Nabha Natesh Photos: 'నన్ను దోచుకుందువటే' సినిమాతో టాలీవుడ్ కు పరిచయమైన కన్నడ బ్యూటీ నభా నటేష్.. 'ఇస్మార్ట్ శంకర్' చిత్రంతో హీరోయిన్ గా మంచి గుర్తింపు తెచ్చుకుంది. చివరగా నితిన్ హీరోగా నటించిన 'మ్యాస్ట్రో' చిత్రంతో తెలుగు ప్రేక్షకులను అలరించింది. ఇటీవలీ కాలంలో ఏ సినిమాకు సైన్ చేయని ఈ భామ.. తాజాగా సోషల్ మీడియాలో కొన్ని ఫొటోలను షేర్ చేసింది.
నభా నటేష్.. 11 డిసెంబరు 1989న కర్ణాటకలోని శృంగేరి నగరంలో జన్మించింది. నటనపై ఆసక్తితో మోడలింగ్ రంగంలో అడుగుపెట్టింది.
2013లో మిస్ ఇండియా బెంగళూరు టాప్ 11 ఫెమినాల్లో ఒకరిగా నిలిచింది. 'వజ్రకాయ' (2015) అనే కన్నడ చిత్రంతో హీరోయిన్ గా వెండితెరకు పరిచయమైంది.
ఆ తర్వాత 'నన్ను దోచుకుందువటే' సినిమాతో టాలీవుడ్ ఎంట్రీ ఇచ్చింది. 'ఇస్మార్ట్ శంకర్' సినిమాతో హీరోయిన్ గా మంచి గుర్తింపు తెచ్చుకుంది.
మెగా హీరో సాయి ధరమ్ తేజ్తో కలిసి నటించిన 'సోలో బ్రతుకే సో బెటర్' చిత్రంతో హిట్ అందుకుంది నభా నటేష్.
గత రెండేళ్లలో 'డిస్కో రాజా', 'అల్లుడు అదుర్స్', 'మాస్ట్రో' సినిమాల్లో నటించి మెప్పించింది.
