భారత ప్రధాని మోడీని అమర్యాదగా సంబోధించారనే ఆరోపణలపై సీఎం కేసీఆర్ వివరణ ఇచ్చారు. హైదరాబాద్ లో టీఆర్ఎస్ పార్లమెంటరీ పార్టీ మీటింగ్ తర్వాత ఆయన ప్రెస్ మీట్ పెట్టారు. ఈ సందర్భంగా ఆయన మాట్లాడుతూ తాను ఎప్పుడు మోడీని గాడు అని సంబోధించలేదని..ఇది కేవలం వక్రీకరణ మాత్రమేనన్నారు. మోడీకి గారు అని సంబోధిస్తే. దాన్ని మోడీ గాడు అన్నట్లు క్రీయేట్ చేశారని ఆరోపించారు. తనకు మోడీతో ఎలాంటి వ్యక్తిగత ద్వేషం లేదని..అయితే తన ద్వేషమంతా ఈ వ్యవస్థపైనేనని పేర్కొన్నారు. వ్యక్తిగతంగా మోడీ విషయంలో తాను ఎప్పుడు తప్పు మాట్లాడలేదని..తన మాటలకు కట్టుబడి ఉన్నానని పేర్కొన్నారు.
తెలంగాణ సీఎం కేసీఆర్ భారత ప్రధానిని ' మోడీ గాడు' అని సంబోధించిన వ్యాఖ్యలతో టీఆర్ఎస్ -బీజేపీ మధ్య చిచ్చురేగుతోంది.ఈ క్రమంలో సీఎం కేసీఆర్ వ్యాఖ్యలను రక్షణ మంత్రి నిర్మల సీతారామన్ తప్పుపట్టారు. శుక్రవారం హైదరాబాద్ లోని బీజేపీ రాష్ట్ర కార్యాలయంలో ఏర్పాటు చేసిన విలేఖరుల సమావేశంలో ఆమె ముచ్చటించారు. ఈ సందర్భంగా నిర్మల సీతారామన్ మాట్లాడుతూ ప్రధాని స్థాయి వ్యక్తిని పట్టుకొని తెలంగాణ సీఎం కేసీఆర్ ఏకవచనంతో సంబోధిస్తున్నారు.. రాజ్యాంగపరంగా ఉన్నత పదవుల్లో ఉన్నవారు ప్రధాన మంత్రిని ఏకవచనంతో విమర్శించడం తగదన్నారు . ఇది ఏ మాత్రం మంచి సాంప్రదాయంకాదని హితవుపలికారు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
