Rashmika Mandanna December Sentiment: సినీ ఇండస్ట్రీ అంటేనే సెంటిమెంట్స్ కు నిలయం. ఇక్కడ తుమ్మినా.. దగ్గినా అన్ని సెంటిమెంట్స్ గానే భావిస్తారు. తాజాగా నేషనల్ క్రష్ క్రిష్మికకు సారీ సారీ రష్మిక కు అలాంటి ఓ సెంటిమెంట్ ఉంది. అదే డిసెంబర్ సెంటిమెంట్ ఈ నెలలో విడుదలైన రష్మిక చాలా చిత్రాలు విజయవంతం కావడంతో తాజాగా ఈ నెల 5న ప్రపంచ వ్యాప్తంగా విడుదల కాబోతున్న పుష్ప 2కు ఈ సెంటిమెంట్ కలిసొస్తోందని అభిమానులు భావిస్తున్నారు.
Rashmika Mandanna December: ప్రస్తుతం మన దేశంలో అస‌లు సిస‌లు ప్యాన్ ఇండియా స్టార్ హీరోయిన్ రష్మిక మందన్న అనే చెప్పాలి. పుష్ప ఫస్ట్ పార్ట్ తో తొలి ప్యాన్ ఇండియా సక్సెస్ అందుకుంది. ఆ తర్వాత లాస్ట్ ఇయర్ ‘యానిమల్’ సినిమాతో రష్మిక క్రేజ్ అమాంతం పెరిగింది. ఇపుడు రాబోయే పుష్ప2తో మరోసారి ప్యాన్ ఇండియా లెవల్లో సత్తా చాటాడానికి రెడీ అవుతోంది. ఈ మూడు సినిమాలకు ఓ లింక్ ఉంది.
అవును రష్మికకు డిసెంబర్ నెలతో ఓ అవినాభావ సంబంధం ఉంది. ఆమె కథానాయికగా నటించిన కన్నడ చిత్రం ‘కిరిక్ పార్టీ’ మూవీ డిసెంబర్ నెలలో విడుదలైన సంచలన విజయం సాధించడంతో పాటు ఆమెకు పెద్ద బ్రేక్ ఇచ్చింది.
ఆ తర్వాత పునీత్ రాజ్ కుమార్ తో చేసిన ‘అంజనీపుత్ర’ మూవీతో పాటు ఛమక్ అనే సినిమాలు కూడా డిసెంబర్ నెలలో విడుదలై రష్మిక క్రేజ్ ను అమాంతం పెంచేసాయి.
అటు పుష్ప ది రైజ్ పార్ట్ 1, యానిమల్ చిత్రాలు కూడా డిసెంబర్ నెలలో విడదలై సంచలన విజయాలు నమోదు చేయడంతో పాటు రష్మికను నేషనల్ స్టార్ ను చేసాయి.
తాజాగా ఈ నెల 5న విడుదల కాబోతున్న ‘పుష్ప 2 ది రూల్’ మూవీ కూడా ఇదే డిసెంబర్ నెలలో విడుదలవుతుంది. ఈ మూవీపై భారీ అంచనాలు నెలకున్నాయి. మరి సెంటిమెంట్ ప్రకారం ‘పుష్ప 2’ మూవీ కూడా హిట్ అవుతుందనే ఆశాభావం రష్మికతో పాటు ఆమె అభిమానులు ఎక్స్ పెక్ట్ చేస్తున్నారు.
పుష్ప 2 మూవీ ప్రపంచ వ్యాప్తంగా దాదాపు రూ. 617 కోట్ల షేర్ (రూ. 1200 కోట్ల గ్రాస్) ప్రీ రిలీజ్ బిజినెస్ చేసింది. ఈ సినిమా హిట్ అందుకోవాలంటే రూ. 620 కోట్ల షేర్ (రూ. 1200 కోట్ల గ్రాస్) వసూళ్లను రాబట్టాలి. మరి పుష్ప 2 మూవీ ముందు పెద్ద టార్గెటే ఉంది.
