2024 Karthika Pournami Wishes: మీ  కుటుంబ సభ్యులకు కార్తీక పౌర్ణమి శుభాకాంక్షలు ఇలా తెలపండి..!  

Jabardasth latest  Judges: టాటా బిర్లా మధ్యలో లైలా,  మిస్సమ్మ , అదిరిందయ్యా చంద్రం, బ్రహ్మలోకం టు యమలోకం వయా భూలోకం వంటి చిత్రాలలో జంటగా నటించి ఆన్ స్క్రీన్ రొమాన్స్ పండించి, బ్యూటిఫుల్ జంటగా మంచి పేరు సొంతం చేసుకున్న శివాజీ - లయ జంట గురించి ప్రత్యేకంగా చెప్పాల్సిన అవసరం లేదు.  ముఖ్యంగా వీరిద్దరి కాంబినేషన్లో వచ్చిన ప్రతి సినిమా కూడా మంచి విజయాన్ని సొంతం చేసుకుంది. 

ఇకపోతే ఈ సినిమాల తర్వాత ఎవరికి వారు కెరియర్ పై ఫోకస్ పెట్టారు. అటు లయ వివాహం చేసుకొని అమెరికాలో సెటిల్ అయితే, మరొకవైపు శివాజీ క్యారెక్టర్ ఆర్టిస్టు పాత్రలు చేస్తూ ఆ తర్వాత  ఇండస్ట్రీకి దూరమయ్యారు. ఇటీవలే బిగ్ బాస్ సీజన్ సెవెన్ తో మళ్లీ ఎంట్రీ ఇచ్చిన శివాజీ ఆ తర్వాత 90's  వెబ్ సిరీస్ తో తన ఖాతాలో మంచి విజయాన్ని వేసుకున్నారు. ఇక ఇప్పుడు సినిమాలు , వెబ్ సిరీస్ లంటూ ప్రేక్షకులను అలరిస్తున్న శివాజీ తాజాగా జబర్దస్త్ కి కృష్ణ భగవాన్ స్థానంలో జడ్జిగా వచ్చిన విషయం తెలిసిందే. 

అయితే ఈయన పక్కన కుష్బూ స్థానంలో లయ రావడం అందరిని సంతోషానికి గురిచేస్తోంది. ఒకప్పుడు వెండితెరపై జంటగా కనిపించి అందరిని ఆకట్టుకున్న వీరిద్దరూ ఇప్పుడు దాదాపు 18 ఏళ్ల తర్వాత మళ్లీ జబర్దస్త్ జడ్జీ లుగా రావడం అందరికీ కన్నులు విందుగా అనిపిస్తుంది. ముఖ్యంగా వీరిద్దరి కి సంబంధించిన ఎపిసోడ్ కూడా ఇప్పుడు చాలా వైరల్ గా మారుతోంది. 

అసలు విషయంలోకి వెళ్తే..  గత కొన్ని సంవత్సరాలుగా నిర్విరామంగా ప్రేక్షకులకు మంచి ఎంటర్టైన్మెంట్ అందిస్తున్న ప్రముఖ కామెడీ షో జబర్దస్త్ గురించి పరిచయాలు ప్రత్యేకంగా అవసరం లేదు. ముఖ్యంగా ఈ షో ఎంతోమందికి మంచి జీవితాన్ని ప్రసాదిస్తోందనడంలో సందేహం లేదు. రోజా - నాగబాబు జడ్జిలుగా మొదలైన ఈ షో.. ఆ తర్వాత వీరు షో నుంచి వెళ్లిపోవడంతో వీరి స్థానంలో చాలామంది మారుతూ వచ్చారు. చివరిగా కుష్బూ,  కృష్ణ భగవాన్ జడ్జీ లుగా వ్యవహరించారు. ఇప్పుడు వారిద్దరు వెళ్లిపోవడంతో వారిద్దరి స్థానంలో శివాజీ - లయ వచ్చి చేరారు. 

అలాగే ఇందులో కామెడీ పండించిన చాలామంది కమెడియన్స్ కూడా నేడు హీరోలుగా క్యారెక్టర్ ఆర్టిస్టులుగా సినిమాలలో సెటిలైపోయారు. ఏదిఏమైనా 18 ఏళ్ల తర్వాత మళ్లీ బుల్లితెరపై అలరించడానికి సిద్ధమైన ఈ జంట ఇక్కడ ఎలాంటి విజయాన్ని సొంతం చేసుకుంటుందో చూడాలి.

ఇదీ చదవండి: Pawan Kalyan Second Daughter: పవన్ కళ్యాణ్ చిన్న కూతురును చూశారా.. ఎంత క్యూట్ గా ఉందో..!

ఇదీ చదవండి: Devara Villain Saif: దేవర విలన్ బైరాకు వైయస్ఆర్ ఫ్యామిలీకి ఉన్న ఈ రిలేషన్ తెలుసా..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి. 

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

 సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter