Finger Millets: సోళ్లు పిండి అంటే అందరికీ సుపరిచితమే. వేసవికి మంచి ప్రత్యామ్నాయమైన ఆహారం. ఇన్‌స్టంట్ ఎనర్జీతో పాటు రాగులు లేదా సోళ్లు పిండితో కలిగే ప్రయోజనాలు వింటే ఆశ్చర్యపోతారు.
నిత్య జీవితంలో మన ఆహారపు అలవాట్లే ఆరోగ్య సంరక్షణ లేదా అనారోగ్యానికి కారణమవుతాయి. ప్రతి వంటింట్లో లభించే వివిధ రకాల ఆహారపదార్ధాలతోనే ఆరోగ్యాన్ని సంరక్షించుకోవచ్చు. ఇందులో ముఖ్యంగా రాగులు లేదా సోళ్లు పిండి. ముఖ్యంగా ఈ వేసవిలో ప్రతిరోజూ క్రమ తప్పకుండా రాగుల్ని ఆహారంలో భాగంగా చేసుకుంటే అద్భుతమైన ఆరోగ్య ప్రయోజనాలుంటాయి. వేసవిలో రాగులు తీసుకోవడం వల్ల శరీరంలో వేడి తగ్గుతుంది. అటు అలసట కూడా తగ్గుతుంది. ఇక మరో ముఖ్యమైన అంశం మధుమేహాన్ని నియంత్రిస్తుంది. రాగుల్లో ఉండే ఫైబర్..గ్లెసీమియా షుగర్ వ్యాధిగ్రస్థులకు చాలా మంచిది. ఇన్సులిన్ నిల్వ చేయడంలో రాగులు అద్భుతంగా పనిచేస్తాయి.
ఇక రాగుల్లో ఉండే యాంటీ ఆక్సిడెంట్‌లు కేన్సర్ కారకాల్ని నాశనం చేస్తాయి. ఇందులో యాంటీ ఏజీయింగ్ లక్షణాలు అధికంగా ఉంటాయి కాబట్టి..క్రమం తప్పకుండా తీసుకుంటే నిత్యం యవ్వనంగా ఉంటారు. రాగుల్లో ఉండే మెగ్నీషియం, పొటాషియంలు శరీరంలో వేడిని తగ్గించడమే కాకుండా గుండె సంబంధిత సమస్యల్ని తగ్గిస్తాయి. రాగుల్లో ఉండే మినరల్స్, పొటాషియం, ఫాస్పరస్, ఐరన్ వంటి పోషకాలు ఆరోగ్యానికి చాలా మేలు చేకూరుస్తాయి. రక్తశాతం పెంచడమే కాకుండా, రక్తంలో హిమోగ్లోబిన్ స్థాయి పెంచుతాయి. రక్తహీనత ఉండేవాళ్లు తప్పకుండా తీసుకోవాలి. ఇక రాగుల్లో ఉండే ఎమైనో యాసిడ్స్ చెడు కొలెస్ట్రాల్‌ను తగ్గించడమే కాకుండా..బరువు తగ్గిస్తాయి. రాగుల్లో కాల్షియం అధికంగా ఉండటం వల్ల ఎముకలు బలంగా మారతాయి. కీళ్లనొప్పులు మాయమవుతాయి. పాలిచ్చే తల్లులు రాగులు తీసుకోవడం వల్ల చాలా ఉపయోగం. ఇందులో ఉండే ఎమైనో యాసిడ్స్ శరీరాన్ని రిలాక్స్ చేస్తాయి.
రాగులనేవి ఎదిగే పిల్లలకు మంచి బలవర్ధకమైన ఆహారం. అయితే కాల్షియం అధికంగా ఉంటుంది కాబట్టి కిడ్నీ సంబంధిత వ్యాధులున్నవాళ్లు తీసుకోకూడదు. థైరాయిడ్ రోగులు కూడా రాగులకు దూరంగా ఉండాలి. ఏదైనా శారీరక సమస్యలున్నవాళ్లు..సాధ్యమైనంతవరకూ వైద్యుడిని సంప్రదించి రాగులు లేదా సోళ్లు పిండి తీసుకోవడం ఉత్తమం. వేసవిలో సాధారణంగా మార్నింగ్ వీక్నెస్ ఉంటుంది. అందుకే వేసవిలో ప్రతి ఉదయం సోళ్లు పిండి జావ తాగితే చాలా ఎనర్జీ లభిస్తుంది.
Also read: Facepack: అందమైన.. మృదువైన చర్మం కోసం ఇంట్లో తయారుచేసుకునే ఫేస్‌ప్యాక్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
