Anjali Photos: 'ఫోటో', 'షాపింగ్ మాల్' సినిమాలతో ఇటు తెలుగుతో పాటు తమిళం ప్రేక్షకులనూ పలకరించిన అంజలి.. ఆ తర్వాత 'జర్నీ', 'సీతమ్మ వాకిట్లో సిరిమల్లె చెట్టు' సినిమాతో మంచి గుర్తింపు తెచ్చుకుంది. ఇటీవలే 'వకీల్ సాబ్'లో మెరిసిన ఈ తెలుగమ్మాయి.. ఇప్పుడు దర్శకుడు శంకర్, రామ్ చరణ్ కాంబినేషన్ లో తెరకెక్కుతోన్న 'ఆర్సీ 15' (వర్కింగ్ టైటిల్) షూటింగ్ లో బిజీగా ఉంది. రాజమండ్రిలో జరుగుతోన్న ఆ సినిమా షూటింగ్ వెళ్తూ.. అంజలి కొన్ని ఫొటోలను సోషల్ మీడియాలో షేర్ చేసింది. అవి ఇప్పుడు వైరల్ గా మారాయి.
హీరోయిన్ అంజలి అసలు పేరు బాల త్రిపుర సుందరి. 1986 జూన్ 16న తూర్పు గోదావరి జిల్లా రాజోలులో జన్మించింది.
'ఫొటో' అనే తెలుగు చిత్రంతో వెండితెరకు పరిచమైన అంజలి.. ఆ తర్వాత 'షాపింగ్ మాల్' సినిమాతో మంచి గుర్తింపు తెచ్చుకుంది. ఆ తర్వాత తమిళం, కన్నడ, మలయాళ సినిమాల్లో బిజీగా మారింది.
'సీతమ్మ వాకిట్లో సిరిమల్లె చెట్టు' సినిమాతో టాలీవుడ్ లోకి గ్రాండ్ గా రీఎంట్రీ ఇచ్చింది అంజలి.
'బలుపు', 'మసాలా', 'గీతాంజలి', 'శంకారాభరణం', 'డిక్టేటర్' సినిమాలతో మెప్పించింది.
ఇటీవలే పవర్ స్టార్ పవన్ కల్యాణ్ హీరోగా తెరకెక్కిన 'వకీల్ సాబ్' చిత్రంలోనూ నటించింది. ఇప్పుడు రామ్ చరణ్, శంకర్ కాంబినేషన్ లో రూపొందుతోన్న సినిమాలోనూ నటిస్తోంది.
