Shruti Haasan Remuneration : సాధారణంగా ఏ సినిమాలో అయినా సరే నటీనటులు ఒక సినిమా షూటింగ్ ప్రారంభించిన తర్వాత మధ్యలో ఏదైనా ఇబ్బందులు ఏర్పడితే ఆ పాత్రల నుంచి తప్పుకుంటారు. ఆ పాత్రలలో వేరే వారు వచ్చి చేరుతూ ఉంటారు. ఇప్పుడు డెకాయిట్ విషయంలో కూడా ఇదే జరిగిందని చెప్పవచ్చు.
సాధారణంగా ఒక దర్శకుడు సినిమా కథను రూపొందించేటప్పుడు.. ఫలానా పాత్రకు ఫలానా హీరో లేదా హీరోయిన్ లేదా క్యారెక్టర్ ఆర్టిస్ట్ ఇలా వారిని దృష్టిలో పెట్టుకొని ఆ పాత్రలను డిజైన్ చేస్తారు. అందుకు తగ్గట్టుగానే సినిమా తెరపైకి వచ్చినా.. తర్వాత చిన్నపాటి విభేదాలు ఏర్పడితే మాత్రం ఆ సెలబ్రిటీలు ఆ పాత్రల నుంచి తప్పుకుంటారు..అనడంలో సందేహం లేదు. ఈ క్రమంలోనే శృతిహాసన్ తన పాత్ర నుంచి తప్పుకోవడంతో.. మృనాల్ ఠాకూర్ ఆ పాత్రను భర్తీ చేసింది.
అసలు విషయంలోకి వెళితే.. యంగ్ హీరో అడివి శేష్ తాజాగా తెలుగులో నటిస్తున్న చిత్రం డెకాయిట్. ఇందులో శృతిహాసన్ హీరోయిన్గా నటిస్తోందని మొదట్లో చెప్పాడు. అయితే ఇప్పుడు ఆమె ఈ సినిమా నుంచి తప్పుకుంది. ముఖ్యంగా చిత్రం మేకర్స్ తో శృతిహాసన్ కి చిన్న విభేదాలు వచ్చాయని, అందుకే ఆమె ఈ పాత్ర నుండి వెళ్లిపోయిందని సమాచారం.
ఇదిలా ఉండగా శృతిహాసన్ పాత్రలో మృనాల్ ఠాకూర్ ఎంపికైన విషయం తెలిసిందే. జెర్సీ, సూపర్ 30, సీతారామం చిత్రాలతో భారీ పాపులారిటీ అందుకున్న మృనాల్ ఠాగూర్ ని ఇందులో హీరోయిన్గా తీసుకున్నారట. మృణాల్ కు పాన్ ఇండియా గుర్తింపు ఉంది. కాబట్టే ఈ సినిమాలో అవకాశం ఇచ్చినట్లు తెలుస్తోంది.
ఇక ఈ హీరోయిన్ తో పోస్టర్ ని కూడా ఈ మధ్యనే విడుదల చేశారు సినిమా యూనిట్. ఇకపోతే తన స్క్రిప్టులో సహనటుడు ప్రమేయం ఉండడం వల్లే సంతోషంగా లేని శృతిహాసన్.. ఈ సినిమా నుంచి తప్పుకుందని వార్తలు వినిపిస్తున్నాయి. ఈ సినిమాకి షానీల్ డియో దర్శకత్వం వహిస్తున్నారు.
ఇదిలా ఉండగా శృతిహాసన్ ఈ సినిమా నుంచి తప్పుకోవడం వల్ల శృతికి ఎంతో నష్టం వచ్చింది అని వినికిరి. ఇప్పుడు మృణాల్ ఠాకూర్ ఈ సినిమా కోసం రూ.2.5 కోట్ల పారితోషకం డిమాండ్ చేసిందని, ఇక మృనాల్ కు అంత రెమ్యునరేషన్ ఇవ్వడానికి మేకర్స్ కూడా సిద్ధమైనట్లు సమాచారం. ఇక ఇందులో నిజా నిజాలు తెలియాల్సి ఉంది.
