Sreeleela nails princess look in white barbie dress: తెలుగు ప్రేక్షకుల మదిలో ప్రత్యేక స్థానం సంపాదించుకుంది.. హీరోయిన్ శ్రీలీల. పెళ్లి సందడి సినిమాతో తెలుగు ప్రేక్షకులకు పరిచయమైన ఈ హీరోయిన్.. ఆ తరువాత వరస అవకాశాలు అందుకుంటూ స్టార్ హీరోయిన్ స్టేటస్ అందుకుంది. ప్రస్తుతం బాలీవుడ్ లో సైతం అవకాశాలు అందుకున్న శ్రీలీల ఇంస్టాగ్రామ్ ఫోటోలు తెగ వైరల్ అవుతూ అందరిని ఆకట్టుకుంటున్నాయి.
తెలుగు ఇండస్ట్రీలో శ్రీలీల కి ప్రత్యేక స్థానం ఉంది. మొదటి సినిమా విడుదల కాగానే.. తొమ్మిది వరస అవకాశాలు అందుకున్న హీరోయిన్ గా సెన్సేషన్ క్రియేట్ చేసింది ఈ హీరోయిన్. శ్రీకాంత్ కొడుకు రోషన్ తో శ్రీలీల నటించిన మొదటి చిత్రం పెళ్ళిసందరి బాక్సాఫీస్ దగ్గర పరవాలేదు అనిపించుకుంది.
అయితే ఆ తర్వాత రవితేజతో నటించిన ధమాకా చిత్రం మాత్రం ఆమెకు మంచి విజయం అందించింది. ముఖ్యంగా ధమాకా సినిమా కన్నా.. కూడా ఆ సినిమాలో శ్రీలీల డాన్స్, బ్యూటీ.. హైలెట్ గా నిలిచాయి. అప్పట్లో ఆ సినిమా శ్రీలీల వల్లే విజయం సాధించింది అన్న వాళ్ళు ఎంతోమంది ఉన్నారు.
ఇక అప్పటినుంచి తెలుగు ఇండస్ట్రీలో వరుసగా సినిమాలు చేస్తూ వచ్చింది ఈ నటి. అయితే ఆ తరువాత నటించిన ఏ చిత్రం కూడా శ్రీ లీలాకి.. అంతగా విజయం తెచ్చిపెట్టలేదు. అయితే బాలకృష్ణతో నటించినా భగవంత్ కేసరి సినిమా మాత్రం.. ఈ హీరోయిన్ కి మంచి పేరు తెచ్చిపెట్టింది.
ఆ చిత్రం మినహా శ్రీలీల కెరియర్ లో ఆ తరువాత పెద్దగా విజయాలు రాలేదు. ఈ క్రమంలో ప్రస్తుతం ఆచితూచి అడుగులు వేస్తోంది ఈ హీరోయిన్. మరోపక్క హిందీలో.. వరసగా రెండు ఆఫర్లు అందుకున్నట్టు వార్తలు వస్తున్నాయి. హిందీలోనే కాకుండా తమిళంలో కూడా శ్రీ లీల రెండు సినిమాలకు సైన్ చేసినట్టు తెలుస్తోంది.
ఈ నేపథ్యంలో శ్రీ లీల ఇంస్టాగ్రామ్ లో షేర్ చేసిన ఫోటోలు తెగ వైరల్ అవుతూ అందరిని ఆకట్టుకుంటున్నాయి. వైట్ డ్రెస్ లో ప్రిన్సెస్ లా.. కనిపిస్తూ అందరిని ప్రేమలో పడేస్తోంది ఈ హీరోయిన్.
