Corona New Variant: ఊహించిందే జరుగుతోంది. కరోనా వైరస్ మరోసారి రూపాంతరం చెంది కొత్తరూపం దాల్చింది. కొత్త వేరియంట్‌గా భయపెడుతోంది. వ్యాక్సిన్‌కు సైతం ఈ వేరియంట్ చిక్కదని తేలడంతో ఆందోళన పెరుగుతోంది.
కరోనా మహమ్మారి(Corona pandemic)ఎప్పటికప్పుడు రూపాంతరం చెందుతూ వివిధ వేరియంట్లతో వణికిస్తోంది. ఇప్పుడు మరో కొత్తరూపు దాల్చింది. కొత్త వేరియంట్‌గా ప్రపంచానికి సవాలు విసురుతోంది. దక్షిణాఫ్రికా సహా పలు దేశాల్లో గుర్తించిన ఈ కొత్త వేరియంట్ అత్యంత ప్రమాదకరమని నేషనల్ ఇనిస్టిట్యూట్ ఆఫ్ కమ్యూనికబుల్ డిసీజెస్ నిపుణులు చెబుతున్నారు. దక్షిణాఫ్రికాకు చెందిన కేఆర్ఐఎస్‌పీ సంస్థతో జరిపిన పరిశోధనలో కరోనా కొత్త వేరియంట్ సీ 1.2 బయటపడిందని అంటున్నారు. 2021 మే నెలలోనే ఈ వేరియంట్‌ను గుర్తించామని..ఆగస్టు నాటికి చైనా, కాంగో, మారిషస్, ఇంగ్లండ్, న్యూజిలాండ్, పోర్చుగల్, స్విట్జర్లాండ్‌లలో ఈ వేరియంట్ జాడలు కన్పించాయని చెబుతున్నారు.
కొత్త వేరియంట్‌లు(Covid New Variant)రావడం సహజమే అయినా ఈ వేరియంట్ కాస్త ప్రత్యేకంగా ఉంది. ప్రస్తుతం ప్రపంచవ్యాప్తంగా జరుగుతున్న కరోనా వ్యాక్సిన్‌కు(Corona Vaccine)ఈ వేరియంట్ అందదని తెలుస్తోంది. ఇదే ఇప్పుడు ఆందోళనకు కారణమవుతోంది. కరోనా వ్యాక్సిన్ కల్పించే రక్షణ వ్యవస్థను దాటుకుని ఈ వేరియంట్ ముందుకు పోతుందని నిపుణుల పరిశోధనలో వెల్లడైంది. ఇతర వేరియంట్లతో పోలిస్తే ఈ వేరియంట్ ఉత్పరివర్తనాలు చాలా ఎక్కువగా ఉన్నాయని ఎన్ఐసీడీ(NICD) శాస్త్రవేత్తలు తెలిపారు. అటు దక్షిణాఫ్రికాలో ఈ వేరియంట్ జీనోమ్స్ సంఖ్య పెరుగుతూ వస్తోందని అధ్యయనం తెలిపింది. ఈ వేరియంట్‌లో మ్యూటేషన్ రేటు 41 శాతం ఉందని తెలుస్తోంది. సీ 1.2 వేరియంట్‌లో(Corona C 1.2 Variant) కన్పించే కొత్త రకాల మ్యూటేషన్లు క్లాస్ 3 యాంటీబాడీలను(Antibodies) తప్పించుకోగలదని తేలడం ఆందోళనను పెంచుతోంది. ఈ వేరియంట్‌లో ఎన్ 440 కే, వై 449 హెచ్ మ్యూటేషన్లు ఉన్నట్టు కనుగొన్నారు.
Also read: Dengue: ఓవైపు కరోనా కల్లోలం.. మరోవైపు డెంగ్యూ డేంజర్ బెల్స్..ఏపీలో విపత్కర పరిస్థితులు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
