મહાકુંભમાં જ કેમ બને છે નાગા? 5 હજાર સંન્યાસી જીવતા જ પિંડદાન કરને બનશે નાગા સાધુ

Mahakumbh 2025: પ્રયાગરાજમાં સંગમ કિનારે ચાલી રહેલા મહાકુંભમાં દેશ-વિદેશથી શ્રદ્ધાળુઓ પહોંચી રહ્યા છે. અત્યાર સુધીમાં 7 કરોડથી વધુ શ્રદ્ધાળુઓ ત્રિવેણીના પવિત્ર તટ પર આસ્થાના દર્શન કરવા સંગમ પહોંચ્યા છે. બીજી તરફ ધર્મ અને રાષ્ટ્રને સમર્પિત સનાતન સંસ્કૃતિના અખાડાઓમાં નાગા સેના તૈયાર કરવામાં આવી રહી છે. ગંગા કિનારે જુના અખાડાના લગભગ 5 હજાર સાધુઓએ તેમના પિંડ દાન અર્પણ કર્યા છે અને 108 ડૂબકી લગાવી છે અને નાગા સંત બનવાના અંતિમ સંસ્કાર તરફ આગળ વધ્યા છે.

નાગા સાધુ બનવાની અંતિમ પ્રક્રિયામાં 5 હજાર સંન્યાસી
જુના અખાડાના ચાર મઢીઓના નેતૃત્વમાં લગભગ 5 હજાર સંન્યાસીઓએ ગંગાના કિનારે 8 થી 10 પ્રકારની 108 ડૂબકી લગાવી છે. લગભગ 36 કલાક સુધી ચાલેલી કઠિન તપસ્યા બાદ આજે સાંજે જૂના અખાડાના આચાર્ય મહામંડલેશ્વર અવધેશાનંદ ગિરી અખાડાના શિબિરમાં ધાર્મિક ધ્વજ નીચે દીક્ષા આપીને નાગા સંત બનાવશે. આમાં અંતિમ પ્રક્રિયા વિજયા હવનમાંથી પસાર થયા પછી આ તમામ સાધુઓ નાગા સાધુ બનશે.

હજું તો માત્ર 19 વર્ષની છે આ ખૂબસૂરત હસીના,લુકમાં 'સુપરસ્ટાર માતા'ને પણ આપે છે ટક્કર

મહાકુંભમાં જ બનાવવામાં આવે છે નાગા સાધુ
મહાકુંભમાં જ નાગા સંતો બનાવવાની પરંપરા છે. જેમાં અખાડાઓમાં નાગા સંતો બનાવવામાં આવે છે. લગભગ 8 થી 10 સુધી ગુરુના સાંનિધ્યમાં સનાતન અને અખાડાની પરંપરાનું પાલન કરવાનું રહેશે. જ્યારે તેઓ નાગા બનવા માટે લાયક બને છે, ત્યારે તેમણે સખત જાપ અને તપસ્યા પછી પોતાની સાથે તેમના પિતા અને માતાનું પિંડ દાન કરવાનું હોય છે. પિંડ દાન બાજ તેમના સાંસારિક જોડાણો સમાપ્ત થાય છે. તેમના માટે માત્ર અખાડાનો ધાર્મિક ધ્વજ જ સર્વસ્વ હોય છે. દરરોજ ધર્મના ઝંડા નીચે ઈષ્ટની પૂજાની સાથે જ ધર્મ અને સંસ્કૃતિના પ્રચારમાં જોડાઈ જાય છે. મહાકુંભમાં અમૃત સ્નાન કર્યા પછી તેઓ દેશની અલગ-અલગ દિશામાં અખાડા અને સનાતન ધર્મની પરંપરાનો પ્રચાર પ્રસાર માટે નિકળી જાય છે.

બદલાઈ જશે 64 વર્ષ જૂનો આવકવેરા કાયદો? બજેટ સત્રમાં સરકાર રજૂ કરી શકે છે નવું બિલ

મૌની અમાવસ્યાનું વિશેષ મહત્વ
એક સન્યાસીને નાગા સાધુ બનવાની પ્રક્રિયા મૌની અમાવસ્યા પહેલા શરૂ થઈ જાય છે. પરંપરા અનુસાર પ્રથમ દિવસે મધ્યરાત્રિએ એક વિશેષ પૂજા કરવામાં આવશે, જેમાં દીક્ષિત સન્યાસીને તેમના સંબંધિત ગુરુની સામે નાગા બનાવવામાં આવશે. સંન્યાસી મધ્યરાત્રિએ ગંગામાં 108 ડૂબકી લગાવશે. આ સ્નાન પછી તેમની અડધી શિખા (ચોટલી) કાપી નાખવામાં આવશે. આ પછી તેમને તપસ્યા કરવા માટે જંગલમાં મોકલવામાં આવશે. જો નજીકમાં કોઈ જંગલ ન હોય તો સાધુઓ તેમની છાવણી છોડી દે છે. તેમને સમજાવ્યા બાદ પાછા બોલાવવામાં આવશે. ત્રીજા દિવસે તે નાગાના રૂપમાં પરત ફરશે અને અખાડાના આચાર્ય મહામંડલેશ્વર સમક્ષ લાવવામાં આવશે.