Tamil Nadu Less than a week after Karur Class XII student's suicide following sexual assault, her teacher hangs self: లైంగిక వేధింపులకు గురైన విద్యార్థిని ఆత్మహత్య నేపథ్యంలో ఒక ఉపాధ్యాయుడు సూసైడ్ చేసుకున్నాడు. తమిళనాడులోని కరూర్ జిల్లాలో ఈ ఘటన జరిగింది. వారం రోజుల క్రితం 12వ తరగతి విద్యార్థిని (XII student) స్కూల్‌ నుంచి ఇంటికి వచ్చి ఉరి వేసుకుని ఆత్మహత్య చేసుకుంది. లైంగిక వేధింపుల కారణంగా కరూర్ జిల్లాలో చనిపోయే చివరి అమ్మాయి నేనే కావాలంటూ సూసైడ్ నోట్‌లో (Suicide note) రాసింది ఆ అమ్మాయి. తన ఈ నిర్ణయానికి కారణమెవరో చెప్పడానికి భయపడుతున్నానని సూసైడ్ నోట్‌లో బాధితురాలు పేర్కొంది. తాను ఈ భూమిపై చాలా కాలం జీవించాలని.. ఇతరులకు సహాయం చేయాలని కోరుకున్నానని తెలిపింది. కానీ తాను ఇంత త్వరగా ఈ లోకాన్ని విడిచిపెట్టాల్సి వస్తోందని సూసైడ్ నోట్‌లో ఆమె పేర్కొంది.
విద్యార్థిని ఆత్మహత్యపై (Suicide) పోలీసులు ముమ్మరంగా దర్యాప్తు కొనసాగిస్తున్నారు. ఈ తరుణంలో ఆ విద్యార్థిని చదివిన స్కూల్‌లోని ఉపాధ్యాయులు, సిబ్బందిని ప్రశ్నించారు. విద్యార్థిని లైంగికంగా వేధించినట్లు ఆరోపణలున్న 42 ఏళ్ల మ్యాథ్స్‌ టీచర్‌ (42-year-old maths teacher) శరవణన్ కూడా పోలీసులు విచారించారు. అయితే ఆయనపై ఎలాంటి అనుమానం లేదని పోలీసులు తెలిపారు. ఈ క్రమంలో మ్యాథ్స్‌ టీచర్‌ శరవణన్ తాజాగా తిరుచ్చిలోని మామ ఇంట్లో ఆత్మహత్యకు పాల్పడ్డాడు.
Also Read :Pooja Out Samantha In:పూజా హెగ్డే ఔట్.. సమంత ఇన్! 4 సారి మహేష్ తో జతకట్టనున్న సామ్
విద్యార్థిని మరణంపై విద్యార్థులు, ప్రజలు తనను నిందిస్తూ ఎగతాళి చేస్తుండటంతో తాను ఇబ్బందిపడుతున్నట్లు సూసైడ్ నోట్‌లో (Suicide note) పేర్కొన్నాడు శరవణన్. చనిపోయిన బాలిక సూసైడ్ నోట్‌లో ఎవరి పేరు చెప్పనప్పటికీ తనపైనే ఎక్కువగా అనుమానాలు తలెత్తాయని.. ఇది తాను భరించలేక ఆత్మహత్యకు పాల్పడుతున్నట్లు సూసైడ్ (Suicide) నోట్‌లో పేర్కొన్నాడు.
Also Read :Chiranjeevi: అన్ని రాష్ట్రాల తరహాలోనే ఏపీలోనూ టిక్కెట్ల ధరలు ఉండాలి: చిరంజీవి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
