Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు

Actress Amalapaul get Insulted: దేశంలోని కొన్ని హిందూ ఆలయాల్లో కఠిన ఆంక్షలు అమలౌతున్నాయి. ఇతర మతస్థుల్ని అనుమతించని పరిస్థితి ఉంది. ఫలితంగా ప్రముఖ నటి అమలాపాల్‌కు చేదు అనుభవం ఎదురైంది. క్రిస్టియన్ కావడంతో అమలాపాల్‌ను ఆలయంలోకి అనుమతించలేదు.

ఈ ఘటన కేరళలోని ఎర్నాకులంలో ఉన్న తిరువైరానికులం మహాదేవ ఆలయంలో చోటుచేసుకుంది. ఈ ఆలయంలో ప్రవేశించేందుకు ప్రయత్నించిన అమలాపాల్‌ను అక్కడి పూజారులు అడ్డుకున్నారు మహాదేవ ఆలయంలో కేవలం హిందూవులకు మాత్రమే అనుమతి ఉంటుందని..మీరు క్రిస్టియన్ కావడంతో అనుమతి లేదని స్పష్టం చేశారు. అవసరమనుకుంటే..ఆలయం ముందుభాగంలో ఉన్న అమ్మవారి దర్శనం చేసుకుని వెనక్కి వెళ్లిపోవాలని పూజారులు సూచించారు. ఎర్నాకులం మహాదేవ ఆలయంలో ఎదురైన చేదు అనుభవాన్ని ఆలయం విజిటర్ బుక్‌లో ఎంటర్ చేశారు. 

ఆలయంలో వెళ్లకపోయినా అమ్మవారి ఆత్మను తాను పొందానని..మనస్సులోనే ప్రార్ధించుకున్నానని అమలాపాల్ చెప్పుకొచ్చారు. 2023లో కూడా మతపరమైన వివక్ష కొనసాగడం అర్ధరహితమన్నారు. ఈ వివక్ష తొలగిపోవాలని సూచించారు. లౌకికరాజ్యమని చెప్పుకుంటూనే ఈ ఆంక్షలేంటని ప్రశ్నించారు. ఈ అంశం ఇప్పుడు దేశవ్యాప్తంగా చర్చనీయాంశంగా మారింది. 

నటి అమలాపాల్ చుట్టూ గతంలో కూడా చాలా వివాదాలున్నాయి. దర్శకుడు ఏఎల్ విజయ్‌ని పెళ్లి చేసుకుని 2017లో విడాకులు తీసుకున్నారు. తెలుగులో బెజవాడ, నాయక్, ఇద్దరమ్మాయిలతో చిత్రాల్లో నటించారు. మలయాళ, తమిళ భాషల్లో ప్రస్తుతం బిజీగా ఉన్న అమలాపాల్ గతంలో ఓ సినిమాలో నగ్నంగా నటించి వార్తల్లోకెక్కింది.

Also read: Sunil Jailer Look : ఇదేం లుక్‌రా బాబోయ్.. రజినీకాంత్‌ను ఢీ కొట్టనున్న సునిల్

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U 

ఆపిల్ లింక్ -  https://apple.co/3loQYe 

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook