స్టైలిష్ స్టార్ అల్లు అర్జున్‌కి టాలీవుడ్‌లోనే కాకుండా కన్నడ నాట, కేరళలోనూ భారీగా ఫ్యాన్ ఫాలోయింగ్ ఉన్న సంగతి తెలిసిందే. అలా నిన్న శనివారం సాయంత్రం బెంగుళూరులో ఓ కార్యక్రమానికి అల్లు అర్జున్‌ని ముఖ్య అతిథిగా ఆహ్వానించిన ఓ ఇంజనీరింగ్ కాలేజీ విద్యా సంస్థ.. భారీ సంఖ్యలో హాజరైన బన్ని అభిమానుల ముందు వేదికపై అతడిని ఘనంగా సన్మానించింది. ఈ సన్మాన కార్యక్రమం అనంతరం అభిమానులు, విద్యార్థులను ఉద్దేశించి మాట్లాడిన స్టైలిష్ స్టార్... జీవితంలో చదువును, వినోదాన్ని సమానంగా బ్యాలన్స్ అయ్యేలా చూసుకోవడం చాలా ముఖ్యమని, అలాగని దేనిని తక్కువ అంచనా వేయకూడదని వారికి సలహా ఇచ్చాడు.
ఇక బన్ని అప్‌కమింగ్ సినిమా విషయానికొస్తే, జులాయి తర్వాత మళ్లీ త్రివిక్రమ్ దర్శకత్వంలో బన్ని ఓ సినిమా చేయనున్నాడు. డిసెంబర్‌లో ఈ సినిమా సెట్స్‌పైకి వెళ్లనుంది.
