సాహో సినిమాతో టాలీవుడ్ ఆడియెన్స్‌కి పరిచయమవుతున్న బాలీవుడ్ బ్యూటీ శ్రద్ధా కపూర్. ఈ సినిమాలో డార్లింగ్ ప్రభాస్ సరసన జంటగా నటిస్తున్న శ్రద్ధా కపూర్ ఇవాళ తన 32వ పుట్టిన రోజు సెలబ్రేట్ చేసుకుంటున్న సందర్భంగా ఆమెకు పుట్టిన రోజు కానుకగా సాహో నిర్మాతలు 'షేడ్స్ ఆఫ్ సాహో- చాప్ట‌ర్ 2' పేరిట ఓ టీజర్‌ను విడుదల చేశారు. హాలీవుడ్ యాక్షన్ సీక్వెన్స్‌ని తలపించేలా వున్న ఈ టీజర్ సాహో సినిమాపై వున్న అంచనాలను ఇంకొంత పెంచింది.
రన్ రాజా రన్ ఫేమ్ సుజిత్ రెడ్డి డైరెక్ట్ చేస్తోన్న సాహో సినిమా తెలుగు, త‌మిళం, హిందీ భాష‌ల్లో విడుదల కానుంది. యూవీ క్రియేషన్స్ నిర్మిస్తున్న సాహో సినిమాకు శంకర్ ఎహసాన్ లాయ్ సంగీతం అందిస్తుండగా జాకీ ష్రాఫ్, నీల్‌ నితిన్‌ ముఖేష్, అరుణ్‌ విజయ్, మురళీ శర్మ ఇతర కీలక పాత్రలు పోషిస్తున్నారు.
