TRUTH Social: అమెరికా మాజీ అధ్యక్షుడు డొనాల్డ్ ట్రంప్.. సొంతగా సోషల్ మీడియా ప్లాట్ఫామ్ను (Trump Own Social media) ప్రారంభించనున్నారు. గత కొంత కాలంగా ఈ విషయంపై ఊహాగానాలు వస్తుండగా.. తాజాగా వాటిని నిజం చేస్తూ అధికారిక ప్రకటన వెలువడింది. ట్రంప్ మీడియా అండ్ టెక్నాలజీ గ్రూప్ (టీఎంటీజీ).. మరో కంపెనీ కలిసి సంయుక్తంగా కొత్త సోషల్ మీడియా నెట్వర్క్ను ప్రారంభించనున్నాయి. 'ట్రూత్ సోషల్' పేరుతో ఈ కొత్త సోషల్ మీడియా నెట్వర్క్ను ఆవిష్కరించనున్నట్లు ఇరు సంస్థలు బుధవారం ఓ ప్రకటన విడుదల చేశాయి.
పరిమిత సంఖ్యలో యూజర్లతో వచ్చె నెలలో బీటా వెర్షన్ను విడుదల చేసేందుకు టీఎంటీజీ కసరత్తు చేస్తోంది. బీటా వెర్షన్లో ఆశించిన ఫలితాలు వస్తే.. 2022 తొలి త్రైమాసికంలో పూర్తి స్థాయిలో ట్రూత్ సోషల్ అందుబాటులోకి రావచ్చని సమాచారం.
ట్రూత్ సోషల్ ద్వారా ప్రతి ఒక్కరు తమ భావాలను పంచుకోవచ్చని ట్రంప్ తనయుడు ట్రంప్ జూనియర్ ఇటీవల ఓ ఇంటర్వ్యూలో పేర్కొన్నారు. బడా సోషల్ మీడియా ప్లాట్ఫామ్స్ ఉన్నది ఉన్నట్లుగా చెప్పవారి గొంతునొక్కే ప్రయత్నం చేస్తున్నాయని కూడా ఆరోపించారు.
Read Also: దేశవ్యాప్తంగా ఆల్టైం హైకి పెట్రోల్ రేట్లు- ప్రస్తుత ధరలు ఇవే..
ట్రంప్ సొంత నెట్వర్క్ తెచ్చేందుకు కారణాలివే..
ట్రంప్ అధ్యక్ష పదవిలో ఉన్నప్పుడు సోషల్ మీడియాలో నిత్యం యాక్టివ్గా ఉండేవారు. చాలా విషయాలపై ఎప్పటికప్పుడు ఆయన సోషల్ మీడియాలో స్పందించేవారు. ఆయన చేసే పోస్ట్లు పలుమార్లు వివాదాస్పదమయ్యాయి.
ఇదిలా ఉండగా అధ్యక్ష ఎన్నికల్లో ఓటమి అనంతరం.. క్యాపిటల్ భవనంపై జరిగిన దాడిలో ట్రంప్ పాత్ర ఉందంటు ఆరోపణలు వచ్చాయి. ఆ సమయంలో సోషల్ మీడియాలో ఆయన చేసిన పోస్ట్లపై కూడా పలువురు అభ్యంతరం వ్యక్తం చేశారు. ఈ వివాదం నేపథ్యంలో ఈ ఏడాది ప్రారంభంలో.. ప్రముఖ సోషల్ మీడియా దిగ్గజాలు ఫేస్బుక్, ట్విట్టర్ వంటి సంస్థలు ట్రంప్ ఖాతాలపై నిషేధం విధించాయి. దీనితో దాదాపు 9 నెలలుగా సోషల్ మీడియాకు దూరమయ్యారు ట్రంప్. అందుకే సొంత నెట్వర్క్ ద్వారా సోషల్ మీడియాలోకి రీ ఎంట్రీ ఇచ్చేందుకు ట్రంప్ నిర్ణయం తీసుకున్నట్లు తెలుస్తోంది.
Read Also: అనన్య పాండే నివాసంలో ఎన్సీబీ సోదాలు.. సమన్లు జారీ
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
