Kisan Credit Card: రైతుల అభ్యున్నతి కోసం కేంద్ర ప్రభుత్వం అనేక పథకాలను ప్రవేశపెడుతోంది. రైతుల ఆదాయాన్ని రెట్టింపు చేసేందుకు ప్రభుత్వం కట్టుబడి ఉందని ప్రధాని మోదీ ఇప్పటికే అనేకసార్లు ప్రకటించారు. రైతుల కోసం ప్రధానమంత్రి కిసాన్ సమ్మాన్ నిధి, ప్రధాన మంత్రి ఫసల్ బీమా యోజన (PMFBY) సహా అనేక పథకాలను ప్రారంభించింది ప్రభుత్వం. ప్రస్తుతం దేశ సాధారణ బడ్జెట్‌ను ప్రవేశపెట్టేందుకు సమయం దగ్గర పడుతుండడంతో వ్యవసాయ రంగాన్ని ప్రోత్సహించడంపై ప్రభుత్వం దృష్టి సారిస్తుందని నిపుణులు భావిస్తున్నారు.
ప్రభుత్వం తరపున రైతులందరికీ కిసాన్ క్రెడిట్ కార్డ్‌లను జారీ చేయాలని ప్రభుత్వ రంగ బ్యాంకులకు కేంద్రం సూచించింది. బ్యాంకింగ్ రంగ సమావేశంలో ఈ ప్రచారాన్ని అమలు చేయడానికి పీఎం కిసాన్ డేటాబేస్ సహాయం తీసుకోవాలని బ్యాంక్ చీఫ్‌లను అధికారులు కోరారు. ఈ సమావేశంలో అగ్రికల్చర్ ఇన్‌ఫ్రాస్ట్రక్చర్ ఫండ్ (ఏఐఎఫ్) పథకం పురోగతిపై చర్చించినట్లు సంబంధిత వర్గాలు తెలిపాయి.
ఈ సమావేశంలో వ్యవసాయ, రైతు సంక్షేమ శాఖ అధికారులు పాల్గొన్నారు. ఈ సందర్భంగా పాత లోన్లకు సంబంధించిన సమీక్ష కూడా జరిగింది. పారదర్శకతను మెరుగుపరచడానికి కిసాన్ క్రెడిట్ కార్డ్ (కేసీసీ) పొందే ప్రక్రియ డిజిటలైజేషన్ పురోగతిపై కూడా చర్చించారు. మొత్తం కిసాన్ క్రెడిట్ కార్డ్ లోన్ జర్నీని లిస్టెడ్ పద్ధతిలో డిజిటలైజ్ చేయడానికి అవసరమైన చర్యలు తీసుకోవాలని ప్రభుత్వ రంగ బ్యాంకులకు అధికారులు సూచించారు.
సమావేశంలో ప్రధాన మంత్రి జన్ ధన్ యోజన (PMJDY), ప్రధాన మంత్రి జీవన్ జ్యోతి బీమా యోజన (PMJJBY), ప్రధాన మంత్రి సురక్ష బీమా యోజన (PMSBY), అటల్ పెన్షన్ యోజన (APY), ప్రధాన మంత్రి వీధి వ్యాపారులతో సహా పలు సామాజిక భద్రతా పథకాల పురోగతి సెల్ఫ్ రిలయెంట్ ఫండ్, వ్యవసాయ రుణాలు తదితరాలపై కూడా సమీక్షించారు. ఈ సమయంలో స్థిరమైన బ్యాంకింగ్ సంబంధాల కోసం కస్టమర్ అనుభవాన్ని మరింత సుసంపన్నం చేయడానికి, ఆనందించేలా చేయడానికి బ్యాంకులు ప్రతి ప్రయత్నం చేయాల్సిన అవసరం ఉందని పునరుద్ఘాటించారు.
అన్ని షెడ్యూల్డ్ కమర్షియల్ బ్యాంక్‌లకు కస్టమర్ సర్వీస్ రేటింగ్‌ను వేగవంతం చేయాలని ఇండియన్ బ్యాంక్స్ అసోసియేషన్ ఇప్పటికే అభ్యర్థించింది. కస్టమర్ అంచనాలను నిర్ధారించడానికి.. కస్టమర్‌లోని ప్రతి విభాగానికి సేవలను అందించే ప్రమాణాలను బ్యాంకులు పెంచడానికి వీలు కల్పిస్తాయి.
Also Read: China Dam: సరిహద్దులో చైనా మాస్టర్ ప్లాన్.. సీక్రెట్‌గా ఆనకట్ట నిర్మాణం
Also Read: Kadapa Road Accident: ఆగి ఉన్న లారీ ఢీకొన్న టెంపో.. ముగ్గురు మహిళలు మృతి, 8 మందికి తీవ్రగాయాలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
