Sonam Kapoor Baby Boy: పండంటి మగబిడ్డకు జన్మనిచ్చిన సోనమ్ కపూర్

Sonam Kapoor and Anand Ahuja Blessed With A Baby Boy: నటుడు అనిల్ కపూర్ కుమార్తె, హీరోయిన్ సోనమ్ కపూర్ ఇంట్లో సందడి నెలకొంది. ఆనంద్ అహుజా  - సోనమ్ కపూర్‌ దంపతులకు పండంటి మగబిడ్డ జన్మించాడు. కపూర్ కుటుంబం ఇంట్లో చిన్న అతిథి గురించి చాలా ఆనందం ఉంది. ఈ శుభవార్తను నీతూ కపూర్ సోషల్ మీడియాలో షేర్ చేసింది. ప్రస్తుతం, సోనమ్ కపూర్ కొడుకు గురించి పెద్దగా సమాచారాన్ని ఇంకా పంచుకోలేదు.

అదే సమయంలో, సోనమ్ కపూర్ అలాగే ఆమె బిడ్డ ఫోటోల కోసం  అభిమానులు ఆసక్తిగా ఎదురుచూస్తున్నారు. ఇక బిడ్డ పుట్టిన తర్వాత కపూర్ కుటుంబం ఆనందానికి అవధులు లేవనే చెప్పాలి. నీతూ కపూర్ షేర్ చేసిన నోట్‌ని సోనమ్ కపూర్ తల్లి సునీతా కపూర్ మళ్లీ షేర్ చేశారు. ఇక తమ జీవితం శాశ్వతంగా మారిపోయిందని ఆనంద్ అహుజా  - సోనమ్ కపూర్‌ దంపతులు తెలిపారు. వైద్యులు, స్నేహితులు, కుటుంబ సభ్యులకు ఆనంద్ అహుజా  - సోనమ్ కపూర్‌ కృతజ్ఞతలు తెలిపారు.

కొన్ని రోజుల క్రితం, సోనమ్ కపూర్ లండన్ నుండి ముంబై డెలివరీ కోసం వచ్చింది. బిడ్డ పుట్టిన తర్వాత 6 నెలల పాటు తల్లిదండ్రుల వద్దే ఉంటానని, ఆ తర్వాత ఢిల్లీ లేదా లండన్‌కు తిరిగి వస్తానని ఓ ఇంటర్వ్యూలో చెప్పింది. సోనమ్ కపూర్ ఇటీవలే తన ఫోటోలను షేర్ చేసింది. అలాగే గర్భధారణలో ప్రతిదీ అంత సులభం కాదని చెప్పింది, పాదాలలో చాలా వాపు ఉందని ఆమె చెప్పింది. ఈ ఏడాది మార్చిలో సోనమ్, ఆనంద్ ప్రెగ్నెన్సీ గురించి ప్రకటించారు. అంతేకాక బేబీ బంప్‌తో ఫోటోషూట్ కూడా విడుదల చేశారు.  

సోనమ్ 2018లో వ్యాపారవేత్త ఆనంద్ అహూజాను వివాహం చేసుకున్నారు. పెళ్లి తర్వాత సోనమ్ తన భర్తతో కలిసి ఆమె లండన్‌కు షిఫ్ట్ అయింది. అయితే సినీ నటి కావడంతో ముంబై-కి షటిల్ సర్వీస్ చేస్తూనే ఉంది. ఆమె చేస్తున్న సినిమాల గురించి చెప్పాలంటే ఆమె త్వరలోనే 'బ్లైండ్' సినిమాలో కనిపించనుంది. ఈ సినిమాలో ఆమెతో పాటు విజయ్ పాఠక్, పురబ్ కోహ్లీ సహా లిల్లెట్ దూబే కూడా నటిస్తున్నారు. ఈ సినిమా 2011లో వచ్చిన కొరియన్ సినిమా 'బ్లైండ్'కి రీమేక్ గా రూపొందింది. 

Also Read: Taapsee Pannu Dobaaraa Collections: తాప్సీ సినిమాకి దారుణమైన రెస్పాన్స్.. మొదటి రోజు ఎన్ని లక్షలంటే?

Also Read: Actress Kanishka Soni Strong Counter: తనను తానే పెళ్లి చేసుకున్న నటి.. ‘ఆ’ పనికి కూడా మగాళ్లతో పనిలేదట!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

Android Link - https://bit.ly/3P3R74U

Apple Link - https://apple.co/3loQYe 

Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి