Instagram Viral Video: ఇటీవల సోషల్ మీడియాలో ఫేమస్ అయ్యేందుకు యువత హద్దులు దాటుతోంది. లైక్స్, ఫాలోవర్స్ పెంచుకునేందుకు పిచి పిచ్చి వీడియోలు చేస్తున్నారు. ఈ క్రమంలోనే చాలా మంది తమ ప్రాణాలను కూడా పొగొట్టుకున్నారు. తాజాగా ఓ యువకుడు చేసిన వీడియోపై ఆర్టీసీ ఎండీ వీసీ సజ్జనార్ ఆగ్రహం వ్యక్తం చేశారు. ఫేమస్ పిచ్చికి పరాకాష్ట అని వీడియోను పోస్ట్ చేశారు.
సోషల్ మీడియా ఫేమస్ పిచ్చికి పరాకాష్ట ఇది!!
— V.C. Sajjanar, IPS (@SajjanarVC) December 9, 2024
ఇన్స్టాగ్రామ్ లో రాత్రికి రాత్రే పాపులర్ కావడం కోసం ఈ మహానుభావుడు ఎంతకు తెగించాడో చూడండి. తన వెర్రి చేష్టలకి 4.4 మిలియన్స్ వ్యూస్ వచ్చాయని అదేదో ఘనకార్యం సాధించినట్లు మరొక వీడియోను వదిలాడు.
సోషల్ మీడియాలో ఫేమస్ పిచ్చి పట్టుకున్న… pic.twitter.com/Z7bTBHVfkN
ఓ యువకుడు రైలు పట్టాలపై పడుకుని సెల్ఫీ వీడియో తీసుకున్నాడు. తనను ఓ అమ్మాయి మోసం చేసిందని.. చనిపోతున్నా ఫ్రెండ్స్ అంటూ వీడియో తీసుకున్నాడు.
ఎవరైనా కాపాడేవారు రండి ఫ్రెండ్స్ అంటూ వీడియోను సోషల్ మీడియాలో షేర్ చేశాడు. ఈ వీడియోను ట్వీట్ చేసిన సజ్జనార్.. సోషల్ మీడియా ఫేమస్ పిచ్చికి పరాకాష్ట ఇది అని అన్నారు.
"ఇన్‌స్ట్రాగ్రామ్‌లో రాత్రికి రాత్రే పాపులర్ కావడం కోసం ఈ మహానుభావుడు ఎంతకు తెగించాడో చూడండి. తన వెర్రి చేష్టలకి 4.4 మిలియన్స్ వ్యూస్ వచ్చాయని అదేదో ఘనకార్యం సాధించినట్లు మరొక వీడియోను వదిలాడు.
సోషల్ మీడియాలో ఫేమస్ పిచ్చి పట్టుకున్న వీరంతా సామాజిక విద్రోహులు. వ్యూస్, లైక్స్, కామెంట్ల కోసం వారు ఎంత దూరమైన వెళ్తారు. ఇలాంటి సామాజిక ద్రోహులకు దూరంగా ఉండండి.
సోషల్ మీడియానే జీవితం కాదు. వ్యక్తిగత గుర్తింపు సోషల్ మీడియా ద్వారానే వస్తుందనే భ్రమలోంచి యువత బయటకి రావాలి. కష్టాన్ని నమ్ముకుంటే జీవితంలో ఉన్నతంగా ఎదగవచ్చనే విషయాన్ని గ్రహించాలి.." అని సజ్జనార్ సూచించారు.
