School Holidays In AP: భారీ వర్షాల నేపథ్యంలో స్కూళ్లకు సెలవు ప్రకటించింది ప్రభుత్వం. ఈ నేపథ్యంలో కొన్ని జిల్లాలలోని స్కూళ్లకు ఈ సెలవు వర్తిస్తుంది. బంగాళాఖాతంలో ఏర్పడిన అల్పపీడనం వల్ల పలు జిల్లాల్లో భారీ వర్షాలు కురవనున్నాయి. ఈ సందర్భంగా ఏ జిల్లాల్లో స్కూళ్లకు సెలవులు ఉంటాయి ?
School Holidays In AP: రాష్ట్రంలో భారీ వర్షాలు కురవడంతో కొన్ని జిల్లాలలోని స్కూళ్లకు సెలవు ప్రకటించింది ఆంధ్రప్రదేశ్‌ ప్రభుత్వం. ముఖ్యంగా బంగాళాఖాతంలో అల్పపీడనం ప్రభావంతో ఈ జిల్లాలలో భారీ వర్షపాతం నమోదవుతుందని ఏపీఎస్‌డీఎంఏ హెచ్చరించింది.
మరో 48 గంటల్లో తీవ్ర వాయుగుండంగా మారే అవకాశం ఉంది. ఈ నేపథ్యంలో ఆంధ్రప్రదేశ్‌ దక్షిణ కోస్తా తీరాలవైపు వాయుగుండం కదులుతుందని అమరావతి వాతావారణ శాఖ చెప్పింది.
తీవ్ర వాయుగుండం కారణంగా దక్షిణ కోస్తా, రాయలసీమలోని పలు జిల్లాల్లో భారీ వర్షాలు కురుస్తాయి. మిగతా ప్రాంతాల్లో ఓ మోస్తారు వర్షం కురిసే అవకాశం ఉంది.
నెల్లూరు, చిత్తూరు, తిరుపతి, అన్నమయ్య, కర్నూలు, నంద్యాల, ప్రకాశం, బాపట్ల, గుంటూరు, పల్నాడు, ఎన్టీఆర్‌, కృష్ణా, ఏలూరు, పశ్చిమ గోదావరి జిల్లాల్లో భారీ వర్షాలు పడనున్నాయి. ఈ సందర్భంగా ముందు జాగ్రత్తగా పాఠశాలలకు సెలవు ప్రకటించారు.
ముఖ్యంగా నెల్లూరు చిత్తూరు, అన్నమయ్య జిల్లాల్లోని అన్ని స్కూళ్లు, కాలేజీకు ఇవాళ 15 మంగళవారం సెలవు ప్రకటించారు. జిల్లా కలెక్టర్ల ఆధ్వర్యంలో ఈ సెలవు మంజూరు చేశారు. బంగాళాఖాతంలో ఏర్పడిన అల్పపీడనం తీరం దాటిన తర్వాత తీవ్ర తుపానుగా మారే అవకాశం ఉంది.
ఈ జిల్లాలలో మరో మూడు రోజులపాటు అతి భారీ వర్షాలు కురిసే అవకాశం ఉంది.ఈ ప్రాంతంలో గంటకు 55 కిలో మీటర్ల వేగంతో గాలులు కూడా వీస్తాయి. మత్స్య కారులు కూడా వేటకు వెళ్లకూడదని ప్రభుత్వం ఇప్పటికే హెచ్చరికలు జారీ చేసింది.
గత నెలలో కూడా భారీ వర్షాల నేపథ్యంలో రెండు తెలుగు రాష్ట్రాల స్కూళ్లు, కాలేజీలకు సెలవు ప్రకటించారు. ఆ తర్వాత పండుగలు, మొన్నటి వరకు దసరా సెలవులతో స్కూళ్లకు సెలవులు దాదాపు 13 రోజులు ప్రకటించారు. భారీ వర్షాల వల్ల మళ్లీ స్కూళ్లకు సెలవులు వస్తూనే ఉన్నాయి.
