെ ഐഎസ് ഭീകരർ നടത്തിയ ബോംബാക്രമണത്തിൽ ഇ​രു​കാ​ലു​ക​ളും ന​ഷ്ട​പ്പെ​ട്ട മി​ഡി​ൽ ഈ​സ്റ്റ് സി​നി​മ അ​ക്കാ​ദ​മി പ്ര​വ​ർ​ത്ത​ക ലി​സ ക​ലാ​ലി​നെ മേളയിൽ ആദരിക്കും. ഹോ​മേ​ജ് വി​ഭാ​ഗ​ത്തി​ൽ ബു​ദ്ധ​ദേ​വ് ദാ​സ് ഗു​പ്ത, ദി​ലീ​പ് കു​മാ​ർ, ല​ത മ​ങ്കേ​ഷ്ക​ർ, കെ. ​സേ​തു​മാ​ധ​വ​ൻ, പി. ​ബാ​ല​ച​ന്ദ്ര​ൻ, മാ​ട​മ്പ് കു​ഞ്ഞു​കു​ട്ട​ൻ, ഡെ​ന്നീ​സ് ജോ​സ​ഫ്, നെ​ടു​മു​ടി വേ​ണു, കെ.​പി.​എ.​സി ലളി​ത എ​ന്നി​വ​രു​ടെ സി​നി​മ​കൾ പ്രദർശിപ്പിക്കും.

ഫി​ലിം​സ് ഫ്രം ​കോ​ണ്‍ഫ്ലി​ക്റ്റ് എ​ന്ന പാ​ക്കേ​ജാണ് ഇക്കുറി നടക്കുന്ന മേളയുടെ പ്രധാന ആ​ക​ര്‍ഷ​ണ​ങ്ങ​ളി​ലൊ​ന്ന്. അ​ഫ്ഗാ​ൻ, ബ​ര്‍മ, കു​ര്‍ദി​സ്ഥാ​ന്‍ എന്നിവി​ട​ങ്ങ​ളി​ല്‍ നി​ന്നു​ള്ള സി​നി​മ​ക​ളാ​ണ് ഈ വിഭാഗത്തിൽ ഉ​ള്‍പ്പെ​ടു​ത്തി​യി​രി​ക്കു​ന്ന​ത്. കോവിഡ് പ്രതിസന്ധിക്ക് ശേഷം ഇതാദ്യമായി തിയേറ്ററുകളിലെ എല്ലാ സീറ്റുകളിലും സിനിമാപ്രേമികൾക്ക് പ്രവേശനം അനുവദിക്കുന്നുവെന്ന പ്രത്യേകത കൂടി 26-ാമത് രാജ്യാന്തര ചലച്ചിത്രമേളയ്ക്കുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA