Purple Cap in IPL 2023: ఈ సీజన్‌లో బౌండరీల వరద పారుతున్నా.. బౌలర్లు సత్తాచాటుతూ బ్యాట్స్‌మెన్ జోరుకు కళ్లెం వేస్తున్నారు. పర్పుల్ క్యాప్ రేసులో ఉన్న ఐదుగురు బౌలర్లపై ఓ లుక్కేయండి.
ఈసారి ఆరెంజ్, పర్పుల్ క్యాప్ రేసులో రాయల్ ఛాలెంజర్స్ బెంగళూరు ఆధిపత్యం చెలాయిస్తోంది. పేసర్ మహ్మద్ సిరాజ్ ఆరు మ్యాచ్‌లలో 12 వికెట్లతో టాప్ ప్లేస్‌లో ఉన్నాడు. సిరాజ్ 6.70 ఎకానమీ రేటుతో పరుగులు ఇచ్చాడు.
గుజరాత్ టైటాన్స్ స్టార్ బౌలర్ రషీద్ ఖాన్ ఈ సీజన్‌లో కూడా బ్యాట్స్‌మెన్ భరతం పడుతున్నాడు. ఆరు మ్యాచ్‌ల్లో 12 వికెట్లు తీసి సెకెండ్ ప్లేస్‌లో ఉన్నాడు. సిరాజ్‌తో సమానంగా వికెట్లు తీసినా.. 8.29 ఎకానమీ రేటుతో రషీద్ రన్స్ ఇచ్చాడు.
లక్నో సూపర్‌ జెయింట్‌ పేసర్ మార్క్‌ వుడ్‌ అదరగొడుతున్నాడు. నాలుగు మ్యాచ్‌లు ఆడి 11 వికెట్లు పడగొట్టి రెండో స్థానంలో ఉన్నాడు.
గతేడాది పర్పుల్ క్యాప్ విన్నర్, రాజస్థాన్ రాయల్స్ స్పిన్నర్ యుజ్వేంద్ర చాహల్ ఈసారి కూడా రేసులో దూసుకువస్తున్నాడు. ఆరు మ్యాచ్‌ల్లో 11 వికెట్లతో మూడవ స్థానంలో ఉన్నాడు.
గుజరాత్ టైటాన్స్ పేస్ బౌలర్ షమీ ఐదు మ్యాచ్‌ల్లో 10 వికెట్లు తీశాడు. టాప్-5 బౌలర్లలో ఒకడిగా ఉన్నాడు.
